ألف طنّ

أعزائي الكرام ..

هذي قصيدة لكل ..

شايب ..

موظف..

سهران في ليلة ثلوث عند حلاله "معزى أو ضان"..وعنده صبي يمني أسمه أبو سامي


[poem=font="traditional arabic,6,darkblue,normal,normal" bkcolor="transparent" bkimage="" border="double,4,darkblue" type=1 line=0 align=center use=ex num="0,black""]
قرِّب البراد مني ما على الدنيا حسايف = زوّد السُّكَّر يابو سامي عسى همّي يـجنّ
دام حظي ما رماني غير بهموم الوظايف = والله لـخربها عليه بها السهر حتى يونّ
يا يعوضني بمنصب بعد هذا الحال كايف = وللى بترك هالوظيفة واقلب لحظي المجنّ
عزي لايامٍ توارت كنت فيها البيه نايف = قطّعتها صروف وقتٍ لا يروف ولا يـحنّ
جاهلٍ ما قد نظرت لأي حال بعين عايف = لن عيني ما تشوف الكون إلا بحسن ظنّ
كنت في الحارة أناقز فوق هامات السقايف = ما يرد خيول عزمي عن مرادي صغر سِنّ
كورةً "لا ردّها الله" ذرَّفت حوش الولايف = رحت أدورها وذا قلبي من النّكبات دنّ
قلت يا ويلي وقالت مرحبا وش فيك خايف = قلت خايف من علومي تختلف واللعب صنّ
قالت اركد يا بو غالي وسوقها علومٍ لطايف = قلت خصّي وانا اقصّ السالفة من كلّ فنّ
قالت علوم المطر؟ قلت المطر لقى التنايف = واتجه شرقي وعوَّد غرب وما ظنيت عنّ
قالت علوم الشعر؟ قلت الشعر لقى النوايف = دام ابو غالي معك يا شعر غنّ الكون غنّ
قالت علوم التجارة؟ قلت لاتطري السفايف = رزق ربي يقسمه، نرضاه لو هو رُبع شنّ
والثمر لا حلّ قطفه ما نوفّرها القطايف = ون قطفنا الورد بكرة لا تقولي "الذيب مَنّ"
يوم صار البعد عنها بُعد صكَّات الشفايف = باقي سِنَّة للروى، وذا "العنيد التو" يرنّ
"حسبك الله يالمنبه" ، أثر حلم الليل زايف = واثر قسمي في القرادة لو وزنته "ألف طنّ"[/poem]

وسلامتكم....

حسبك الله يالمنبه" ، أثر حلم الليل زايف

واثر قسمي في القرادة لو وزنته "ألف طنّ"

ابو غالي

صح لسانك ولا عدمناك

ننتظر المزيد ومتابعين للفكاهيات اللطيفه

لك كل الود والتقدير ،،،،

[poem=font=",5,black,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
كورةً "لا ردّها الله" ذرَّفت حوش الولايف=رحت أدورها وذا قلبي من النّكبـات دنّ[/poem]

//

ذكرني ببيت من قصيده للشاعر محمد بن فطيس المري

[poem=font=",5,red,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
آحذف الكوره على بيته تعمد = لجل أجي واقول ماحد شاف كوره [/poem]

//

سلمت على ماجبت يابو غالي قصيده جزله

صــ لسانك ــح وسلمت يميك

قصيده رائعه تناولت مواضيع شتى

جزززززله

صــ فكرك ــح

اطيب تحيه

دام ابو غالي معك يا شعر غنّ الكون غـنّ

.
.

الله الله . . . أعجبني اصطيادك للمفردة ، تطابق في الحروف و اختلاف في المعنى

رائع يا ابو غالي . . . و دائما نلمس تأثير الشعر الفصيح على شعرك الشعبي

صح كلك يا مبدع . . . أطيب الأماني

ههههههههههههههههههههههههه

أجل طلع حلم يبو غالي

صاحب شعر و صاحب نكتة

لن ّ يني ما تشوف الكون إلا بحسن ظن

يا ربااااااااااااااااااااااا اااه على قول فارس عوض

و ليت العالم كله بنفس النظرة


ما يرد خيول عزمي عن مرادي صغر سن

ونعم يبو غالي و الله ونعم

/

يوم صار البعد عنها بعد صكات الشفايف / / باقي سنة للروى و ذا " العنيد التو" يرن
هههههههههههههههههه صراحة لو اني منك رميت العنيد 2 طوووول يدي
و الله يسامح اللي قال لك منت براعي غزل !

