من نعمان ،،،،،، شكرًا لك
س : هل اجد القصيده مكتوبه ،،،،،،،،،. وشكرا مره أخرى .
ا ابشري يالشاردات ام العنادي.
بالحرام اني لاجيبك في شدادي.
كان ماجبتك في شعري ليش اغني.
احسن اجلس واستمع والوضع عادي.
الكلام اكبر من الفم وشفاته.
والفرايد كلها بكر وجدادي.
شاعرن عندي طموح الحمد لله.
ماحداني عن بلوغ القصد حادي.
عنصري من دون ضيفاني وربعي.
عنصري لكن في الدين اتحادي.
في محل جمع اقروم القبايل.
اشحن ابيوت الشعر واقدح زنادي.
في لقا المطران نشعى بالتحايا.
ليلة تجلى عن القلب النكادي.
المعازيب اهل كيف وشاذلية.
والضيوف امطير خطلان الايادي.
انشد التاريخ عنهم بالامانة.
انشده عن وحدة الصف السيادي.
انشده عن فعلهم يوم الفعايل.
يوم عج القاع من وقع الجيادي.
انشدو عنهم شليوح العطاوي.
خلد التاريخ بيته للعبادي.
العدا تصبح مناويهم منايا.
انشدو حضر الجزيرة والبوادي.
وانشدو بغداد والباب الشمالي.
وانشدو قوم السطر واهل العتادي.
وان نشدت انجلتر وش صار فيهم.
طيحو طيارهم علمن وكادي.
عشرتن منهم رمو تسعين فارس.
وان بغيت الصدق فعل مطير زادي.
منهم اللي نوخو في نجد الاقصى.
منهم اللي سيلو للدم وادي.
حقهم محفوظ عن كف الحرامي.
الحرامي من وراهم ماستفادي.
من يعرف امطير حمران النواضر.
يعرف الامجاد وايعرف المبادي.
ذكرهم مرفوع مشالله عليهم.
هل دروع اعراض واسيوفن حدادي.
الدروع اتضد الاعدا ماتجيهم.
والسيوف اتخلي الاعدا جرادي.
من حلم يكسر مطير وينتهبهم.
علموه انه حلم حلم رمادي.
صفهم واحد وضربتهم عطيبة.
صفهم بادي على العدوان بادي.
اكبر المطران شيخ في محله.
واصغر المطران مطنوخ وقيادي.
الكرم فيهم طبيعة من طبايع.
المطيري حلته للضيف نادي.
شوف ابن شلاح فز وشب ناره.
خايف ان الضيف يخجل ماينادي.
المطيري ماقفل بيبان بيته.
عنده اصحون الكرم شي اعتيادي.
في يده لاحول عاهه مستديمة.
مستحيل ايضمها مثل الايادي.
بالكرم مبسوطة ونفسة هطوله.
لو مايملك عمارات ونوادي.
فرش بيته عاد ممحية رسومه.
والدلال الصفر كاسيها السوادي.
بعدها يامرحبا رحبن نزوده.
رحب نون ربعت منه البلادي.
مرحبا ياضيفنا قدر ومودة.
جيتك في دارنا ليلة عيادي.
اقطف اثمار التحية والمحبة.
اينعت مع جيتك والطيب زادي.
ارحب ارحب ياهلا والبيت بيتك.
عد في صدري ومركاك الفوادي.
يامطير الله يجملنا معاكم.
ارحبو في حفلنا والجو هادي.
الدلال اتفوح من صبح وتفوح.
في لقاكم والذبايح في المنادي.
قدركم فطح الفقار اللي تمايل.
الجمال ام الشحم ماهو زبادي.
ماقنيناها على شان المزاين.
زينها في الصحن لانادى المنادي.
في حلال اهذيل عدو واستريحو.
واشربو فنجالهم حسب القوادي.
بالحرام ان الفرح غطا علينا.
واقبلو ترحيبنا وردا وكادي.
ربعي الهذلان عز وطيب مجنا.
في لهيب القيظ والا في البرادي.
بشه وهشة ليا صار المزارق.
مير سقم وسم لاصار العنادي.
احتمينا حدنا عن كل غاوي.
لين رديناه في درب الرشادي.
تحت خدمة ديننا والله اكبر.
فوق حدب اسيوفنا قام الجهادي.
احتمينا كعبة المولى وقلنا.
ياعدو الدين عنا روح غادي.
ارتوينا من مناهيل الفضالة.
والرقاد انسلمه لاهل الرقادي.
ماسرقنا بل واشياه وشمايل.
ولا تفاخرنا بتشليح العبادي.
سيفنا مانشهرة في وجه مسلم.
سرقة المسلم نقيصة في المبادي.
الوفا من طبعنا نشقى عشانه.
دون جار الدار بالانفس نفادي.
عايشين ابعز عشنا وانتعشنا.
عيشة القلة ولا عيشة قرادي.
والعفو باقي لربعي مدح واجد.
مير اشوف امنضم الحفلة ينادي.
السموحة كان طولنا عليكم.
شاعرن حر وبذلت الاجتهادي.
واحد وخمسين بيت الله سخرها.
كلها ماغير قدحة من زنادي.
