[poem=font="Arial,5,#8b0000,bold,normal" bkcolor="" bkimage="" border="none,1," type=1 line=0 align=center use=ex num="0,"]
أبو المثلم
يـا سلامـي تحـيـة مـنـي لمشـعـل = من لحون طرت صدفه على بالي
المشـاعـل كـثـيـرة وانـتــه الاول = في مجالس هذيل المنـزل العالـي
مشعل
مرحبا ياهلا مليون وتفضل = أنت يابو المثلم صاحب غالي
كلمتك غالية مشكور ومجمل = الثمينة ترى تشرى بالاموالي
أبو المثلم
البقا وانت يا ليل العتاب أطـول = من نهار الصفـا والا يـورا لـي
كان للذيب رجل ٍ واحدة وانشل = مير ماهو ترى عن منزله جالي
مشعل
من يدور جواب السالفة يسأل = نعرف الفرق بين المر والحالي
أنت ياذيب لاتغذي بعيد إقبل = وازهم لصاحبك ويجيك طوالي
أبو المثلم
حلـل العيـنـة يــا فـنـي المعـمـل = جاك بـرواز دم وكبـد وطحالـي
لو نشدته عن المحفول والمحفل = قال انـا مـا دريـت ولا تهيـا لـي
مشعل
حلها عند من كبر ولا هلل = دام انا جيت منت مدور بدالي
انت يابو الملثم قول وتدلل = والسوالف تجي ياطيب الفالي
أبو المثلم
ما معي فيك شك ولا نويت ازعل = مير معط السباع الـوان واشكالـي
ردهـا بــهلله لــن جيـتـك اتبهـلـل = من يجيه الشتا يقرب من الصالـي
مشعل
الصحيح ان هذا الوقت متبدل = فيه لاينفعك عم ولاخالي .
إن تبهللت أخاف أضيع وتبهذل = أنت لك ضهر واناجالس لحالي
أبو المثلم
لا تنكـس معانيهـا إلـى الأسفـل = خلها فرع من مزموم الاقذالـي
يا دقيق العرب ما جالك المنخل = فيك حفنة تـراب وغـش كيالـي
مشعل
جبت لك بيت شعر زوين ومعدل = مادري انته تصيح مادري تلالي
والخطأ ياطويل العمر يتعدل = لو يميل الزمن صاحبك ما مالي
أبو المثلم
من يشوف المطب غصبن عنه فرمل = صاحـبـي مجتـهـد مــا هــو ببطـالـي
غانـدي مـات مـا بطـل مـن المـغـزل = والهـنـود ابـعـده هـــذره وجنـجـالـي
مشعل
شهادتك طيبة لكن ماتُقبل = ولاكل راعي جمل سموه جمالي .
اصابعك عوج لاتنقض ولا تفتل = وشلون تحفظ لغة هندي وبنقالي
أبو المثلم
ولّ يا الوعل ابو قرنين ول ول ول =حافظ الزلزلة مـع بعـض الانفالـي
كـل فرقـة لـهـا مــرواس ومطـبـل = اذهــن العـلـم لا تحـسـبـه مـوالــي[/poem]