صح لسانك و فكرك

قالت علوم المطر؟ قلت المطر لقى التنايـف
الله الله

صح لسانك

صح لسانك وعلا شانك

قصيدة محكمة المبنى والمعنى

	قالت علوم الشعر؟ قلت الشعر لقى النوايف دام ابو غالي معك يا شعر غنّ الكون غـنّ

شاعر متمكن لله درك

تحياتي

	المشاركة الأصلية كتبت بواسطة صالح الكعبي

	حسبك الله يالمنبه" ، أثر حلم الليل زايف واثر قسمي في القرادة لو وزنته "ألف طنّ" ابو غالي صح لسانك ولا عدمناك ننتظر المزيد ومتابعين للفكاهيات اللطيفه لك كل الود والتقدير ،،،،

هلا بك يا غالي...وصح بدنك..
أشكرك على هذا المرور العاطر..
دمت بخير

	المشاركة الأصلية كتبت بواسطة عباد الهذلي

	[poem=font=",5,black,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""] كورةً "لا ردّها الله" ذرَّفت حوش الولايف=رحت أدورها وذا قلبي من النّكبـات دنّ[/poem] // ذكرني ببيت من قصيده للشاعر محمد بن فطيس المري [poem=font=",5,red,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""] آحذف الكوره على بيته تعمد = لجل أجي واقول ماحد شاف كوره [/poem] // سلمت على ماجبت يابو غالي قصيده جزله

تسلم يا رفيقي..وكل الشكر على إطلالتك البهية.
لكن تراني على نياتي ماني مثل ابن فطيس..
دمت بخير حال

	المشاركة الأصلية كتبت بواسطة عقيلي من هذيل

	صــ لسانك ــح وسلمت يميك قصيده رائعه تناولت مواضيع شتى جزززززله صــ فكرك ــح اطيب تحيه

حياك الله يا بن العم...
صح بدنك وعساك سالم..
مرورك يا غالي أزهى وجه القصيدة
كل التحايا والتقدير

	المشاركة الأصلية كتبت بواسطة عز الرفيق

	دام ابو غالي معك يا شعر غنّ الكون غـنّ . . الله الله . . . أعجبني اصطيادك للمفردة ، تطابق في الحروف و اختلاف في المعنى رائع يا ابو غالي . . . و دائما نلمس تأثير الشعر الفصيح على شعرك الشعبي صح كلك يا مبدع . . . أطيب الأماني

يا هلا وسهلا بعز الرفيق...
إشادة أبحث عنها دائماً يا غالي... لكنها دلالة واضحة على انك..شايب..موظف..عندك صبي يمني أسمه أبو سامي...هاهاها
كل المودة والتقدير لك أستاذي الكريم

	المشاركة الأصلية كتبت بواسطة بيرق لحيان

	ههههههههههههههههههههههههه أجل طلع حلم يبو غالي صاحب شعر و صاحب نكتة لن ّ يني ما تشوف الكون إلا بحسن ظن يا ربااااااااااااااااااااااا اااه على قول فارس عوض و ليت العالم كله بنفس النظرة ما يرد خيول عزمي عن مرادي صغر سن ونعم يبو غالي و الله ونعم / يوم صار البعد عنها بعد صكات الشفايف / / باقي سنة للروى و ذا " العنيد التو" يرن هههههههههههههههههه صراحة لو اني منك رميت العنيد 2 طوووول يدي و الله يسامح اللي قال لك منت براعي غزل ! صح لسانك و فكرك

حيا الله ابو مقيت...
أبشّرك رميت العنيد 2 طول يدي على وصاتك...والبارحة أحلم أني أدوّر على الكورة ..وذا العنيد 2 يقول "مرحبا وش فيك خايف"
الظاهر مالي فكة من القرادة..ههههههههههههههه
تسلم يا غالي على مرورك الزاهر..
كل الحب والمودة

	المشاركة الأصلية كتبت بواسطة حماس

	قالت علوم المطر؟ قلت المطر لقى التنايـف الله الله صح لسانك

صح بدنك يا حماس..
شاكر مرورك العذب..
تقبل ودي وتقديري

	المشاركة الأصلية كتبت بواسطة قرناس بني ياس

	صح لسانك وعلا شانك قصيدة محكمة المبنى والمعنى شاعر متمكن لله درك تحياتي

حياك الله يابن العم...
أشكرك على المرور ...وعلى هذا الدر المنثور...
لك تحياتي وتقدير