الشاعر محمد غازي الميزاني&والشاعر صالح المطرفي

السلام عليكم ورحمة الله وبركاته

اسعد الله اوقاتكم اعضاء مجالس هذيل الكرام ...حبيت ان انقل لكم هذه المحاروه التي جرت بين

الشاعر/محمد غازي اخو ((سوار الذهب))...والشاعر المبدع صالح المطرفي((فارس الصحراء))

محمد غازي

مرحباً ترحبتٍ يطبخ لحمها في شحمهـا=الشحم لضيوفنـا وصحابنـا يستاهلونـه

انت ياصالح تعليت العلا ونتـه علمهـا=مبعد المرواس لايتعب ويثني الرجل دونه

صالح المطرفي

البقا والسالفه حـول شحمهـا مـن لحمهـا=ونت شاعر قوم يشوون اللسـان وياكلونـه

تجتمع روس العرب فالطيب والطيب يخدمها=والله انا مانشوف الطيـب ونجنـب زبونـه

محمد غازي

انت يابعد النظر نظرتـك لازم نحترمهـا=منت مثل الي لياقامـة تعرضهـا بشونـه

من تعرض خطتٍ رسامها قـام ورسمهـا=معترض شمس الحقيقه بالعمى عمية عيونه

صالح المطرفي

كم طماعه في حنيا خاطري هديت فمهـا=من صواديف الزمان الي تروعني قرونه

مير اباسم هرجتي لن كان اخويه ماوسمها=لاتروح مع بنات الريح والخيل معنونـه

محمد غازي

الحياه الي تطعـم مرهـا يطعـم طعمهـا=اصبرو بكره تجي فرصه تجيب الي تبونه

والقسـوم مقسـم الارزاق قدامـك قسمهـا=ياضنوني علمي صالح تراي اعرف ضنونه

صالح المطرفي

الغروب الي يتل حبالها يقطـع وذمهـا=والنصيب اليا أنقطع في ساقته مايلحقونه

حضي الي كل مادور غنيمـه يغتنمهـا=البقوم يهددونـه والشـلاوى يطردونـه

محمد غازي

احترقت بحموها ونا قريب مـن وحمهـا=بس في عرف الرجال العجل مايبرد غبونه

يامقاديم الرجال الي ماحد ياخـذ سهمهـا=مايطول الليل غزو الصبح صبح تصبحونه

صالح المطرفي

والله انا ماعمرناها على شان نهدمهـا=لو صواديف الزمان الشين تدحمنا متونه

انت ابوها سمها لو عمها قام وحسمهـا=لاتخليها مثل وقت مضى شكله ولونـه

الله وأكبر
محاورة من العيار الثقيل

صح الله لسان شاعرنا المبدع / صالح بن دخيل الله المطرفي
وصح الله لسان الشاعر الرائع والقادم بقوة / محمد الميزاني

	المشاركة الأصلية كتبت بواسطة أبو حمدان

	الله وأكبر محاورة من العيار الثقيل صح الله لسان شاعرنا المبدع / صالح بن دخيل الله المطرفي وصح الله لسان الشاعر الرائع والقادم بقوة / محمد الميزاني

هلا ومرحبا يا أبو حمدان ...وصح بدنك بالنيابه عن الشعراء ...وشكراً لمرورك العطر

محاوره راااااااااااااااااااااااا ائعه


كل الشكر ياماجد على اتحافنا بكل ماهو جديد


تحياتي ياذيبان

صالـــح المطرفــي شاعـــر جــزل وغنـــي عـن التعريــف؛؛
محمــد الميزانــي أتمنــى لــكـ التوفيــق وإلــى الأمــــــــام؛؛

لاهنــت ياالميزانــي علــى النقــل المميــز.









عــــــــــــــــذب المشاعـــــــــــــــر

محاوره قويه ومعناه جميل وفيها تطرق الى الصورالجماليه
التي اخذت طابع جميل فالمحاوره

محاورة رائعة جداً .. يعطيك العافية على النقل ..

لك ودي

الله الله وربي جزاله وبن دخيل الله في قمة التوهج ولايهون أبو مطير

أنا عاتب على صالح بن دخيل الله لعزوفه عن شعر المحاورة بساحة المحاوره مع ان شعره جزيل وصوته جميل

في برنامج فارس الصحراء شاهدة له محاورة مع محمد السناني قمه في الجزاله والسبك .. أبيات ومفردات نادره

شكرا لك أخوي ماجد مبدع كالعاده

ودي