قصيدة في الشيخ محسن العاكور

قصيدة موجه من الشاعرمقبل بن شريد الثوري السبيعي من اهالي الخرمة
الى عوانيه العواكير الشيخ محسن بن مضحي العاكور واخوانه

عاش الهذيلي طيب الفعل والجاه=محسن ولد مضحي كبير المهابه
اللي رفع في قمة المجد مبناه=حتى ظهر صيته بعالي هضابه
مسيّسِ بالطيب قاصيه وادناه=جده وابوه وكل من له قرابه
افخر بذكره كل ماحل طرياه=رجلِ عزيز ومن صناديد لابه
من روس قومِ للحرايب مضراه=كم عايلِ ردوه ينقل صوابه
تاريخهم معروف والناس تقراه=هذيل من عهد النبي والصحابه
يعيش ابو خالد عسى الرب ياقاه=شيخِ ولد شيخِ عزيزِ جنابه
عز الرفيق وعز من هو تنصاه=الله يديمك ياربيع القرابه
من راح للطيب حصل ماتمناه=ومن راح للخايب حصيله خيابه
الطيب فيكم يابو خالد وجدناه=ملجاَ بعد ربي لمن هو لجابه
ولاامتست الدعوى ربوعه بتنخاه=ولا قام باصعب مشكلة مايهابه
حظه كبير ومالك الملك قداه=ولا راح في دربِ تسهل وجابه
يابعدنوهاته ويابعدمرماه=حلال كل المشكلات الصعابه
ومن لاعرف محسن يسيّرويلقاه=يشوف ما شفته ويسمع جوابه
رجلِ عزيزوتفتخربه دناياه= والكل من سمو القبايل درابه
عسى عيال الشيخ تعطي معطاه=وكلِ مشى مع سيرته واقتدابه
النمريخر من عياله حلاياه=والذيب يخر في محله ذيابه
الله يكثر من مثاله وشرواه=ولكل طيب له بقلبي حبابه
الطيب اللي طيباتِ سجاياه=ودرب الردى من خلقته مامشابه
تحيةِ مني على الشيخ مهداه=اعداد ما هل المطر من سحابه
مرحوم ياللي كل ماجيت بانساه=ذكراه في قلبي وحبه سطابه
ماجد لعله جنة الخلد ما واه=ياالله ياربي عليك الاجابه
الطيب اللي عقب عزه فقدناه=ماكن في شعر المسمى وطابه
مرحوم يااللي تفعل الطيب يمناه=طيب وسو الموت عنا غدابه
الموت مابه واحدِ قد تعداه=كل على وقته وحاسب حسابه
مضحي عضيدك كلنا لاعدمناه=وافي الخصايل جعل ياكل شبابه
ماشي بدرب الطيب والطيب مبداه=وعدى برجمِ قد بدوه الشيابه
مع درب شيبانه خذ الطيب ما اخطاه=وعلى الطريق العامّ مفتوح بابه

السلام عليكم ورحمة الله وبركاته.
اخي الغالي الباحث..
الصدق قصيدة جزلة ماقاصر المادح ويستاهل الممدوح..
الطيب للي طيبات سجاياه..
ودرب الردى من خلقته مامشابه..

بيض الله وجهك على نقل هذه القصيدة..

قصيدة أكثر من رائعة

وكل شخص يتمنى أن تكتب فيه مثل هذه القصيدة

أخوي الباحث بارك الله فيك

على نقل هذه الدرة

وصح لسان القايل

تحياتي لك

يشتاهل العاكور

مدح في محله وشاعر متمكن .

الله يبيض وجهك يا الباحث

.
تحيات اخوك


عطا الله القارحي

بيض الله وجهك على نقل هذه القصيدة..