السلام عليكم ورحمة الله وبركاته

[poem=font="arial,5,,normal,normal" bkcolor="" bkimage="" border="none,1," type=1 line=0 align=center use=ex num="0,"]
المزنه اللي برقها لاعبها=وارزم رعدها وانهمر ساكبها

ياعلها تسقي ديار محيله=يبس شجرها والدهر ناهبها

تهدي لها ثوب الربيع الضافي=يكسي عراها والبدو جاك ابها

نزالها تضحك حجاجه فرحه=واهل الدبش تو حصلت ذاهبها

وانا ذهيبي جرته مقطوعه=فوق الثرى ماينعرف صاحبها

ماقصها المري بعد عاينها=لابعد الشكه ولا قاربها

مير العلوم الها عقول تميز=تعرف صحيح العلم من كاذبها

من يرفع التكبير باعلى صوته=والصومعه تهدم على راهبها

ماغير دين الحق دين الدوله=امن العراق اليا اليمن غاصبها

والسيف الاملح في يدين الحاكم=يومي على روس العدى راهبها

ايامنا تكشف لنا ماغيب =عن لحيةٍ ماكرمت شاربها

والخطوه اللي للهوى مسروجه=يم النهايه قادها راكبها

واليا حصل وضع القلم وارتفعت=صحايفٍ ماتعبت كاتبها

ماعاد باقي للفتى من كره=الفوت فات ومانتظر تايبها

والطيبه تبقى بعد راعيها=بين العرب وسمه على غاربها

ذكره ينومس كل راعي نخوه=اللي علوم المرجله راغبها

وان عدوا الاجواد بيّا مجلس=طاري حياة فلان ماجانبها

والهينه قسم البعيد الهافي=اللي دليه ماروت شاربها

لو يفعل المعروف تحسب غلطه=كل السلوم الطيبه قالبها

الناس دورات الزمن تكشفهم =في كل دوره يتضح رايبها

والعرق في طبع الرجل غلابي=يظهر على افعاله ولو غالبها

اليا عجبك بزين فعله مره=ايجيك مراتٍ وهو عايبها

حظه من الطالات حظ المفلس=لا مفلت الدنيا ولا قاضبها

واللي على سمعة ابوه وجده=نقمه عليه ان كان ماواكبها

مايرفع الرجال غير افعاله=هذي تورثها وذي كاسبها

هذا بعض ماشفت في هالدنيا=مامن تجارب مير انا حاسبها[/poem]

صح لسانك يا بن قاسي

أبدعت أمانة وأطربتنا بهذه الرائعة

لا هنت يا عبدالعزيز لا هنت

تحياتي

	المشاركة الأصلية كتبت بواسطة أبو المثلّم

	صح لسانك يا بن قاسي أبدعت أمانة وأطربتنا بهذه الرائعة لا هنت يا عبدالعزيز لا هنت تحياتي

صح بدنك يابواحمد ,الطرب في حضورك المختلف

ياسلام يابن قاسي .. راااااااااااااائعة

صح لسانك .. مدد بلا عدد ..

وين هالمزون ما تهل من زمان ..

تهدي لهـا ثـوب الربيـع الضافـي
يكسي عراهـا والبـدو جـاك ابهـا

لكن ياصاحبي ( جاك ) لا يناسب الجمع ( البدو )
أظن جوك هي الأنسب .. ربما خطأ كيبوردي ...

لك خالص الشكر والثناء ..

	المشاركة الأصلية كتبت بواسطة حـمـدي الهـذلـي

	ياسلام يابن قاسي .. راااااااااااااائعة صح لسانك .. مدد بلا عدد .. وين هالمزون ما تهل من زمان .. تهدي لهـا ثـوب الربيـع الضافـي يكسي عراهـا والبـدو جـاك ابهـا لكن ياصاحبي ( جاك ) لا يناسب الجمع ( البدو ) أظن جوك هي الأنسب .. ربما خطأ كيبوردي ... لك خالص الشكر والثناء ..

حيا الله شاعرنا حمدي وحي مداخلاته الجميله

لا لا وانا اخوك لم تكن غلطه كيبورديه:

الفعل جاك فاعله ثوب الربيع ,اي ان الربيع هو اللي جاب البدو


احترم وجهة نظرك اخي حمدي وحياك الله مره اخرى

	الـنـاس دورات الـزمـن تكشفـهـم فــي كــل دوره يتـضـح رايـبـهـا والعرق في طبع الرجـل غلابـي يظهـر علـى افعالـه ولـو غالبـهـا

اي والله صادق يبن قاسي

بيض الله وجهك وصح لسانك على هالمعلقه

واااااااااااافيه من رجال وافي

بن قاسي ابدعت

قصيده من العيار الثقيل

لاينظمها الا مبدع مثلك


صح الله لسانك وبيض الله وجهك

ماشاء الله تبارك الله
حكم والله يابن قاسي حكم
صح لسانك وعلا شانك
وين أنت عنا من زمان ماتسمعنا هذي العلوم الزينه
من الآن وصاعداً لن نعذرك وسنظل ننتظر جديدك
فلا تبطي علينا

السلام عليكم ورحمة الله وبركاته

الله الله

صح لانك يابن قاسي ،، قصيدة يفوح منها عبق الحكمة ،، والتجربة،،

طالت غيبة بن قاسي عن هالجلس،، لكنه عاد،،والعود أحمد.

الله لايهينك


تحية طيبة

الله الله يا بن قاسي

رائعه جديدة

لعلها بارق حيا

لعلها ::::::

المـزنـة الـلــي بـرقـهـا لاعـبـهـا *** وارزم رعدهـا وانهـمـر ساكبـهـا


ننتظر جديدك بكل شوق

الله الله صح لسانك يا بن قاسي

قصيدة لا ينظمها الا شاعر متمكن

[قــمــيدان]

ادددددددعس



ياسلام عليك يابن قاسي


مزركشة

بس الحجاج يضحك ولا تضحك؟

سلمت يابن قاسي وصح لسانك

والله إن قريتها أكثر من مره .......وأعجبني هالبيتين :.

	والسيف الاملح في يديـن الحاكـم يومي على روس العدى راهبهـا ايـامـنـا تـكـشـف لـنــا مـاغـيــب عــن لحـيـةٍ ماكـرمـت شـاربـهـا

واللـي علـى سمعـة ابـوه وجــده
نقـمـه علـيـه ان كــان ماواكـبـهـا


ياسلام
والله قرأتها اكثر من مره
وراقت لي كثيرا
وخصوصا المطلع الجميل
وتداخل الافكار بأسلوب رائع
والرمزيه حبكة شاعرمتمكن
صح لسانك ياشاعرنا الغالي

صح لسانك يابن قاسي
قصيده جزلة المبنى والمعنى
امتلت حكمه من راس حكيم
للامانه اعجبتني
ننتظر جديدك لاهنت