بيرق وملايين ونقاد - ::{ مجالس قبيلة هذيل }:: موقع يهتم بتراث القبيلة ومفاخرها

حسآم · 02-05-2009, 07:45 PM

بسم الله الرحمن الرحيم

السلام عليكم ورحمة الله وبركاته

.................................................. .........................

لاوالله إلا قلبك اللي صار يشبه للجماد

ماهو مكلف بالخلايق كل ّ شي وله حدود

لالا تحاول من بعد ماقدّر الخالق بعاد

جاملتك وصدّقت نفسك والسبب هاك العهود

صحصح لعلمي والجواب امسطرّه دمعي مداد

بحروف لا من قلتها دكت جلاميد الحيود

طير ٍ ليا منه تعلى يطرح اصقور الهداد

واليا وقع ماكنه الا الرعب في فكبود اليهود

وإن كان تبغى الصدق ملينا مراكيض الجياد

بالله قلي وش حصيل اللي تبيّح في السدود

ماجيت ألومك والنتايج مابها صدق وحياد

الخط ّ متقرّر وقسمك جاك من بين الوفود

وأنت تتّمم خدعة المسرح وتحسبها جهاد

ماكنك إلا قايد الجبهة وجمهورك جنود

منت َ كفو للبيرق وليتك تبيعه فالمزاد

والا عساه يكفن اضلوعك ليا زرت اللحود

عُمر المنافق ماضوى بالفوز خذ علم ٍ وكاد

ياما أخسر اللي باع دينه بالدراهم والنقود

وإلا عميلك عاقل ومسلم بمنهج واعتقاد

ماهمته دنيا الفنا ويصارع الظلم بصمود

والمرقب الله ماقصدت التزكية قبل الحصاد

الحكم حكم الله جعله مايشمّت بك حسود

لكن وداع وتوب للي يبعث أجساد العباد

اللي جميع الكون يخضع له ويُذعن فالسجود

.................................................. ........................

.................................................. ........................

02-05-2009, 08:42 PM

وعليكم السلام ورحمة الله وبركاته

صح لسانك اخي الشاعر حسـآم ،، ولاهنت،، قصيدة جميلة.

ننتظر جديدك

تحية طيبة

02-05-2009, 09:53 PM

بيض الله وجهك يا حسام

شاعر ما عليك كلام

صح لسانك والله

حسآم · 02-05-2009, 10:04 PM

صح بدنك أخي عماد

ممثل الشعر الجميل والأصيل من أرض مصر

سعدت بمرورك وبارك الله فيك .

حسآم · 02-05-2009, 10:08 PM

ذيب الفيافي بارك الله فيك ويعطيك العافية .

02-05-2009, 10:44 PM

يعطيك العافية اخي حسام على القصيدة الجزلة

الحكم حكم الله جعله مايشمّت بك حسود

لكن وداع وتوب للي يبعث أجساد العباد

الشطرين هذي وضحها لي اذا فيها تشديد ولا غيره لأني طرقت القصيدة

وكلها جات معي تمام الا هالشطرين........ ارجو التوضيح

واكرر قصيدة فعلا جميلة

تقبل مروري