رشيد الزلامي وصياف رحمه الله

صياف

الليل يا قلب الزلامي واعرف ارضك من سماك
يمكن تجي وتـروح لاراضـي ولا زعلانيـه

ماخافو العربان من سيفك ولا خافـو عصـاك
خل العصا فالليـل وتحامـي بهـا الديبانيـه

رشيد

ياذيب ياللي في توال الليـل هيضنـي عـواك
من جوع ولامشعر بالخـوف يـا سرحانيـه

ان كان ما ودك بسيفي خل صوتك في سمـاك
واليا نغزك ابليس شفنـا لـك سهـوم ثانيـه

صياف

ازعلنـي اللـي راح قدامـك وخليتـه وراك
اثر معـك كبـدٍ تشيـل طويـق والصمانيـه

مدري معك جني يشب النـار ولا وش بـلاك
اتزعـل الراعـي لوانـه علـم الرعيانـيـه

رشيد

ازعل زعل حربي ولا تنشد عتيبه عن رضاك
يرضونك اللي يزرعـون الخـوخ والرمانيـه

انته رحلت من المدينه يوم ربـي مـا هـداك
تشـد مـن دار النبـي وتجـاور الهتمانيـه

صياف

الظاهر انك عقب ليله وحده تطـوي رشـاك
وتشد من ركبه وتنـزل باوسـط الضلعانيـه

ياثلب ما نسمع هديرك ما سمعنـا الا رغـاك
واهل المدينه قفلـوا مـن دونهـا البيبانيـه

رشيد
حنا ليا منا كحلنا العيـن مـا نقصـد عمـاك
نبيك تسرح مع طريق الطيـر ابـو جنحانيـه

الله منعنا ماعطانا وانت مـدري وش عطـاك
مدري سمعنا مـا سمعنـا والعـرب كذبانيـه

صياف

لولاك غالي كان طلعنا سنونـك مـن جمـاك
واللي يشوفك يحسب انك من حد الورعانيـه

اذا عطانـا الله كتـاب الطيـب فصلنـا دواك
اظـن قلبـك ينتبـه وتخـلـص الديانـيـه

رشيد

حرام قتلك يوم اشوفك تنثنـي دون اخويـاك
والمنثني يـوم الهزيمـه فـارس الفرسانيـه

حذراك تجبرني على الوعرات لين العن ثواك
بحضور قاض المحكمه نفرشك فرش الزانيـه

صياف

صياف ماهو حبةٍ فالجيـب تطحنهـا رحـاك
نعرفك عرفٍ زيـن قبـل تجـرد الذرعانيـه

جاتك عجوز ماعره حطت لبنهـا فـوق مـاك
ومن الزعل شلت الهـدوم وجيتنـا عريانيـه

محاوره بين شاعرين متمكنين

لابد أن يكون بها ما يجذب

رحم الله الشاعر العلم صياف الحربي

وصح لسان الزلامي

وبارك الله فيك أخوي القارحي

	المشاركة الأصلية كتبت بواسطة هشام الهذلي

	محاوره بين شاعرين متمكنين لابد أن يكون بها ما يجذب رحم الله الشاعر العلم صياف الحربي وصح لسان الزلامي وبارك الله فيك أخوي القارحي

مشكور وبيض الله وجهك