جبروت الشوق

[محبوب]

طال الغياب اللي نزع منـي أحاسيـس الغـرام

واستلهمت روحـي بقايـا ذكرياتـي والحنيـن

كنت احسب ان البعد سهل ولو يجي له كم عـام

ماكنت اضن الشـوق يذبـح والليالـي ماتليـن

اثري غريرن بالهوى واثر الهوى جـوه غمـام

واحدن سلى في خافقه واحدن عرف معنى الأنين

ياللي سكنتي بالضلوع وتنثنـي دونـك عظـام

لا تقطعين الوصل تكفيـن ارجعـي لا تقطعيـن

مجنونك اليوم استجـن وعـاف زاده والمنـام

واحتار فكره يوم يذكر مامضى له مـن سنيـن

أذكٌـرك يالجوهـره يالغاليـه عـذب الـكـلام

وكم ليلتـن فيهـا سهرنـا والخلايـق نايميـن

واذكٌرك يوم الهوى عندي وعنـدك مـا يضـام

مايوم نجفى بعضنـا حتـى ولـو متخاصميـن

ازعل وترضيني وانا لامـن زعلتـي مـا أنـام

يضيق كوني في عيوني يوم اشوفـك تزعليـن

راحت ليالينا مثـل مـن راح واقفـى بالعتـام

تاهت عناوينه وضاع ولا لقى لـه مـن يعيـن

الوقت صعب اليا قلـب لا مايسـوم ولا يسـام

ماله أحاسيس ومشاعر جايرن فـي كـل حيـن

والحب ماهو وقـت عابـر يالحبيبـه والسـلام

الحب يبقـى بالقلـوب الصافيـه حبلـه متيـن

وانا على خبرك ترى قلبي على احسن مايـرام

ومهما ابتعدتي باقيـه عـن خافقـي ماتبعديـن

لاتسمعيـن لهـرج عـاذل لا يلـوم ولا يـلام

أكبر قهر عنـده اليـا مـن شافنـا متفاهميـن

لحظه طرى لي بالخيال اني ملكت اجمـل وسـام

كني أشوفك جالسه بـس اسألـك وش تكتبيـن

شفتك كتبتـي كلمـة الفرقـى وقلتـي ياحـرام

كيف المفارق ينكتـب دام الوفـا لـه عاشقيـن

وشفتك بعد خطيتي اسمي في تكلـف واهتمـام

من بعد ماقبلـه كتبتينـي بقلبـك مـن يميـن

وفرحت يوم اني على بالـك وشفـت الإحتـرام

عبدالعزيز بصفحتـن بيضـا وفيهـا شارتيـن

الصدق وبجنبـه وفـا نـورن ينـور بالظـلام

نورن ينور من طفى ضـوه بوسـط الشامتيـن

شفتي خيالـي ياحياتـي كيـف ودانـي وهـام

فوق الثريا واعتليت وصـرت ماكنـي حزيـن

هذي حياتي دون شوفـك كلهـا ضيـق وهيـام

يالغاليه طال السفـر متـى علـى الله ترجعيـن

 

[مشعل الهذلي]

السلام عليكم ورحمة الله وبركاته.
أخي الكريم محبوب أولا هل ترى أنه من حقنا عليك أن نعاتبك ان اطلت غيابك فمثلك يفتقد بصدق ..
أما بخصوص القصيدة وبكل أمانة من أجمل ماقرأت لك ولكن هي بقلمك أم منقولك ..
إن كانت لك فسنعذرك في غيابك قطعا ....وإن كانت منقولك فسنجد لك عذرا في بحثك عن الجمال ..


والحب ماهو وقـت عابـر يالحبيبـه والسـلام

الحب يبقـى بالقلـوب الصافيـه حبلـه متيـن


تقديري لشخصك الكريم ..

 

[أبو حمدان]

قصيدة جملة وعاني رائعة ولكن حبذا لو ذكرت لنا قائل هذه القصيدة هل هي من إبداعاتك أم منقولة والله يعطيك العافية ...

 

[عايش القارحي]

ا لحب يبقي بالقلوب الصافيه متينننننننننن
الله يعطيك العافيه

 

[مشهور الطلحي]

بيض الله وجهك يامحبوب صح لسانك

 

[بكيفي اتحادي]

مشكور اخوي ويعطيك العافية