سكسكوكة

[شباب]

هذاك المار قدامي وله نظرات قتاله
له سكسوكة حلوه باقصى الوجه مرتسمه

حرمني النوم في ليلي حرمني النوم عقباله
يحس الشوق في صدره ذبحه وزاد في همه

احب امه واحب عمه احب جده واحب خاله
اموت بنظرة عيونه واعشق كل حروف اسمه

احب جده واحب هزله اموت وحالتي حاله
واذا يطروه قدامي احس بداخلي صدمه

ذبحني بكثر ما اشتاقه ذبحني بكثرة اشغاله
شغلني كنه قليبي فصلني من على الخدمه

ياريت اقدر اصير في يوم شئ دايم اقباله
وراه بكل ماكان يروح وشئ غالي يهمه

ياريتي ساعه في يديه ..او ارقامه في جواله
يطقطقني على كيفه ولا احفظ سوى رقمه

انا ادري انه يعاني وادري صعبه احواله
وقلبي مايطاوعني يبي دايم وهو يمه

وترى مايهمني ربعه وعذالي وعذاله
احبه بكل جنون الحب والاحساس والذمه

صحيح انه يكذبني ويقول اني مو على باله
لكني بعلمه كيف هو دمي وانا دمه

ويقول اني انا انسى فال الله ولا فاله
لو بانسى انا نفسي..ما انسى ابد رسمه

ياقلبي شوفلي حلن..بحبن صار لي عاله
ياإما تجيبه لعندي ..ولا اطلبه من امه






للشاعرة نهى نبيل

 

[شباب]

ِوقف كل الزمن لحظة وضاعت حسبة الأزمان
ظلام ٍ حالك ٍ أسود ذبح هالكون بسكاته

ِهنا صمت ٍ حزين ٍ في عيون رجال ٍ ونسوان
وطفل ٍ ذابت عيونه وشيخ ٍ هلْ عبراته

فقد نبض الوطن شيخ ٍ عزيز وعالي ٍ بالشان
يسطِر هالزمن إسمه بنور ٍ فوق صفحاته

َتنكَس هالعلم يبكي حبيبه و انكسر ذبلان
وظل دسمان يتساءل عن اللي شب شمعاته

تِيتم هالشعب بعدك و ذاق الهم والحرمان
يكيف يطلْ به صبح ٍ عيونك انت ماجاته؟

عيون ٍ كم بكت لجل الكويت و دمعها نيران
وصِرنا اليوم نبكيها ياشيخ العزْ وكلماته

حبيب القلب يا جابر ياشيخ الطيب والإحسان
وسط قلبك تربعنا و ذِبنا بدم نبضاته

رحلت و كلنا نصرخ نناديلك يا أعز إنسان
أبونا من عمر عشنا نعلي فوق راياته

مِن اللي علم العالم يِحب ومايبي عرفان ؟
من اللي ذاب بَهْ شعبه بلا زيف ٍ لحاجاته ؟

من اللي من بعد عينه تموت و تَدمي القيفان
و لا تِقدر توصللَه عذاب القلب وآهاته؟

كأنْ الشِعر ياجابر بعدكْ انتْ انكسر وانْهان
بعد ذاك الخبر عنِك تَخَلت عنَه أبياته

أبدْ منساك يا شيخ ٍ نشيلك وِسط هالوجدان
وشعبك حافظكْ يدعي لسموك كل أوقاته

لأنك اِنت من علَم عِيالك نزعة الإيمان
بترحل عنِنا جسم ٍ وروحك تسكن بذاته

فمان الله يا عز الكويت و درة الأوطان
فمان الله جعل الله يسكنك وسط جناته

 

[شباب]

يقولو إن الزين بس للصبايا
حكي الجياكر صدق مأخوذ خيرهـ

عندي حبيبٍ فيه كل المزايا
فوق الشهامه أشهد إنه دميرهـ

له نظرهـ تسوي سواة وسوايا
ورزة عقال ماهي لحد غيرهـ

وغمازتين هناك صوب الشفايا
ونظرات عينٍ يالخلايق خطيرهـ

ودي أشوفه كل لحظة معايا
عيني بصيرهـ بس يدي قصيرهـ

صرت ألمحه في عين كل الزوايا
وأموت لا جاء ذكرهـ بأي سيرهـ

أترك عشانه كل عمري ورايا
و أبنيله بوسط الحشا ألف ديره

سبحان من خلى االحسن فيه آية
قلبي هواه و مدري وشو مصيره

من يوم شفته .. الوصل صار غاية
و رسمت في لحظة أماني كبيرة

و أظنني تناسيت كل البلايا
و عيوبه صارت في عيوني صغيرة

(كحيان) و (منتَف) قليل العطايا
مير أشعر بظله بأني أميرة !!

يرمي سهام العشق أحسن رماية
و (ينيشن) قليبي و ينثر عبيره

كذاب ٍ و يحلف ماله سوايا..
... و لا جا يناديني ينادي "سميرة"!

