|
شاعر من الدلم
السلام عليكم ورحمه الله وبركاته
احب ان اقدم لكم هذه القصيده لشاعر من شعراء هذيل وهو الشاعر | عبد العزيز بن ناصر الهذيلي يرحمه الله من اهل ( الدلم) ينصح فيها ابنه ( محمد) يقول فيها يالله المطلوب يامــــن هو لطيف *** ياكريم الوجه يامنشــي الغمـــام اسالك ياواحد مالـــــــه وصيف *** من تحجى في حجاجك مايضــــام عند بابك طايح دمعــــــي ذريف *** مانصيت الا انت يامحيي العظام خاضع متذلل حــــــــــالي نحيف *** تايب ارجو بعـــفوك الســــلام يا(محمد )خل قلبـــــك لي عطيف *** واستمع مني نصيحــه بالتمــام لو تشوف اللي على دربك ضعيف *** هيد السرعه ووقف لــه شمــام وساعده واجعل جنابك له صخيف *** واصنع المعروف مع حسن الكلام خذ نصيحه شايب قلبـــــه رهيف *** يوم تسري الليل حاربـت المنام كود اشوفك واتبجح بـــك واريف *** واتهنى بالمنام وبالطــــــــعام يامحمد صاحب الحـــــر العفيف *** راعي الشيمات عن درب الملام صاحبه بالطيب واختصه وليف *** واحفظه عما يهومه او يــــــهام احسن الاخلاق واقصد لا تحيف *** وارحم الايتام وضعيف الانـــــــام واعرف الدنيا تــــــراها بالنكيف *** بالتقلب كل يوم وكل عــــــــــــام واتق الله وامش بالــدرب النظيف *** واترك العيلان ودروب الهـــــيام وعز نفسك من شريف او طريف *** لاتبين حاجتك عند اللــــــــــــئام والردي لو تطلبه قطـــعه رغيف *** شان وجه وتغشاه الظــــــــلام وعقب ذا صلو على الطه الشريف *** عد ماهـــلت مراويـــح الغمـــام |
رد: شاعر من الدلم
اللهم صلي على نبينا محمد
شكرا لك ، يا غرنوقة على النقل اشوف لو كان الموضوع في قسم ،،المنقولات والمحاولات،،أفضل تحية طيبة |
رد: شاعر من الدلم
رحمه الله مشكوره اختي غرنوقه
|
رد: شاعر من الدلم
مشكور اخوي عماد على تواجدك
وانا كنت محتاره وين اضع الموضوع وبالاخير وضعته هنا شكرا لك |
رد: شاعر من الدلم
تسلم اخوي ( هذلي وراسي عالي ) على مرورك
احترامي وتقديري |
رد: شاعر من الدلم
الله أكبر الله يرحم شاعر الدلم الأول قصيدة راااائعه بروعة قائلها وفي ابنه محمد رحمه الله .
شكراً لك ياغنوقة نجد على هذه الدره . تحياتي . |
رد: شاعر من الدلم
شرفني مرورك ( مطرفي الدلم )
كلك ذوووق |
رد: شاعر من الدلم
صح لسان شاعرها
والف شكر اختي على نق القصيده |
رد: شاعر من الدلم
تسلم اخوي ( ذيب الفيافي ) على مرورك
نورت الصفحه |
رد: شاعر من الدلم
صح لسان الشاعر.
ومشكووره على النقل. |
رد: شاعر من الدلم
شكرا اخوي على تواجدك في الصفحه
سلمت |
رد: شاعر من الدلم
صح لسان الشاعر عبد العزيز الهذيلي والله يرحمه ويغفرله ومشكوره على النقل الرائع .... واتمنى ان تزودنا بقصص لابناء عمومتنا في نجد سواء انتي يا غرنوقه نجد او الاخ مطرفي الدلم اوي شخص يشاركنا في هذا المنتدى من ابناء هذيل نجد |
| الساعة الآن 06:35 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
الحقوق محفوظة لشبكة هذيل