أبو حمدان ++ هذلي والفخر لي ++ هشام الهذلي ++ أخو (أبو حمدان)

[ذيب الفيافي]

السلام عليكم ورحمة الله وبركاته

طبعاً الجميع يعرف حفلة المغتره الي جمعت الكثير من الشعار والتي للأسف لم يكن من بينهم أي شاعر هذلي

وهذا الي زعل شاعرنا أبو حمدان وقام بنضم هذه الأبيات والتي جاراه فيها بعض شعارنا الكبار


7
7
7
7
7
7
7


هذي كلمات الشاعر أبو حمدان




لا واحسافه على من شاف له مره..........شاعر هذيلي يجر الصوت ويـلالي
ويمثل هذيل في حفـلات مـــغتره..........يضهر ويرفع شعار هذيل بالعالي
نحتاج شاعر يداوي القلب ويسره..........والي لــه أول لزوم يكون لــه تالي


**********************************************************************************



وهذي مجاراة لشاعرنا أبو بسام (هذلي والفخر لي)


يالشاعر الي رفعـت الصـوت وتجره..........أنا أشهد انك نطقت بشي في بالي
السوق مفتوح بس المال في الصره..........ومخزنه حضرمي مـا يضهـر ريالي
لازم نجرب حــلاة الوقــت مــع مره..........ومـن يطعم المـر لازم يطعـم الحـالي

**********************************************************************************



وهذي مجاراة لشاعرنا أبو سعود (هشام الهذلي)


يا صاحبــي لا تــزيد الحــره بحـره..........ما مر بالك تـراه يمــر فــي بالي
كل يوم أشوف الغبينه وألعــق المره.........وأقول مثل العسل يالعلقم الحالي
في تالي الوقت صرت أصرر الصره.........وأصرر ريال غيري وأنطل ريالي

**********************************************************************************




وهذي مجاراه لأخو شاعرنا أبو حمدان,, واسمه عبدالعزيز الدعدي




أنا وجدي على منهو يلج الصوت ويجره..........وينشد عن شفا جرحه يمين الدرب وشمالي
وهو بيده دوا جرحه وعارف منتهى سره........ولكن تايها (ن) ما بين نزال (ن) ورحـــالي
قلوب هذيــل مــن الــي تشوفــه محتــره........ولكــن مــن يقـول أنـا ورفع هالعلـــم عــالي؟










ملاحضه : هذي القصايد ملطوشه من جوال أبو حمدان وأنا الي لاطشها واذا شافها هنا راح آكلها علقه لأنه عمي





ـــــــــــــــــــــــــــــــــــــــــــــــــــــــــــــــــــــــــــــــــــ

 

[هــادي الــهــذلـي]

والله أبيات جعلتني احزن فعلاً الله عليهم كل واحد من الشعار هذولي يستطيعون يمثلون هذيل أحسن

تمثيل لكن وين الشعار اللي يصملون

الله يعينك ياذيب على العلقه اللي بتجيك

 

[ذيب الفيافي]

هادي الهذلي

بارك الله فيك يا ولد العم
ومن ناحية العلقه بحاول أنحش من أبو حمدان كم يوم لين ينسى
هههههههه

 

[وضّاح اليمن]

[poem=font="Arial,5,,normal,normal" bkcolor="" bkimage="" border="none,1," type=0 line=0 align=center use=ex num="0,"]
يا ظامي الشعر بين الضلع والحرّة =عند الهذيلي غزيرالجم زلاّلي
خل الغشيم إن ما ورده يموت من حرّه= يدور العد في المظماه عزا لي[/poem]

 

[مشعل الهذلي]

السلام عليكم ورحمة الله وبركاته.
أقول ياذيب والله أنك ذيب.
ولا تشيل هم وابشر بالفزعة لو ابو حمدان قال لك شئ ....انا في صفك .
ياسلام عليكم والواجب أن النقاش بالشعر يكون بيننا ......نتعلم منكم .

ومجاراة لشعارنا الكبار :

تال الزمن ماعرفنا خيره وشره
ايغلي الهينة ويرخص الغالي
ياربع حنا رجال انفوسنا حرة
ونسد وقت اللزوم وكل الاحوالي
لكن طبع الليالي كره وفره
لابد يوم يجي ونصيح ونلالي
ومن يبغى العز هرج الناس ماضره
اليا ارتكى ماحسب للقيل والقالي.

والمعذرة لو أني تعديت حدي لكن صدوركم وساع ...وأنا أخوكم .