لكن أحبه , , يا بلاه و بلايا
و أبقى أتحمل سلبيات ٍ كثيرة

لأني وهبته الروح و أجمل هدايا
حب ٍ على إخلاص ٍ مع شوي غيرة

و صرت أعذره و أهيم به في عمايا
و أقول يرجعلي و يعقل مسيره

جنن قلوب الناس و أحلى الصبايا
و طيرلي قليبي , ملعون خيره !!!

 

[شباب]

جيت أعتذر لك والندم يعتصرني
جيتك وقلبي جاك ويسابق خطاي

أما بعد ماجاك مني تعذرني
ولا بروح وبآخذ الجرح وياي

زلة لسان ودام حظي غدرني
خلك كبير وطفي النار بحشاي

لأنك بعد ماأقفيت شيءٍ غمرني
جلست أسآل خافقي شالذي جاي

والخوف إني أخسرك وتخسرني
خلاني أوصل عند بابك بممشاي

وش هـي حياتي لو غرامك هجرني
وإنت الهوى للروح ولعروقي الماي

لأني خطيت كثير قلبي أمرني
إني أتبعك وأجيك ياغاية مناي

وتصدق على لقياك محدٍ جبرني
لأني بدونك إنت ماأعيش دنياي

 

[شباب]

ودي أحكي لك حبيبي عن عذابي من زماني
ودي أشكـي لـك همـومٍ بالحشـى دايـم تزيـد
.
ودي أتكلـم وعينـك ماتناظـر شخـص ثـانـي
ماأبيـك تشـوف غيـري مـن قريـبِ أو بعيـد
.
ودي أسولف وتسمع كـم أنـا بالحـب أعانـي
وأشتكـي منـك لعينـك كانهـا الشكـوى تفـيـد
.
أدري أنه ضاق صدرك ومثل ماهو إحتواني
بأحتـوي صدرٍحنـونِ يقـلـب أحـزانـي لعـيـد
.
أنت في بعدك حبيبـي ماأقـدر أتحمـل ثوانـي
ليـه دايـم بـي تفـكـر إنــي بعـيـدك سعـيـد؟!
.
لونها بكثـر الرسايـل كـان حظـي ماعصانـي
باتعـذب لاجـل عينـك وأشتغـل ساعـي بريـد

 

[شباب]

https://youtu.be/3rNXgui8738



حرمت عيني يالغلا لذة النوم
و قلبي كسير ٍ ما تحمل همومه

طيفك ذبحني.. زادلي همي هموم
والشوق سيف ٍ أهلكتني عزومه

ماكنت أنا احسب ينهزم قلبي بيوم
لينك ذبحته وطاح من غير قومه

مشتاق ٍ وروحي معك دايم ودوم
والنفس صارت في هواك امحرومه

ياويل قلب ٍ عايش ٍ منك محروم
أمسى قتيل ٍ وانت أقصى حلومه

ملزوم صبحه والمسا فيك ملزوم
و يعيش لجلك كل لحظات يومه

يعني في بعدك حالي يصير معدوم
وجسمي نحيل ٍ غصب شايل هدومه

ياللي غرقتك بدنيتك كيف باعوم؟؟؟
بحرك غزير وصعب مثلي يعومه

ياللي تنام الليل شرواي مهموم
رجع لمحبوب ٍ سهر فيك نومه

علمني بعدك بالهوا منهو ألوم ؟
منهو يحامي خافقي من خصومه؟

يا كيف تجفاني و الفواد مظلوم!
مدري ألومك انت و إلا ألومه ..

 

[شباب]

أمانة يا حمد بلِغ خويٍك كلمة ٍ مني
رسالة روح وصلها بلا عذر ٍ و لا تأجيل

أبيك تقول له إنه و لا بالحلم يوصلني
و إني أكبر و أكبر من الأفلام و التمثيل

فلا يمثل علي عاشق لأنه جد ما همني
و قله ما يفيد اليوم كثر الهرج و التطبيل

ماني من البنات اللي مع كل أهبل يغني
يذوبون و ينادوله إذا غنى يا عين و ياليل

أنا عندي هموم أكبر و فكر ٍ سابق ٍ سني
و لا في يوم خربني كثير العطف و التدليل

و لا يوم ٍ سمعت "الراااء" تطلع بالغلط مني
ولا فكرَت في عمري أسوي لخلقتي تجميل

ولا يغرَه كلام الناس يوم إنهم حكوا عني
حكايا كلها كذب ٍ و ظلم ٍ قصده التظليل

قصيدي و أكتبه بيدي, بوسط الحضْر لكني
عشقت البدو و الصحرا و يعجبني صهيل الخيل

بقيت أنا وسكت منهو سعى في يوم ينكرني
و شعري صار يتحدى بشموخ يواجه رياجيل

و لا يحسب إذا وقَف خصل شعره بيجذبني
إذا ما ينسف الغتره أنا مالي لقلبه ميل

و قله وقتما أفكر أحب انسان و يحبني
أبيه يكون رجَالٍ.. و ماهي بحاجة لتحليل

و قلَه يلزم حدوده و لا يِقرب أبد مني
لأني لا قفل عقلي أنسيه الصبح و الليل

و إذا ما كان يعرفني , أو انه ما سمع عني
أبي توصيه لا يقرب لشارع به " نهى نبيل"

