حداية صالح المطرفي....&والرد من&محمد غازي الميزاني

السلام عليكم ورحمة الله وبركاته

اسعد الله اوقاتكم بالخير والمسرات اخواني اعضاء وأدرة مجالس هذيل العزيزه


هذه الحدايه من قبيلة هذيل ..وهي من الشاعر صالح المطرفي الهذلي فارس الصحراء ...

في حفل زواج مشعل ابن مسند الميزاني المطيري...في يوم الاربعاء الماضي







حداية قبيلة هذيل
في حفل ابو مشعل سلام ومن بغى الطاله نوى
على اربعه يقف البعير ومارده عد الروى
اللابه الي تكمل اللازم ليامنه ضوى
الاد عون البارق المنشور في هضبة مطير


حنا هذيل السيف ابو حدين لارز اللوى
وليابنينا البيت لايمكن يزعزعه الهوى
انثبت اركانه واطانيبه وعمدانه سوى
ونقلط اصحاب الشرف جوفه ونحمى المستجير



رد قبيلة مطير من الشاعر/محمد غازي الميزاني
اخو( الشاعر سوار الذهب)


يامرحبا ترحيب من قوه ومجهوده قوى
ومثبت الخطوه على دربه لو الدرب التوى
يالعزوه الي مجدهم شامخ ونجمه ماهوى
ولياتوحد صفنا على اربعه يقف البعير


انتم على العدوان مثل النار نزاعة شوى
ومثبتِ بيته على الطاله على العرش استوى
والعز تاريخ الرجال الي بالأمجاد احتوى
ومرافق الطيب لفعل الطيب للطيب خشير