قصيدة و ردها

اضع بين ايديكم هذه الابيات وردها من الشاعر بندر الهذلي والتي آمل ان تنال استحسانكم

[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
انا ليا زادت علي الهمومي= عديت يابندر براس الرقيبه
ادرج الاقدام وقعد وقومي=ورمي بشو ف العين في كل صيبه
وحسب على مثلك بوقت اللزومي=والا قليل المعرفه وش نبي به
لوكان جاني ما عطيته علومي=وان جاب علم اقول له لاتجيبه
ماكل من شفته لبس له هدومي=تحسب عليه وفي القا تعتزي به
تكشف لك الايام طبع الرخومي=واللي على طاريه عشرين خيبه
لو في الخلى قضيت ليلي ويومي=اخيرمن قرب الوجيه الغضيبه
امسي تحت نور القمر والنجومي=وصبح على صوت القماري تجيبه
فوق الغصون اللي مع الريح تومي=في واديا سيله درج مع شعيبه
صحيح ما في الوقت شيئا يدومي=والادمي ماياخذ الا نصيبه
تمرنا الايام مثل الغيومي=ماتدري الا غادي الراس شيبه
نحلم و نصحى بعد طول الحلومي=لي قر ميزان الحياه الصعيبه[/poem]

الرد من بندر الهذلي:

[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
جاني كتاب اموقعن و مختومي=فيه البيوت النادرات العجيبه
بيوت من عدا في عالي الرجومي=والهم جوف الصدر ناره شبيه
يشكي علي ولا في مشكاه لومي=ماللقريب اليا اشتكا الا قريبه
وانا معك في برد والا سمومي=على النقا من دون شكه و ريبه
ما نحتزم باللي ضعيَف عزومي=و الاش في الاشوار ما نقتدبيه
و اهل الردى عنهم نصد و نشومي=لأن الردي ماهو مضوي كسيبه
نعرف تقاليد العرب والسلومي=ومضيع العادات ماني صحيبه
لكن يانسل الرجال القرومي=اللي لها بين الرياجيل هيبه
خلك على سر الضماير كتومي=ومن الزمن حذراك تشكي الغليبه
لو المنايا فيه مثل السهومي=احداً تخطا عنه واحداً تصيبه
والناس معطا في الزمن و محرومي=واللي كتب في اللوح ماحد دريبه
لكن صله واطلب الله و اصومي=والادمي ماغير ربك حسيبه [/poem]

صح لسانك ولسان بندر
وبيض الله وجيهكم

درر

الصفحه بيضا وين الابيات ،،،،،،،

الله الله الله على الابداع صحت السنتكم كلكم مبدعين بيض الله وجيهكم

مطر الدعدي - وبندر الدعدي

شاعران لا يشق لهما غبار

متابع لكل جديد للشاعرين


تقبل إعجابي

صح لسانك ولسانه

صحت الألسن
وبيض الله وجيهكم

صحه الالسن ولاهنتم

وعساكم ع القوه تحياتي

لله دركما صحتـ الالسن

نعم صحت الألسن على القوه

الاخ ابو رديد صح بدنك ووجهك ابيض شرفتني بمرورك

الاخ سلمان الندوي صح بدنك ومشكور وما عليك زود سلمت يالغالي

صحت الالسن وبيض الله وجيهكم

صحت الألسن
ونعم فيك وفي بندر

صح لسانك ولسان بندر
وبيض الله وجيهكم
درر

يا سلام يا سلام

دعني اسميها ( شكوى ومواساة )

صح الله لسانك يا مطر ما تجيب الا الجزاله

وصح الله لسانك خويك بندر معاني رائعة ومواساة على الطيب والماقف والصحبة