 

[شباب]

لا تحسبن الغرام اللي ربطني بك يهون
ولا تفكر إن قلبي يوم فارقتك سلى

ياحبيبٍ تعشقه مابين كل عينٍ عيون
وكل دقات القلوب تنادي لقلبك هلا

لو بتسألني أحبك أعشقك حد الجنون
وإن سألت القلب ذاكر يصرخ بنبضه بلا

كيف أنسى غرامك وإنت لوحدك بكون
إنت من يحيي خفوقي وإنت اللي تقتله

ياحبيبي خلك عنك كثر همك والظنون
حطني دايم ببالك وإنسى كثر الأسئله

إيه أصادف في حياتي ألف شكل وألف لون
بس ماغيرك جذبني وهذا اللي تجهله

كيف تحسبني بعد ماصرت بيديني أخون
وإنت أقصى أمنياتي للسنين المقبله

صاينه ودك بروحي وحالفه مهما يكون
إني أبقى لك حبيبي يعني إنتا وإلا فلا

والله إن غيرك حبيبي لو يروحون او يجون
مافعل فيني فعلهم مثل ياللي تفعله

بس نظرهـ من عيونك تزرع الصحراء غصون
ولا نشف ريقي دقيقه نطق إسمك بلله

مايهون الحب عندي وإنت والله ماتهون
لا تسيء الظن فيني وتفتعل لي مشكله

ماعشقت إنسان غيرك لا ولا مايحزنون
وإسمك اللي في فؤادي مستحيل أبدله

بس تدري دام أحبك والله ياعمري تمون
حتى لو تجرح شعوري أو تسوي بلبل

 

[شباب]

أنا ناوي لك بنيـــة تعلــــــم قلبـــــك الأخــــلاق
أبيك تعرف وش تعني خيانة شخـــص في شرعي


تحملتك كثير وشلت لأجلك حمل ماينطاق
وأخلصت العطا لأجلك تدي بالعطا طبعــي


ويا ما كان لك عندي بحر من حبٍ وأشواق
ولو لاموني بحبك يعاند قولهم سمـــــعي


أمانة ليش كنت تقول بأني شمعة العشاق
وبأن بكل حدود الكون مايوصل حدٍ ربعـــــي


وبأن االعشق لي وحدي بليا موعدٍ ينساق
وكل من كان ضميانٍ سقيته من صفا نبــــــعي



وبالآخر تجـــي تكتــــب نهاية حبنا بفراق
وتتمادى مع غدرك وتملــي كاســــي بدمـــــعي



ألا ياللي حرقت القلب وصار الوقــت بك حراق
أبد ماينطفي جمري وحتـــى بالصلاة بدعــــي



الين الله يقدرني وأعلم قلبــــكالأخلاق
لجل تعرف وش يعني خيانة شخص فــي شرعـــي

 

[شباب]

حلم الطفولة لي بنيته من سنين
بودِعه و ابدا بعيد ٍحياتي
من الف تسعمية وأثنين وتسعين
للعام ذا و آنا أدوِر بذاتي!!
شفت المحبة في عيون المحبين
والحقد بقلوب ٍ يسرها مماتي
و شفت العجب وآنا ألف الميادين
واسرار كانت تنحبس في سِكاتي
ناس ٍ تشوف اللي دفنته ورا العين
وناس ٍ يهمها وش تخبِي عباتي
شفت البشر أجناس زين ٍ مع شين
و وجيههم تحفل بهاذكرياتي
أحلام صارت صدق ويظل حلمين ..
أحلم أنام الليل من غير أحاتي
وأحلم أغمِض عيني بلحظه وحين
وافتح ألاقي الكون ناسي صفاتي
ماعشت عمري مثل ماالكل عايشين
شِلت الأسى و آنا بأول خُطاتي
ولقيت نفسي صرت في سن عشرين
مير السنين تعاونت في شقاتي
ورَتني اللي شافه عيال سبعين
من ناكرين الفضل لين الوشاتي
بالمصلحة كانوا على العهد باقين
واليا قضوا خانت بهم كل رجاتي
ما يُلدغ المسلم من الجحر مرتين
و ماتفيدني إليا خسرت اعبراتي
ماهو الخطا لاخطيت يوم ٍ أو اثنين
بس الخطا ان استمر في خطاتي
بدعي أنا الله مثبِت العقل والدين
انه يعاوني على مبتغاتي .......!