ليش نتكبر ؟

قصيدة أهديها لكل معلم .....وهي على فن الشقر


[poem=font="Times New Roman,6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
ليش نتكبر وكلٍ يفتّل شاربه = والمنايا كاس والخلق كلٍ شاربه

والأمل مثل الشجر حطوا المنشار به = والزمان يدور والله يفعل ما يريد


البحر غدار لو خوّن البحّار به = والصديق اللي يخوّن صديقه حاربه

والذي يعزم على الصدق لا ما حار به = والزمان يدور والله يفعل ما يريد


والغريق اللي صنع بالحماقة قاربه = أبعده عني ومهما حصل ما أقاربه

علة الرجال من صحبته وأقاربه = والزمان يدور والله يفعل ما يريد


يتعب الانسان فالعلم يفنى ما قضاه = لكن اصبر للقدر حكمة الله مع قضاه

كل شي بمجتمعنا فسد حتى القضاة = والزمان يدور والله يفعل ما يريد


المعلم أصبح اليوم مهدوره دماه = صار كلٍ ما يحبه بدون مقدماه

وش تبا بالعد لا من فسد فالعد ماه = والزمان يدور والله يفعل ما يريد


عكروا جوّه بعد كان جوّه في صفاه = ناس تسعى للعداوة ولا هي منصفاه

ما يهزك ريح يا صاحبي مثل الصفاه = والزمان يدور والله يفعل ما يريد


لا حشا ما للمعلم عداوة لا حشاه = مير يدفن للمعلم سمومٍ في حشاه

قاتله ماهو بكفوٍ ولو في ذبح شاه = والزمان يدور والله يفعل ما يريد


صارت الأقلام ضده والألسن والشفاه = ظالمينه ودّهم ينزلونه من شفاه

يا عسى من يظلمه ما يعجّل في شفاه = والزمان يدور والله يفعل ما يريد


ضاعت حقوقه وحدّه زمانٍ طال به = ومن تعاميم الوزارة تمرد طالبه

مالنا غير الكريم العزيز نطالبه = والزمان يدور والله يفعل ما يريد

[/poem]




وسلامتكم ...


أرجو أن ترتقي لذائقتكم

صح لسانك يالشعيفي

قصيدة جميلة


تحياتي

صح لسانك يبوعبدالله

والشقر سلاح ذو حدين

تحيتي

لله درك يا محمد

لكن يا اخي لي بعض العتب . . . يوم انك ماشاء الله كتبت كل هالابيات و على الشقر

كان كملت و جعلت البيت الرابع مستقل و غير مكرر . . . استغرب بصراحة واحد ابدع في كل الابيات و يكرر شطر

على العموم . . . انت مبدع يالشعيفي . . . صح لسانك لين ترضى

	المشاركة الأصلية كتبت بواسطة قرناس بني ياس

	صح لسانك يالشعيفي قصيدة جميلة تحياتي

صح بدنك أخوي قرناس بني ياس


والله الجميل هو حضورك الدائم


فلا تحرمني منه




وفقني الله وإيااك

	المشاركة الأصلية كتبت بواسطة بن قاسي الهذلي

	صح لسانك يبوعبدالله والشقر سلاح ذو حدين تحيتي

صح بدنك يا خاااااال


على الأقل استطعت أن تكتب تعليقا

وأنا أراه أفضل من ( لي عودة بإذن الله )


بارك الله فيك

صح لسانك يالشعيفي
ابدعت للامانه
تحيه طيبه

صح لسانك اخي الشعيفي

قصيدة جميلة

تفبل مروري

صح لسانك يالشعيفي لين ترضى....
هذي ثاني قصيدة أقراها لك عن معاناة الوظيفة....يالله عسى خير.

يا أستاذ هونها وهي تهون.





[poem=font="traditional arabic,6,blue,normal,normal" bkcolor="transparent" bkimage="" border="double,4,blue" type=0 line=0 align=center use=ex num="0,black""]
صارت الأقلام ضده والألسن والشفاه = ظالمينه ودّهم ينزلونه من شفاه

يا عسى من يظلمه ما يعجّل في شفاه = والزمان يدور والله يفعل ما يريد[/poem]

لا تكون تقصد العسكر يا بن عمي..هههههههههههه

صح لسانك وبيض الله وجهك قصيدة تدل على ملكة وصنعه بديعية
تحياتي وتقديري ،،،

صح لسانك يالشعيفي


قصيدة جزلة وحبكة شاعر كبير

شكراً لك

صح لسانك أخي محمد ولاهنت

مبدع

تحية طيبة

صح لسانك يالشعيفي
دمت بخير

الشعيفي..
.
.
صح لسانكـ..
وابيض وجه..
.
.

احتراامي