 

[عاشق هذيل القارحي]

اخوي ذيب الفيافي بيض الله وجهك ووجه ابو حمدان ومشكور وابو حمدان شاعر كبير وانا من المعجبين به

أنا وجدي على منهو يلج الصوت ويجره..........وينشد عن شفا جرحه يمين الدرب وشمالي
وهو بيده دوا جرحه وعارف منتهى سره........ولكن تايها (ن) ما بين نزال (ن) ورحـــالي
قلوب هذيــل مــن الــي تشوفــه محتــره........ولكــن مــن يقـول أنـا ورفع هالعلـــم عــالي؟

اخوك
عاشق هذيل القارحي

 

[أبو حمدان]

طيب ياذيب الفيافي دواك عندي إذا قابلتك من الذي سمح لك تنزل هالأبيات في المنتدى ؟

الأخوة الأعضاء جميعاً أشكر لكم مشاعركم الطيبة ياعزوتي وتاج راسي والله لايحرمنا من طلتكم وشغل ذيب الفيافي عندي وأنا أبو هندي .
وعلى فكرة تروا هذي الأبيات أرسلتها بالجوال للأخوة الذين ذكرهم ذيب الفيافي وردوا علي ولم يكن عندي الرغبة في إنزالها المنتدى لأنها أبيات قليلة وعابرة فقط يعني (( رسايل جوال )) وماكنت أدري أن ذيب الفيافي حصل عليها أو لديه النية في طرحها هنا يعلم الله .

 

[أبو حمدان]

على فكرة ترى فيه أخطاء في بعض الأبيات ونقص مما أدى لكسر بعض الأبيات كسر الله عدوينك ياذيب الفيافي وهي على النحو التالي :

1- أولاً كلمة يظهر بالظاء وليس بالضاد في كلمة يظهر .
2- البيت الأخير لعبدالعزيز اللي كتبته هكذا :
(( قلوب هذيــل مــن الــي تشوفــه محتــره........ولكــن مــن يقـول أنـا ورفع هالعلـــم عــالي؟ ))
فأصبح مكسور والصحيح هو :
((قلوب هذيــل مــن الـلـي تشوفــه حيل محتــره........ولكــن مــن يقـول أنـا ويرفع هالعلـــم عــالي؟ ))

أنتبه الله يصلحك لوزن الأبيات تكفى .

 

[ذيب الفيافي]

مشعل الهذلي

بيض الله وجهك يالغالي
كفيت ووفيت


عاشق هذيل القارحي

بارك الله فيك وترا القصيد الي ذكرتها في مشاركتك لأخو (أبو حمدان) يعني شقيق أبو حمدان وعمره
19 سنه ان شاء الله له مستقبل زاهي في الشعر


أبو حمدان

ترا ان سويت شي لي ما أعلم عليك الا مشعل الهذلي ... يقلي انه بيوقف في صفي
خخخخخخخخخ
والعفو على الكلمه الناقصه<<< صقطت سهواً

 

[ذيب الفيافي]

[poem=font="Arial,5,,normal,normal" bkcolor="" bkimage="" border="none,1," type=0 line=0 align=center use=ex num="0,"]
يا ظامي الشعر بين الضلع والحرّة =عند الهذيلي غزيرالجم زلاّلي
خل الغشيم إن ما ورده يموت من حرّه= يدور العد في المظماه عزا لي[/poem]

وضاح اليمن

مجاراه لا بأس بها ولكن البيت الثاني مكسور
وان شاء الله مع الاستمرار راح تبدع في الشعر

 

[نجــ هذلي ــد]

بيض الله وجيهكم وصح السنتكم جميع

أبيات تسوى قصائد

أعذروني عن التعليق على ابيات كل واحد منكم ولكن أسجل اعجابي الشديد بكل ماكتبتوا

قلوب هذيــل مــن الـلـي تشوفــه حيل محتــره........ولكــن مــن يقـول أنـا ويرفع هالعلـــم عـالي

هذا كلام سليم وهو أن في هذيل الكثير من الشعراء الي يستاهلون بس من الي يرفع البيرق؟

 

[ذيب الفيافي]

بيض الله وجيهكم وصح السنتكم جميع

أبيات تسوى قصائد

أعذروني عن التعليق على ابيات كل واحد منكم ولكن أسجل اعجابي الشديد بكل ماكتبتوا



هذا كلام سليم وهو أن في هذيل الكثير من الشعراء الي يستاهلون بس من الي يرفع البيرق؟

هذلي نجد بارك الله فيك يا ولد العم ومرورك يكفي

 

[فارس الهذلي]

رأيّ مخالف لرأيكم ... لا أجد مبرر لحرصكم على المغترة ...

المغترة لاتضيف ولا تنقص من أي شاعر ... ،، نعم قد تشهر فقط أمّـا إضافة فلا ...

وهذي أبيات تعبر عن رأيّ

لا ما بها من حسائف لا ولا حره ...... خلّ التوجد لهم ياطيب الفالي

خسران كل محفلا بغيابها تْضره .... مازودنا في أمير فوقنا والي

تاريخنا ما يزينه لعب مغترة ..... تاريخنا مايزيله فوت منزالي

شعارنا ينثرون الورد والزهرة .... من دونهم قدرنا بين الملا عالي

هذيل من يومها في وسطهم دره ...... ماضرها كانها عنهم بمعزالي


والشكر والتقدير والحب لكم ...


