خجــوله وخـــايفه

السلام عليكم ورحمة الله وبركاته


بكل الحب

لعيونكم جميعاً

[poem=font="Traditional Arabic,6,#800080,bold,normal" bkcolor="" bkimage="" border="none,1," type=2 line=0 align=center use=ex num="0,"]
نهار اقبلت كانت خجوله وخايفه=تلد وتصد وكن ماهيب شايفه
من النظره الأولى وانا مولعٍ بها=محبه من الأعماق ماهيب زايفه
وحاولت انسيها خجلها وخوفها=وجاذبتها اطراف الحديث وطرايفه
وسمعتها شيٍ عن الشوق والغلا =وترجمت عن قلبي شقاه وكلايفه
وكانت بداية حبنا وإجتماعنا=وعشنا مع اسرار الغرام ولطايفه
بروضٍ عذيٍّ مامشى فيه غيرنا=ربيعه ونبته مقدر أحصي وصايفه
قضينابه ايامٍ مضت ماحسبتها=ولكنها كانت بلاشك كايفه
ويوم الربيع امست تقافا معالمه=وجاته سمومٍ بأول الصيف لايفه
رجع خوفها اللي خابره في عيونها=مثل نظرة اللي موقنٍ من حتايفه
وقامت تجمّع مابقي من متاعها=وشالت على حرٍ يلاعب سفايفه
وتالي العهد يوم إستدارت وعرضت=بذاك العشي والشمس صفرا مهايفه
على البعد تومي لي بيدها مودعه=وداع الذي ماني براجي نكايفه
ولااخذت منها غير جرحي وعبرتي=وذكرى لها دايم على البال طايفه
لها حن قلبي بين الأضلاع وإنحنى=حنين العسيف اللي مفارق ولايفه
وضاقت بي الدنيا الوسيعه ولابقا=سوى قمةٍ في راس مرقاب نايفه
عسيره على اللي ماتعوّد طلوعها=بها تتعب اقدامه وتيبس شفايفه
أهيّض بعاليها خفايا مشاعري=وافيّض بها دمعٍ تسابق ذرايفه
حسايف على ما كان بيني وبينها=لو إن البنادم ماتفيده حسايفه
وانا عارف إن العمر لابد تنقضي= سنينه ويبقى ماكتب في صحايفه
وياما عذلت النفس واكثرت لومها=ولكن لاتقنع ولاهيب عايفه[/poem]

وعليكم السلام ورحمة الله وبركاته،
لله درك يا شاعرنا العظيم ، نقف أمام جرعة شعرية عالية التركيز ،
مترابطة النسيج ، متدفقة بالمشاعر الجياشة ،
ضمن معزوفة شيقة تتعالى وتيرة أحداثها ،
وتبلغ حبكتها الدرامية بنفثات حرّة ،
وقلب ملتهب ...

	ولا اخذت منها غير جرحي وعبرتي وذكرى لها دايم على البال طايفـه لها حن قلبي بين الأضلاع وإنحنـى حنين العسيف اللي مفارق ولايفـه وضاقت بي الدنيا الوسيعه ولابقـا سوى قمةٍ في راس مرقـاب نايفـه عسيره على اللي ماتعوّد طلوعهـا بها تتعب اقدامه وتيبـس شفايفـه

أبيات تكتب بماء الذهب.

يا سلاااام


ابو ناصر اطربتنا بهذه الرائعه


مبدع دوما لاهنت

هلا بشاعرنا العلم

عسى عمرك طويل يا ابو ناصر توك شباب

استمتعت بقراءة الدرة اعلاه

كل عام و انت بخير وتحياتي للأخوان الأعزاء

اخوك

عطا الله

السلام عليكم ورحمة الله وبركاته

صح لسانك يابو ناصر مبدع والله قصيدة جميلة سعدت بقراءتها ونحن هنا نتشوق لكل جديد لعبدالله الطلحي.


تحية طيبة

وعليكم السلآم ورحمه الله وبركاتـه ...

قصيدة رائعه بروعة صاحبها ...

قرئتها بكل حواسي

لي عوده ثانيه وثالثه ورابعه ....... للقصيده

سلمت يمناااكـ يابن العم ..

تحيـــآآآآآآآآآآتي ..

أقسم بالله العظيم إنني وقفت إحتراماً لهذه الرائعة
قرأتها أكثر من مرة وفي كل مرة أزداد طرباً لها
وحفظت القصيدة في سجل أفضل ماسمعت من الشعر

لله درك ياشيخ والله العظيم إنك جزل وشعرك جزل
صح لسانك وعلا شانك

صح لسانك

والله قصيده رائعة بكل ماتعنيه الكلمة من معنى..





تقبل مروري..

رائع يا ابو ناصر

صح لسانك

وتقبل تحياتي

	المشاركة الأصلية كتبت بواسطة الفارس حزين الطلعة

	وعليكم السلام ورحمة الله وبركاته، لله درك يا شاعرنا العظيم ، نقف أمام جرعة شعرية عالية التركيز ، مترابطة النسيج ، متدفقة بالمشاعر الجياشة ، ضمن معزوفة شيقة تتعالى وتيرة أحداثها ، وتبلغ حبكتها الدرامية بنفثات حرّة ، وقلب ملتهب ... أبيات تكتب بماء الذهب.

الفارس حزين الطلعه

أشكرك من القلب
على روعة حضورك
مع أنك حزين الطلعة
إلا أنك تدخل البهجة والسرور مع كل حضور

لاهنت يالغالي

.

	المشاركة الأصلية كتبت بواسطة عبدالله الطلحي

	الفارس حزين الطلعه أشكرك من القلب على روعة حضورك مع أنك حزين الطلعة إلا أنك تدخل البهجة والسرور مع كل حضور لاهنت يالغالي .

شكر التقدير لك اخي الكريم

	المشاركة الأصلية كتبت بواسطة فواز الهذلي

	يا سلاااام ابو ناصر اطربتنا بهذه الرائعه مبدع دوما لاهنت

شكراً فواز

لاهنت يالغالي

.

تسلم اخي عبد الله على هذه القصيده الجميله

سعدت بمرور متصفحك يالغالي

تقبل ودي واحترامي

اخوك

الحجاج

الشاعر عبد الله الطلحي هو استاذي الاول . كم وقفت له احتراماً

الله يذكرك بالخير يالحبيب

	المشاركة الأصلية كتبت بواسطة عطا الله القارحي

	هلا بشاعرنا العلم عسى عمرك طويل يا ابو ناصر توك شباب استمتعت بقراءة الدرة اعلاه كل عام و انت بخير وتحياتي للأخوان الأعزاء اخوك عطا الله

هلا وغلا ومرحبا
بالأخ الغالي والصديق العزيز
الذي نببه في الله ونشهد الله على ذلك

إشادتك شهادة طال عمرك

شكراً من القلب

.