نمط في المطبخ ويسويلكم حلقوم

حلاوة حلقوم على النبي صلي

اليوم جبتلكم اكله مكاويه تتميز بها حارة الكنكارية وهي حاجة بالمرة طعْمة وطيبه وتاكلوا صوابعكم وراها عشان كيدا خلو صوابعكم بعيد وكلوها بالشوكة هههههههههههههههههه


هيا يا واااااااااااااااد هات المقادير قوااااااااااااامن

طيب شوكرن هيا اجلس خليك ممكن ازهمك

معليش جات المقادير

^ كوبايتين نشا بودرة > مو نشا غتر
^ تلاتة كوبايات مويه > مويه شرب مو بطاريه
^ 4 كوبايات سكر > حطلي الشدة على الكاف عشان لا تضربوا مقصااات هههههه
^ سكر قلاسي مطحون زي البودرة عشان الزركشة والدندشة للطبق > مو سمنت ابيض
^ ملعقة صغيرة من موية الزهر ولا رشة من الفانيليا > مو تقطعلي وصلة من الفنيله
^ قليل من الزيت أو النشاء لدهن الصينية > زيت نباتي مو موبيل هههههههه


الطريقة :

هيا نبيكم وصلو عليه
جيب الصينية وادهنها بشوية زيت وحط السكر والمويه في قدر على النار وحركها صح لمن تغلي وتبقبق
دحييين نحط النشا على الخلطة ديه ونحركها بالمعلقة زي عشرة دقايق ونترك الخلطة نص ساعه على نار بالمرة قويه
بعدينه نأخذ شويه من هادي الخلطة ونحطها على البلاط لمن تبرد شويه
إذا اتمطت معناتها استوت دحينه نضيف ماء الزهر إلى الخلطة ونطفي النار ونجيب صينيه قوزاز وندهنها بزيت ونشا
ونصبلك المزيج في الصينية، ولمن يبرد نقطعه لمربعات ونغمسها في النشا وبعدين في السكر البودرة . حتى ما تتلصق ببعضها
ونقدمها للحبايب باردة.
وعلى فكرة يمديكم تلونون الحلقوم بالبودرة الملونة ويمديكم تحطو لها مكسرات يعني على ما تحبووو
وبالهناء والعافية

وهاادي الاكلة حصريا لموقع قبيلة هذيل واللي ينقلها ينقلها بدون زيادة ولا نقصان وما ينسى يقول انها من المعلم الكبير نمط رهيب.


تنبيه لأهل مرتفعات الطايف : الحلقوم هااادا غير الحلقوم (أبو 44) الأسود لا تروحو تطبوخوووه بالغلط ههههههههههههه

	المشاركة الأصلية كتبت بواسطة نمط رهيب

	حلاوة حلقوم على النبي صلي ^ 4 كوبايات سكر > حطلي الشدة على الكاف عشان لا تضربوا مقصااات هههههه هادي الجمله أعجبتني بالمره يانمط الله يوديك المدينه وإنته صاحي ماعمال تضرب مقصااات بعدين يمكن يلاقوك عيال حارة العمبريه ويسوا معاك مشكله , أوه نسيت حارة العمبريه هدموها من زمااان , ياعمي أي حاره تانيه الحدر واجب وهاادي الاكلة حصريا لموقع قبيلة هذيل واللي ينقلها ينقلها بدون زيادة ولا نقصان وما ينسى يقول انها من المعلم الكبير نمط رهيب. وهدي الجمله بالمره زعلتني ماني عارف ليه حاسس كدا إنو إنته لسى شايل في قلبك , ياسيدي الله يوديك المدينه تنبيه لأهل مرتفعات الطايف : الحلقوم هااادا غير الحلقوم (أبو 44) الأسود لا تروحو تطبوخوووه بالغلط ههههههههههههه

شوكرن شوكرن يانمط شكلها بالمره طعمه

أيش يخوفني من عيال المدينة أنا معايه رزق الله والأجر على الله

وبعدين ورب الزاد دا انا ماني شايل في قلبي غير التقدير وهاادي مزووح تجي وترووووح

وخذلك حبة حلقووووم وصلي على الحبيب قلبك يطيب

تسلم الايادي يامعلم نمط رهيب

طيب متى تسوي لنا الدبيازه نسمع عنها ومانعرفها ننتظر ابداعاتك يامبدع ،،

	المشاركة الأصلية كتبت بواسطة ابن مغبش

	تسلم الايادي يامعلم نمط رهيب طيب متى تسوي لنا الدبيازه نسمع عنها ومانعرفها ننتظر ابداعاتك يامبدع ،،

يسلم غاليك والشر دايمنه ما يجيك وعسى بقالك من الحلقوم رزق الله حتة هههههههههه

والدبيازة خدامينك يا ابو مغبش وحاكتبلك وصفتي السرية قبل العيد وكل سنة وانته طيب

جزاك الله خير ع الوصفه الطيبه ..
. قررت أهدي امي حلاوه حلقوم من صنع يدي ..( ياخوفي أسد نفسها عن الحلقوم من بعدي )
وعيدكم مبارك قبل الزحمه >> رمضان يطوي أيامه القلائل معلن الرحيل


شكري وتقديري

	المشاركة الأصلية كتبت بواسطة مايميزني لقب

	جزاك الله خير ع الوصفه الطيبه .. . قررت أهدي امي حلاوه حلقوم من صنع يدي ..( ياخوفي أسد نفسها عن الحلقوم من بعدي ) وعيدكم مبارك قبل الزحمه >> رمضان يطوي أيامه القلائل معلن الرحيل شكري وتقديري

أهلا يا بنتي وربنا يستجيب دعواااتك اللي بالمرة طيبة وإن شاء الله انك زبطيتها
وكان بودي تذوقي من طبختي لكن شكلوه ما بقي ولا حتة
لأنه كان هنا قبلك يابنتي رزق الله والأجر على الله

ههه تذكرني بالمصاريا كل شوي يسوونه بالبيت حتى الايس كريم (:
اشتريها جاهزة من النقلي وشكلها وطعمها حلو (:

الله يعطيك العافية أخي نمط .

	المشاركة الأصلية كتبت بواسطة سحاب

	ههه تذكرني بالمصاريا كل شوي يسوونه بالبيت حتى الايس كريم (: اشتريها جاهزة من النقلي وشكلها وطعمها حلو (: الله يعطيك العافية أخي نمط .

ايش جاب لجاب هااادا شغل عمك نمط مو اي كلام
وشوووكرن الله يسلمك الله يسلمك