الأجـــــراس

[poem=font="Arial,4,#8b0000,bold,normal" bkcolor="" bkimage="" border="none,1," type=2 line=1 align=center use=sp num="0,"]
يا صاحب لا غدى شرواي شجرة والليالي فاس = وش الحيله وحد الفاس يحطب مُثمر أغصاني!!
سئمت أقرع في بيبان الأمل وأدقدق الاجراس = واذا خاب الرجا في الباب الأول رحت للثاني
محابر اه كم هي من محابر ما انجبت قرطاس = ولابه خط يجمع ما في قلبي ثم يقراني
عوافي يا زمن مادمت عايش بك صليب الراس .. = بجمع ما بقى لي من حروف تصوغ قيفاني
أبكتب والملامه ما تجي في صفحة الكراس = تجي وشلون وحروفي بدت من غيض وجداني!؟
أنا وأعوذ من كلمة (أنا) ماني خوي الافلاس = سئمت إني أسير لطاعتي وأعلنت عصياني
أحد سالي مغمض جفن ما قد صارع الهوجاس = وانا مركاي كوعي والهجوس تنبش أحزاني
أحس بخافقي صرخة أمير وجلجلة حراس = وحرب دايره تطحن وريدي فوق شرياني
نفوس الناس لماعه ذهب صافي وذاك نحاس = تعيش تشوف في الدنيا نفوس أشكال والواني!!
ترابك يا وطن غالي اذا ما دنسوه انجاس = تعبت اشيل وزرك وانت قيدي وانت سجاني
بحور الظلم : صح إن البحور تكذب الغطاس = يعوم البحر من شال الرخيصه بين الأمتاني
تعبنا يا النفوس العاليه ندفع أجور أنفاس = ونخبز من لحمنا خبز للقاصي وللداني
عيون الناس تاكلني ومن يشبع عيون الناس ؟ = عيون ما ترى ياكود جيب فلان وفلاني
انا اللي ما شربت من المراره غير ربع الكاس =يكفيني عرفت الناس صدقاني وعدواني
بتم أبحث عن ابواب الأمل وأكسر الأجراس= عساي القى وطن يجمع شتاتي .. بين الأوطاني [/poem]