هاجسي يلعب على القاف والمعنى

[الحميا]

http://www.youtube.com/watch?v=OEshjR9WywY&feature=channel_video_title

سرى هاجسي يلعب على القاف والمعنى
وتطربنـي القيفـان لازان معنـاهـا
طرالي زمـانٍ فيـه عشنـا وربعنـا
ربيع السنين اللي مضـت مانسيناهـا
جمعنا الربيـع وعقـب قفّـا توادعنـا
وخطّت لنا القسمـه دروب ومشيناهـا
كبرنا وبـدروب المراجـل توزعنـا
ولافيـه قمـه عالـيـه مارقينـاهـا
وذكر الحيـا لـو مارعينـاه ينفعنـا
ونمشي باثـر قـومٍ ولـو مالحقناهـا
نصيـد الفوايـد والمجالـس تجمّعنـا
عـدودٍ ليامنّـا ظميـنـا وردنـاهـا
ليا ذكـرت أفعـال النشامـا تسمّعنـا
ومن حرصنا باقصى الضماير حفظناها
وشبنا وبصـدور المجالـس تربعنـا
وكل الحقـوق اللـي علينـا عرفناهـا
ليازام راعي الكبـر حنـا تواضعنـا
تواضع شرف ونفوسنـا ماوضعناهـا
نطيع الزمان ولو عصينـاه طاوعنـا
وغلطات جاهل لأجل عاقل سمحناهـا
نقـدّر عيـونٍ بالمجالـس تطالعـنـا
على الروس ترفعنـا وحنـا رفعناهـا
ونحسب لكلمة شايـبٍ يـوم يسمعنـا
يزن قدرنـا بالكلمـه اللـي نطقناهـا
صبرنا على مـر الحيـاه وتجرعنـا
وبالصبر حصلنـا الحـلاوه وذقناهـا
تغيّـر جبـال ولاتغـيـر طبايعـنـا
طبايع على مـر الزمـان إكتسبناهـا
ويـوم الله اكرمنـا وبالعـز متعـنـا
جمعنا مكاسبنا علـى اللـي ورثناهـا
---------------
كلمات الشاعر / عبدالله الطلحي شاعر الحكمه
اداء المنشد / احمد الطلحي​

​

 

[شباب]

صح لسانك يالحميا و الله يبارك فيك

 

[الحميا]

صح لسانك يالحميا و الله يبارك فيك

هلا وغلا

حياك الله ياشباب

وصح لسان الشاعر / عبدالله الطلحي

ويسلم صاحب الصوت الجميل

المنشد احمد الطلحي​

 

[خالد الهذلي]

ياسلاااام ياسلااام

قصيده جزله لشاعر الحكمه عبدالله الطلحي

واداء رائع من المنشد احمد الطلحي

فعلا عمل متكامل من جميع النواحي

استمتعت كثيرا بهذه الشيله الرائعه

تسلم يالحميا على النقل الاكثر من مميز تحياتي وتقديري ,,

 

[سنجار المري]

صح السان شعرها وصح السان ناقلها وكاتبها ومغنيها

تسلم على هذا النقل يالحميا

 

[الإدارة]

قصيدة جزلة من شاعر الحكمة وأداء رائع من المنشد أحمد الطلحي وإخراج جميل


سلمت على مانقلت يالحميا ونثمن جهودك بارك الله فيك

 

[شباب]

الحميا انت عدلت المشاركة بعد ردي ماكان مكتوب اسم شاعر الحكمة
العذر من الله ثم منكم

عمل رائع ومنشد جميل الله يوفقكم والله ماأقصد لكن قراتها مباشرة واحسبها للحميا اكرر اسفي

وعبدالله الطلحي يعرف منزلته عندنا من دون ما امدح والله وسبعة انعام بشعره الرائع علم لايحتاج لشهادتي

 

[أبو رديد]

عمل متكامل ماشاء الله تبارك الله


كلمات وأداء وتنفيذ ولحن وإخراج

عال العال


بيض الله وجهك يابو وافي

 

[رايد الياسي]

كلمات جزلة وأداء جميل

مشكور يا بو وافي على النقل

 

[معتوق]

صح الله السان كاتبها وقارئها
والله عمل جدأ رائع