الــحـــر

[ماجد دخيل الزيداني]

الحر يشرب من رفيع المرازيب
ماينزل ويشرب نقاع الحميلة

والذيب مايجعر وعقار مو ذيب
والذيب ماينهش فدبر الحسيلة

الذيب ينحرفي عراض الشناخيب
مايقرب الجيفة ولو هي قليلة

تلقاه زابن عاليات العراقيب
واليا عوا تسمع عواه القبيلة

واليا تحدر ماغوي له تجاريب
حدرلمقصوده وجاب الحصيلة

واليوم انا شفت الذي في المكاتيب
شي نشيل وشي نعجز نشيله

اقلب ايامي واعرف المطاليب
والصبح يغني عن وميض الفتيلة

شي سواتك ياالسحاب المراكيب
بشرى ليالاحت بروق المخيلة

وشي سواتك ياعجاج الخشاشيب
لاهومبشرلا ولا سال سيله

والرجل فعله من عروق المناسيب
طيب وشين اعروق خاله تجيله

رجل كثير احضوروافعلة تغيب
ورجل ولو غيب فعوله جميلة

ورجل فصكات الدهروالتقاليب
ثقيل ثابت والجبل من يزيله

ورجل تجيه يرد من جاه ويغيب
بليد ماينفع ولا فيه حيلة

ورجل فبالك ماش فك المناشيب
رجل دليل ومايباله دليلة

ورجل سفيله فوق روس المراقيب
ماله رقابه فوق لو هو سفيلة

يقفي عن الضيفان ياخذ ولا يجيب
يمنع عن المجروح ريقة زميلة

ورجل لياجيته كثير التراحيب
قال الحكي بعد العشاء حاسبيلة

يقبل صغار اكبار يقبل مناديب
يذبح جمل لوالدراهم قليلة

ورجل ترى خسران جاب المكاسيب
مال اليتامى شاله الله يشيلة

ورجل يحاول في النقا يصيب ويخيب
معذور حاول والبلا في الهبيلة

والعيب لوجاءمن هل العيب موعيب
العيب لوجانا من اهل الفضيلة



بقلم ماجد بن دخيل الشيناني الزيداني الهذلي

 

[بث تجريبي]

[align=center]وعليكم السلام ورحمة الله وبركاته
صح لسانك يالذيب
دمت كما تحب[/align]

 

[عبدالرحمن مساعد]

والعيب لوجامن هل العيب موعيب
العيب لوجانا من اهل الفضيلة


ماجد الزيدااني

لله دركـ..

بمجرد ان ارى اسمكـ في القسم الشعبي..
اعلم انني سوف اجد الشعر وليس غيره..

.
.

لكـ احترامي​

 

[عماد الهذلي]

ماجد الزيداني

وحضور راقي، وحكمة وتجارب

نص يجعلنا نتطلع لجديد ماجد، صح لسانك لين ترضى


فخورين بتواجدك


تحية طيبة

 

[بن قاسي الهذلي]

صح لسانك ياماجد قصيده لاتخلو مكن الحكمه

 

[حامد السالمي]

صح لسانك وبيض الله وجهك

 

[حسن مضيف الطلحي]

الشاعر الكبير ماجد دخيل الشيناني​

صح لسانك قصيده جزله لاتأتي الامن كبار الشعراء ​

سجلني من جمهورك​

تقبل تقديري واحترامي​

 

[جمعان الطلحي]

صح لسانك ياماجد

تقبل حضوري

دمت بخير

 

[ماجد دخيل الزيداني]

[align=center]وعليكم السلام ورحمة الله وبركاته
صح لسانك يالذيب
دمت كما تحب[/align]

صح بدنك ياسلطان

والف شكر على المرور والمتابعه

احترامي​

 

[ماجد دخيل الزيداني]

اشكرك اخواي جمعان على المرور



وانت دمت بخير

 

[ماجد دخيل الزيداني]

اشكرك ياابومضيف على المرور والتعليق كم اتمنى انها تنال استحسانك واجابك وتليق بذايقتك الشعرية

 

[ماجد دخيل الزيداني]

وجهك ابيض شكرا على مرورك وتعليقك واتمنى ان تنال اعجابك واستحسانك

 

[ماجد دخيل الزيداني]

اشكرك يابن قاسي على المرور والاطرا

 

[ماجد دخيل الزيداني]

اشكرك اخوية عماد على المروروالاطلاع كلي شرف ان نالت هذه الفصيدة اعجابك وابشر ياعمد بكل جديد


تقبل ودي واحترامي