لا وا هني من شد

اخواني الاعزاء احب ان اطرح بين يديكم هذه القصيده المتواضعه والتى عسى ان ترتقي الي ذائقتكم الراقيه


[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
لا وا هني من شد واعطى مع الخد = فوق الذلول اللي عليه الشدادي

وابعد عن الحاره وغير دياره = يوم استوى المرباع في كل وادي

وشدوا له اهل القود يوم اخضر العود = جاهم مع العساس علمٍ وكادي

والقيض عنهم زل بعد الشتا حل = واقفت سمايمها وهب البرادي

وشدوا عن المقطان والكل عجلان = من يوم نادى بالشديد المنادي

غنا وذب الريع واعطى المخاويع = تقفاه قطعاناً سوات الجرادي

احدٍ معه زاده وهو في شداده = واحدٍ مشى عجلان من غير زادي

زاده حليب بكار يرعن الاقفار = مرباعها شامه ومنها وغادي

ترعى حيا المرباع من كل الانواع = عن شفها ماحيرت بالقيادي

من دونها الشجعان حامين الاضعان = بالسيف والشلفا وخشم الزنادي

اهل السيوف اللي بها تنزل الخوف = لطامة العايل نهار الطرادي

وتكرِم اللافي بصفر المصافي = وترحيبةً معها الذبيحه تقادي

يلقى علوم رجال مع كيف فنجال = في مجلسٍ ماطب فيه الربادي

لي دار فيه الكيف جات السواليف = شياً قديمات وشيٍ جدادي

سولف بها شايب علومه عجايب = من روس قوماً يلطمون الأعادي

هذا ترى شفي بوقتٍ مقفي = والعمر يفنى والفتى في جهادي [/poem]


وسلامتكم.....

السلام عليكم ورحمة الله وبركاته


ماشاء الله، نفس قديم وروح اصيلة، صح لسانك شاعرنا مطر.

ماقصرت الله لايهينك


تحية طيبة

ياسلام يا بواحمد ..

رائعه .. تفوح بالاصاله .. والجزاله ..


لله درك .. ودر شعرك العذب ..


صح السانك .. وسلمت يمينك ..


ياشاعر الجزاله ( مطر الدعدي الهذلي )


ذكرتني بقصيده قديمه قديمه على هذا الطرق المسحوب المهوبل ..


ياجر قلبي جر.. دلو ٍ تحدر

................. على شفا الاسمر .. ماينلحق ماه

اليا صفق جاله .. وجاء فيه حاله

.................. عوى بمحاله ..على راس مقراه


كنه ..عوا ذيب على راس.. قنه

........................ اللي ليا منه .. عوا جاوب عواه

على عشير ٍ موت .. معاد له صوت

....................... بيني وبينه فوت .. نجد المسماه


سجل اعجابي بكل ماتكتب ..

[frame="3 98"]
بيض الله وجهك وصح لسانك ياولد دعد ولاهي غريبه الجزاله على اهلها
[/frame]

قصيدة راقت لي كثيراً

مطر الهذلي قمة الإبداع والأصالة والشعر الجميل دائماً
صح لسانك وعلا شانك يابن العم

صح لسانك اخوي مطر

قصيده تفوح بالأصاله والجزاله

دمت بخير

وعليكم السلام ورحمة الله وبركاته


وصح لسانك ، قصيدة أصيلة من شاعر تعودنا منه الجزالة.

تقبل مروري وتقديري ،،،،

الاخ عماد صح بدنك ولاهنت شر فتني بمرورك

وعليكم السلام ورحمة الله وبركاته

سـولــف بـهــا شـايــب عـلـومـه عـجـايـب

مــــن روس قــومــاً يـلـطـمـون الأعــــادي

الله الله

صح لسانك

قصيدة جزلة و رائعة المبنى

ياهلا ومرحبا بفارس الصحراء وفارس الشعر صح بدنك والرائع مرورك طال عمرك

ابداع والله يابن العم كما تعودنا منك

بيض الله وجهك

وعليكم السلام ورحمة الله وبركاته

اخي مطر الهذلي

صح لسانك مدد بلا عدد

سلمت وبيض الله وجهك

قصيده جزله ولا هي غريبه الجزاله من شرواك

ومن خلال هذا المتصفح احب اوصل سلام الشاعر سعود الشاطري لشخصك النبيل

وقد اثنى على شاعرية شخصك واعجابه بما تكتب


ارق التحايا استاذي

جميلة جدا

و أسلوب رائع و بديع

صح لسانكـ أخوي مطر

و بيض الله وجهكـ على هالرائــعة

شكرا لك

شكرا لك على الموضوع المميز

تقبل مروري وتحياتي

ووجهك ابيض ياخيال الشقرا وماعليكم زود