مضحي العاكور - ::{ مجالس قبيلة هذيل }:: موقع يهتم بتراث القبيلة ومفاخرها

05-31-2008, 10:23 AM

مضحي بن بريكان العاكور من مشاهير هذيل البقوم ومن كرمائهم
وابطالهم المعدودين وكان من وزراء الملك حسين الشريف ويمتاز كذلك
بالمعرفة والوجاهة وقضاء حوائج الناس وله من الاشعار المشهورة
الكثير ومن اشهر قصائده الهجينية التي تعتبر اشهر هجينية في الجزيرة وخارجها وهي
يالهجن شلن بنا شله=يا كاسرات المصاليبي
واسرن بنا ليلكن كله=واردن بنا مارد الذيبي
ولد الردي لاتشلن له=ماله عليكن مواجيبي
ياحمود دل القلص دله=لايرشحن المغاريبي
سقوى ليا شفت عبد الله=والفت علينا المراكيبي
وربوعنا كلهم والله=اهل الصخا والتراحيبي
وان جا على اطرافنا خله= رماة عوج التراكيبي
عبد الله هو الشيخ عبدالله بن عبا شيخهم في عصره
وحمود هو حمود بن بجاد العاكور
كان مضحي في فترةِ من الفترات في معان بالاردن مع عبد الله الشريف
وتذكر ربعه ودياره فقال
ياحمود انا باغي المنهاج=والعين كثرت طواريها
الله على زينة الدفلاج=اللي تبعد مماسيها
ماحسها للحوار خلاج=حايل ولا هوب يتليها
فخوذها كنها الدراج=كن الدراهم مواطيها
والعين جمر الغظا الوهاج=تقول تفتل لواحيها
والزور مديور مثل التاج=وبعيد ماهوبحاديها
معي خوي مثل فراج=على ردوم تباريها
ياعين شاهانةِ مرواج=تكسر على صوت داعيها
عشرين للسج والمسهاج=وديار خلي حراويها
اعطيبها سكة الحجاج=ودروب ماني بغاويها
طفل المها مامشى دواج=وارزاقه الله مهييها
بو ذبلِ مابهن افلاج=كن العسل بين اشافيها
فراج المقصود فراج القثامي
ومن قصائده يسند على الشريف حمود بن زيد امير الطائف
سلام مني ياحمود الفين =اعداد كتبِ في جرايده
نصيت سلطان الحجاز حسين=وانكفت ما حصلت فايده
مافيه لاوحدة ولا ثنتين=حتى العشا ماجيت صايده
هذه نبذة مختصرة عن مضحي العاكور رحمه الله

05-31-2008, 02:34 PM

مشكور على هذه المعلومات القيمة....

والنعم بمضحي العاكور ....

بس بغيت أسألك في أي فترة عاش مضحي؟؟

05-31-2008, 05:41 PM

دسكفري

مشكور لك على النقل الرائع لفارس من فرسان هذيل

05-31-2008, 07:59 PM

نقل مميز لشخصيه هذليه قمه في الشهامه والفروسيه

05-31-2008, 11:25 PM

مشكووووووووور يادسكفري

06-01-2008, 01:58 AM

المطرفي الهذلي
ريح المطر الهذلي
الفند الضبيبي
فيروز
مشكورين على المرور الذي اسعدني
اما بالنسبة لسؤال الاخ المطرفي الهذلي
مضحي عاش في زمن حكم الاشراف للحجاز ولحق اول حكم الملك عبد العزيز رحمه الله وتوحيده للسعودية
وهو صاحب هذه الاحدية الشهيرة وهي من حداء الخيل ذكرها الامير محمد الاحمد السديري في مخطوطته لحداء الخيل التي ورد ذكرها في احد اعداد مجلة
فواصل مع صورة هذه الاحدية بخط السديري
عبد العزيز مفرق الخلان-ثور مقابيس البلا في العود
خلى جرايرها على البدوان-وانشب قرود في وجيه قرود
وهو والد الشيخ محسن العاكور كان من المقربين للعائلة الحاكمة توفي رحمه الله
قبل 5سنوات عن عمرِ يناهز المئة

07-21-2008, 09:41 PM

فخوذها كنها الدراج=كن الدراهم مواطيها
والعين جمر الغظا الوهاج=تقول تفتل لواحيها
والزور مديور مثل التاج=وبعيد ماهوبحاديها

صح لسانه وبيض الله وجهك على النقل

07-22-2008, 06:14 AM

ونعم ونعم والله في مضحي العاكور

ولاهنت والله ياديسكفري على هذه

المعلومات عن فارس من فرسان هذيل

07-23-2008, 09:51 PM

موضوع رائع اخي ديسكفري

والله يعطيك العافيه ويرحم فرسان هذيل ويعلي مقدار الحي منهم

05-09-2009, 12:12 AM

مشكور على هذه المعلومات القيمة