وتنسيق القصيدة مش راضي يشتغل معايا

 

[ذيب الفيافي]

رأيّ مخالف لرأيكم ... لا أجد مبرر لحرصكم على المغترة ...

المغترة لاتضيف ولا تنقص من أي شاعر ... ،، نعم قد تشهر فقط أمّـا إضافة فلا ...

وهذي أبيات تعبر عن رأيّ

لا ما بها من حسائف لا ولا حره ...... خلّ التوجد لهم ياطيب الفالي

خسران كل محفلا بغيابها تْضره .... مازودنا في أمير فوقنا والي

تاريخنا ما يزينه لعب مغترة ..... تاريخنا مايزيله فوت منزالي

شعارنا ينثرون الورد والزهرة .... من دونهم قدرنا بين الملا عالي

هذيل من يومها في وسطهم دره ...... ماضرها كانها عنهم بمعزالي


والشكر والتقدير والحب لكم ...


وتنسيق القصيدة مش راضي يشتغل معايا

ضااائع

ما شاء الله عليك والله مجاراه أكثر من رائعه يا ولد العم
وصح لسانك

وترا ((الي ما يطول العنب حامضاً عنه يقول))

لكن الله يجيب الخير وأنا أخوك

 

[فارس الهذلي]

ضااائع


وترا ((الي ما يطول العنب حامضاً عنه يقول))

صدقت ياذيب وهو كلام .. معقول ومنطقي .. ولكن في حال كانت نظرتي ونظرتك للعنب واحدة . .. قد تنظر لها من جانب إعلامي .. إذن أوافقك وأقول عنب ماطلناه هذي الحقيقة ، وأنا أنظر لها من جانب مدى إضافتها لشاعر المحاورة إذن أخالفك وأقول حاشا ماهو عنب ،، والأمر والأدهى عندما تتحول النظرة إلى المغترة على أنها مقياس للمقدرة والإبداع والشاعرية ، وهذا أسوأ مافيها وهذا هاجس كل شاعر وللأسف أنها أصبحت نظرة شبه عامة في المملكة ، وأنا من القليل الذي لايوافقون هذي النظرة ، لذلك تجد رأيّ مختلف ، مختلف بناءاً على اعتمادي زاوية في الحكم غير التي يعتمدها الكثير ، وليست مختلفة بناءا على العنب واللي يطوله .

شكرا لك أخوي ذيب ..

 

[نجــ هذلي ــد]

كلامك صحيح ياضااائع لوكان المقصود المغترة ولكن أنا متأكد أن الأخوان تفكيرهم وقصدهم أوسع وأشمل من المغترة

الي يظهر انهم يقصدون الظهور الاعلامي والبروز لشعراء هذيل ودورهم في الساحة الشعرية ,ولو كانوا متواجدين في جميع المناسبات الشعرية وتخلفوا عن المغترة فقط فأنا متأكد أنهم لن يكتبوا هذه الأبيات.

وحديثهم عن المغترة كان كناية عن الوضع لشعراء هذيل وإن صح التعبير فمشاهدتهم لحفل المغترة خالياً من شعراء هذيل كان كالقشة التي قصمت ظهر البعير

 

[عاشق هذيل القارحي]

اخوي ذيب الفيافي انا داري ان البيت اللي ذكرته انه قاله ابو حمدان وهذا البيت اعجبني كثير


تحياتي لك ياذيب



اخوك
عاشق هذيل القارحي

 

[أبو حمدان]

كلامك صحيح ياضااائع لوكان المقصود المغترة ولكن أنا متأكد أن الأخوان تفكيرهم وقصدهم أوسع وأشمل من المغترة

الي يظهر انهم يقصدون الظهور الاعلامي والبروز لشعراء هذيل ودورهم في الساحة الشعرية ,ولو كانوا متواجدين في جميع المناسبات الشعرية وتخلفوا عن المغترة فقط فأنا متأكد أنهم لن يكتبوا هذه الأبيات.

وحديثهم عن المغترة كان كناية عن الوضع لشعراء هذيل وإن صح التعبير فمشاهدتهم لحفل المغترة خالياً من شعراء هذيل كان كالقشة التي قصمت ظهر البعير

هذلي نجد لافض فوك يالغالي تحدثت بما كنت أريد أن أتحدث به فعلاً هذا الكلام الصحيح وهذا هو الهدف من الأبيات لأن المغترة ماهي إلا كناية عن الساحة باكملها وليس الهدف هو المغترة بحد ذاتها ، بارك الله فيك والله يعطيك العافية

 

[امــ هــذ ـبراطـ يـل ــور]

مشكور اخوي ذيب

جميع الابيات رائعة

تقبل مروري

 

[ذيب الفيافي]

العفو يا امبراطور هذيل وبارك الله فيك