قصيدتي في حفل زواج اخوان صقر سليم

أحبابي الغالين
السلام عليكم ورحمة الله وبركاته
أعتذر عن التقصير والتأخير
وآمل أن تروق لكم مشاركتي هذه

[poem=font=",6,darkblue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
سلامي سلامٍ فيه حشمة ومقدار=بحلة سليم اللي رفيعٍ عمدها
على من حضرها من مضيف وخطار=سلام وتحيه والسوالف بعدها
وهذا مجال الشعر وسليم شعار=ومن لا يفقد جابته تنتقدها
وانا جابتي من هاجسٍ صاغ الأفكار=جنيهات يعرف سلمها من نقدها
عزمته على دله بها بن وبهار=وعطيته وصيه ضمها وإعتقدها
بعدها توجهنا من ديار لديار=بوسق الذلول اللي قويٍ جهدها
ذلولٍ معودها على كل مضمار=ليا طبت الميدان تطلع بيدها
سبوقٍ تسد النوب في كل مشوار=وتارد عدودٍ غيرها ما وردها
رعت في ديار هذيل عشبٍ ونوار=وشربت من العد الرهاوي وحدها
رعت من زماليق الحيا عقب الأمطار=ليا لاح بارقها ودندن رعدها
على نوضة البارق تذير تذيار=تلاوي رسنها ويتقطع زبدها
وفكري يقديها وصدري لها دار=عريبة مجاني والجزيرة بلدها
عسى الله يسلمها صواديف الأقدار=وتعمى عيون الحاسد اللي حسدها
وانا محتسيها للمغازي والأسفار=ومن طيبها دايم تجي في وعدها
وميعادها حفلٍ زهت فيه الأنوار=وفيه الرجال مرحبه في سددها
لقينا رجال سليم شبابة النار=هل الفزعة اللي من بغاها وجدها
مقر الكرم والجود للضيف والجار=وزبن الدخيل الخايف اللي قصدها
وهل حكمةٍ تغنيك عن كل الأشوار=ومن ضيع دروب السواير نشدها
ليا ضاعت الحيلة وعمين الأبصار=لها حكمةٍ كل العرب تعتمدها
ولقينا عيال مثيب اهل عزم وإصرار=عسى حظهم طيب الحياة ورغدها
عسى الله يهنيهم على طول الأعمار=بعز السنين اللي يرفرف سعدها
سواة الصقور اللي على كف صقار=ولا اقول حجة لين اورد سندها
انا اقول صقر سليم من ماكر احرار=حرار الصقور اللي ينومس هددها
دعانا وجينا نحمل وسام وشعار=وناسٍ كمانا لو تغيب إفتقدها
حضرنا نشارك ونتغنى بالأشعار=نسوق الجزال ولا ندور رددها [/poem]

صح لسانك حتى ترضى

قصيايد تستاهل القرائه اكثر من مره

وانت مدرسه شعريه استفدنا منك الكثير

لا تحرمنا من جديدك

بيض الله وجهك

عليكم السلام ورحمة الله وبركاته

وصح لساانك مدد بلا عدد وبيض الله وجهك جزاله وابداع غير مستغرب

مدرسه شعر يابو ناصر دمت لنا ودام ابداعك تحياااتي وتقديري ,,

صح لسانكـ يابو ناصر


//

قصيدة جزلة وبيض الله وجهكـ


..

صح لسانك شاعر الحكمة

صح لسانك وبيض الله وجهك يابوناصر

وافية من وافي


تحياتي

دائما هكذا المبدعون 00لافض فوك00

صح لسانكـ,, وبيض الله وجهكـ,,

صح لسانك وبيض الله وجهك

لكن أين ذكر قبيلتك وربعك

العهد منك مدح لأهل احفل وذكرك للقبيلة مرات كثيرة

صح لسانك وبيض الله وجهك
دائماً ما تشرفنا بالمحافل
دمت بود

صح لسانك شاعر الحكمة

صح لسانك ياشاعر حكمه


قصيده وافيه



اطيب التحايا

صح السانك ..وبيض الله وجهك

صح لسانك حتى ترضى
قصيايد تستاهل القرائه اكثر من مره
وانت مدرسه شعريه استفدنا منك الكثير
لا تحرمنا من جديدك
بيض الله وجهك