قصيدتي المتعبة من النقد

السلام عليكم ورحمة الله وبركاته
هذه احدى قصائدي التي تنازع على نقدها الكثير من الشعار بين المصوب والمسدد ..
أطرحها بين أيديكم للنقد الأخير كي أثبتها في ديواني مع بقية المجبرات الأخريات هههههههه بس ارحموها تروها
تعبت نقد .. وهي في الزيدي الذي أطلق العنان لحذاءه كي تصافح جبهة بوش .. اترككم مع القصيدة ..
[poem=font="simplified arabic,5,red,bold,normal" bkcolor="" bkimage="" border="none,1," type=0 line=1 align=center use=sp]سميت باسم الله مطلع كلامي=الواحد الفرد الصمد رب الأشهاد

اللي خلق فينا محمد إمامي=واللي جعلنا للمخاليق رواد

والثانيه فيها عظيم اهتمامي=لأهل المراجل والكرم أهل بغداد

تحيةٍ مني تفوق احترامي=تحيه للي..رد هيبة هل الضاد

والثالثه للمنتظر ياسلامي=انا اشهد إنك يابطل غير معتاد

رميت لا شلت يمينك يا رامي=رميت نمرودٍ تمرد في البلاد

اثبت إن الظلم ذل وعدامي=للي يتاجر فيه.. مصدر وميراد

كم ليلة ٍ أمسى بها العدل ضامي=وكم ديرةٍ اصبح بها الظلم جلاد

يالزيدي اشهد لك بأنك قطامي=حرٍ تقود اهل المراجل للأمجاد

على حذاتك ذل بوش الحرامي=عز الله انك للشرف رمز وعماد

حتى ضلوعك صوبتها المرامي=تكسرت فدوة ولا قلت بأنقاد

لك يوقف التاريخ ستة عوامي=مرت بها بغداد في حروب وجهاد

ياقف يحيي فيك شد الحزامي=نخوتك للي ينتخي يبغى الإمداد

على حذاتك بان حد الحسامي=حمر المنايا لبوش ولكل الأوغاد

ارفع جبينك انت ما انت الملامي=لومي على من مثلوا بك فالأصفاد

رد الشرف ياخوي ماه(و) اتهامي=خل التهم للي بغى جور وعناد

وعلى النبي مني صلاة و سلامي=عداد ما للفجر طله وميلاد

وعداد نوح مطوقات الحمامي= و عداد ما زمجر بها الكون رعاد[/poem]