|
محاورة الزلامي وصياف الله يرحمه من اجل المحاورات
رشيد
يا سلامي ها السلام اللي خفيف ٍ دمّه ** معه جنسية ويبغى له جواز سعودي مشكلة صياف صارت بين ابوه وعمّه ** والسبب ناس ٍ تدق الملـح والبــارودي صياف مرحبا بالشاعر اللي ما قدرت آذمّه ** الليالي ما تغيّر والزمان ايعـــــــودي الزلامي معه علم وكل شي ايهمّه ** مير لو يزعل تغيّره الليال الســـــودي رشيد كيف تدلي بالشهادة يا كبير الذمّه ** وأنت ما شب الك ضوّك غير قدح زنودي صرت مثل اللي كبر وانكر لبن ديس امّه ـــــــــــــــــــــــــ ـــــــــــــــــــــــ والعرب فالصيف تعرف عدها المارودي صياف العلوم اللي تحط الناس راس القمّه ** حبلها من يمكم يا صاحبي معقودي ثوبك اللي ما ينوش الأرض غير ابكمّه ** نزله للجمرة اللي فوق راس العودي رشيد ودي اكشف غلطتك للعالم الملتمّه ** أنت حربياً تطالبني بورث اجدودي يا محبين العقال ومنكرين العمّه ** خصمكم في الآخرة عبد الله المسعودي صياف أنتم رجال الشرف وعظامكم منسمّه ** أعبروا ذاك الطريق وحملكم مشدودي أنت ما تدري عن البارود لين اتشمّه ** مير لا ترمي بها فالوادي المسدودي رشيد لوّ يا صياف علمي تمسكه وتضمّه ** تاجده مثل العسل وألا حليب القودي أنت تحسب جدنا داب يموت بسمّه ** مير أنا باذل لنصره طاقتي وجهودي صياف يقطع الله ديرة اللي ما يعرف الجمّه ** والتجارة يالعتيبي بابها محدودي قبرك اللي في تهامه بالتراب اندمّه ** تحفره بالليل الأظلم والعباد رقودي |
رد: محاورة الزلامي وصياف الله يرحمه من اجل المحاورات
بيض الله وجهك ياولد قارح اشهد انك جبتها
مشكور على المحاوره يا الطيب |
رد: محاورة الزلامي وصياف الله يرحمه من اجل المحاورات
اقتباس:
|
رد: محاورة الزلامي وصياف الله يرحمه من اجل المحاورات
يعطيك العافيه أخوي عايش القارحي
محاورة من الطراز الأول رحم الله الشاعر صياف الحربي وصح لسان رشيد الزلامي سلمت على النقل |
رد: محاورة الزلامي وصياف الله يرحمه من اجل المحاورات
بيض الله وجهك يا عايش وعساك على القوه إنشاء الله ومن أحسن إلى أحسن وموفق بإذن الله .
أخوك :- محمد بن سحمان المطرفي |
| الساعة الآن 05:20 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
الحقوق محفوظة لشبكة هذيل