الشيناني
:: عضو جديد ::
- إنضم
- 31 يناير 2010
- المشاركات
- 2,157
العطر عطرك و لمحة الورد بشفاك
إنتي اللي زرتيني بتالي منامي
نسمة هوا عشق(ن) فِرِح يوم يلقاك
تتبع مطر شوق(ن) يحط بهيامي
ونور البدر لي باح به من محيَّاك
يم ليل عيني و اندثر به ظلامي
تجزين عيني بالنظر في مزاياك
و تردد شفاهي لك أعذب كلامي
أهديك يمنى و انتي تهديني يمناك
و ألبِّسِك حضن(ن) للهفتك ضامي
وهمسك ينادي القلب و أقول لك جاك
جاك وسكن صدرك و عزز غرامي
,
,
,
يا حلمي إبها وا حليلاك محلاك
ليتك تجي دايم وتشفي سقامي
,
,
,
تدرين بي عايش على حلم لقياك
و تدرين مابي ظل غير العظامي
ضميان جايع ما لقيت إلا ذكراك
شديتها فيني وصارت حزامي
بنام من جهدي وأبي لمحة شفاك
تجي وتسلي خافقي في منامي
,
,
,
بقلمي
الشيناني
