محاورة الزلامي وصياف الله يرحمه من اجل المحاورات

رشيد
يا سلامي ها السلام اللي خفيف ٍ دمّه ** معه جنسية ويبغى له جواز سعودي
مشكلة صياف صارت بين ابوه وعمّه ** والسبب ناس ٍ تدق الملـح والبــارودي

صياف
مرحبا بالشاعر اللي ما قدرت آذمّه ** الليالي ما تغيّر والزمان ايعـــــــودي
الزلامي معه علم وكل شي ايهمّه ** مير لو يزعل تغيّره الليال الســـــودي

رشيد
كيف تدلي بالشهادة يا كبير الذمّه ** وأنت ما شب الك ضوّك غير قدح زنودي
صرت مثل اللي كبر وانكر لبن ديس امّه
ـــــــــــــــــــــــــ ـــــــــــــــــــــــ والعرب فالصيف تعرف عدها المارودي

صياف
العلوم اللي تحط الناس راس القمّه ** حبلها من يمكم يا صاحبي معقودي
ثوبك اللي ما ينوش الأرض غير ابكمّه ** نزله للجمرة اللي فوق راس العودي

رشيد
ودي اكشف غلطتك للعالم الملتمّه ** أنت حربياً تطالبني بورث اجدودي
يا محبين العقال ومنكرين العمّه ** خصمكم في الآخرة عبد الله المسعودي

صياف
أنتم رجال الشرف وعظامكم منسمّه ** أعبروا ذاك الطريق وحملكم مشدودي
أنت ما تدري عن البارود لين اتشمّه ** مير لا ترمي بها فالوادي المسدودي

رشيد
لوّ يا صياف علمي تمسكه وتضمّه ** تاجده مثل العسل وألا حليب القودي
أنت تحسب جدنا داب يموت بسمّه ** مير أنا باذل لنصره طاقتي وجهودي

صياف
يقطع الله ديرة اللي ما يعرف الجمّه ** والتجارة يالعتيبي بابها محدودي
قبرك اللي في تهامه بالتراب اندمّه ** تحفره بالليل الأظلم والعباد رقودي

بيض الله وجهك ياولد قارح اشهد انك جبتها

مشكور على المحاوره يا الطيب

	المشاركة الأصلية كتبت بواسطة هـادي الــهــذلي

	بيض الله وجهك ياولد قارح اشهد انك جبتها مشكور على المحاوره يا الطيب

وجهك ابيض ومشكور على المرور الجميل

يعطيك العافيه أخوي عايش القارحي

محاورة من الطراز الأول

رحم الله الشاعر صياف الحربي

وصح لسان رشيد الزلامي


سلمت على النقل

بيض الله وجهك يا عايش وعساك على القوه إنشاء الله ومن أحسن إلى أحسن وموفق بإذن الله .


أخوك :-
محمد بن سحمان المطرفي