ياسهم هذيل لاهنت

[منور]

يشرفني ان اتحاور المحاوره الاولى مع سهم هذيل المحترم ولاهانوا الاخوان والمقصد نفيد ونستفيد,,,,,,


حضرنا وسلمنا على طايل الباعي -------- وراع الكرم ماهوب يسفه مساييره


الا ياسهم يازين وقت التجماعي -------- ولايجرح الخافق سوى البعد والحيره

 

[كنترول العالم]

منور والله انتضر سهم وهلا فيك

 

[قرناس]

احنا معكم يامنور

نتابع

 

[غرنــــوقة نـــــــجد]

هلا فيكم حتى نسوان هذيل بتابع المحاوره معكم

ننتظر الرد

 

[منور]

الانتماء للذات

هلابك اكثر وشرفني مرورك المشرف

قرناس

تسعدني وتشرفني متابعتك الكريمه

 

[منور]

غرنوقة نجد

لي الشرف والفخر بمتابعتكم الكريمه

 

[عباد الهذلي]

حيــآك الله آخــوي منـــور الشـرف لي طال عمركـ باللعـب معكـ ..

[poem=font="simplified arabic,4,#00008b,bold,normal" bkcolor="" bkimage="" border="none,1," type=0 line=0 align=center use=ex num="0,"]
هــلآ مرحبــآ لبيــه ياللـي لنـآ داعـي = عـسى يـآعميـل الخير فـالأمــر خيره
كتبناك يالمكتوب وأرسل بك السـآعي= ومضمون خطي منكـر الضيف والجيره [/poem]

 

[أبو حمدان]

ياسلام ياسلام
واصلوا لاهنتم
محاورة كبيرة من بدايتها

 

[عباد الهذلي]

غـــرنـوقه نـجــد ..
الإنتماء للـذات ..
مطرفي الدلم ..
قــرنــآس ..
آبو حمــدآن ..

شرفتونا الله يشرف منزالكم في الدارين ..

 

[منور]

الله الله,,,,,,,,,والشرف لي

يدوم البقا واللي هقا فيك ماضاعي-------ولاتخاف رجل يالسهم طيب السيره

لفا خطكم لكـــــن ياتقل به ناعي------وانا مااذكـــر اني قد فقد خافقي طيره

 

[منور]

اخوي الكريم

ابو حمدان

اشكر شكرا جزيلا على كلامك الطيب النابع من طيب

 

[عباد الهذلي]

[poem=font="simplified arabic,4,#00008b,bold,normal" bkcolor="" bkimage="" border="none,1," type=0 line=0 align=center use=ex num="0,"]
ذلـول البـديـوي مـآنظـر فيـه طمـآعي=علشان ربعـه من هـل الخيـل والنيـره
ليـآ مـدت العــربـآن مديـت بـذراعـي = يبا يـشـرب الضميـآن والـدلو في بـيـره[/poem]

 

[أبو المثلّم]

السلام عليكم ورحمة الله وبركاته

الله الله

صحت الألسن

ليآ مدت العربآن مديـت بذراعـي .. يبا يشرب الضميآن والدلو في بيره

 

[منور]

ياسلالالالالالالالالالالالام

مع الناس مايكفي لهم صوب الاسناعي-----ولاهمها اللي بالخلا يشعب ابعيره

تقول وتطول ولكن الوقت خداعي-------الا ماحذرته بلشك في مقاديره

 

[منور]

ابو المثلم

صح بدنك وشكرا على حضورك

 

[عباد الهذلي]

[poem=font="simplified arabic,4,#00008b,bold,normal" bkcolor="" bkimage="" border="none,1," type=0 line=0 align=center use=ex num="0,"]

رعيـه رعيـه يـآعـرب مـآلهـآ رآعي= و من لآ برك للحـق مـآ قبل معــآذيــره
آنـآ أعـرف منـور فالقى قرم وشجاعي= ولكـن دربـه فيـه لفـه وتـدويــره [/poem]


صح لسـآنـكـ أخوي منور ..
تشـرفت باللعب معكـ يالنشمي ..
وسعيـدين بإنضمامكـ للمنتدى والله ..

 

[أبو حمدان]

ماشاء الله تبارك الله
كل يوم ينظم لنا شاعر جديد
لله درك يامجالس قبيلة هذيل
جمعت الشعراء تحت سقف واحد

صح لسانك يامنور
وصح لسانك ياسهمنا العزيز
الله يقويكم
شعراء مبدعين بكل أمانه

 

[منور]

صح بدنك يالغالي

سهم هذيل

وانا اسعد بأنظمامي لموقعكم المحترم والرائع


وصراحة اللعب معك شرف ومكسب ولايمل

ومدامك ختمته فلا عقب كلامك الجزل كلام

ولنا لقاء قادم انشاءالله

 

[عباد الهذلي]

ماشاء الله تبارك الله
كل يوم ينظم لنا شاعر جديد
لله درك يامجالس قبيلة هذيل
جمعت الشعراء تحت سقف واحد

صح لسانك يامنور
وصح لسانك ياسهمنا العزيز
الله يقويكم
شعراء مبدعين بكل أمانه

بـــآركـ الله فيكـ آخوي آبو حمــدآن

و تـشرفت باللعب مع أخوي منــور شــآعر كبيـر ..

والعـذر أخوي منور والله من البارح مانمـت بالمستشفى
بـروح أرتــآح شـــوي ...

 

[منور]

يالغالي ابوحمدان والله المحظوظ من ينظم لموقعكم


مدام فيه انت واللي مثلك من الرجال اهل الفعول الجميله ,,,,,,وكذلك اخواتنا النساء الكريمات والحشيمات

عندكم حسن استقبال واحترام وش عاد خليتوا

وعسى الله يوفقنا معكم

ومنكم انتعلم

واشكر كل من تابعنا