حماس مطلوب

هلا يامرحبا ترحيبة ٍ تربش ولاتربش

واشوف الارض قدم العين بالازهار مفروشة

حماس مزهّب البندق حماس يغيب ويوشوش

وحنا اللي ذبحنا التركي الاحمر وطربوشه

حماس والله مدري عن وقت تواجدك لكن يشرفنا تواصلك وتواصل الشعراء في القسم

	المشاركة الأصلية كتبت بواسطة شباب

	هلا يامرحبا ترحيبة ٍ تربش ولاتربش واشوف الارض قدم العين بالازهار مفروشة حماس مزهّب البندق حماس يغيب ويوشوش وحنا اللي ذبحنا التركي الاحمر وطربوشه

يدوم الك البقا يا اللي كما ريح الصبا منعش
يطير الطير ويوقع ما دام الارض مرشوشة

ترى اللي حشّ شبّاب -العصر- لا بد ما ينحشّ
معك علم وخبر والا تدشّ أبواب مدشوشة ؟

عسى ربي يبارك فيك وانته مالفيت ب غش

وبعض الناس لما رحت قام يقلّب رموشه

ترى طير السما من مخلبه ياصاحبي يبطش

وانا لو الزم المذكور ابى اشده من الشوشة

شباب ترى حاولت أرد على رسالتك اللي في الخاص لكن صندوق الرسائل عندك ممتلئ

المهم ما حصل الا خير وتراك أبيض وجه

خلاص حذفت الرسايل ومشكور

صح ــآلله ألسنتكــــم وـآصلوـآ موفقيــن ../ متـأآبع ،

	المشاركة الأصلية كتبت بواسطة شباب

	عسى ربي يبارك فيك وانته مالفيت ب غش وبعض الناس لما رحت قام يقلّب رموشه ترى طير السما من مخلبه ياصاحبي يبطش وانا لو الزم المذكور ابى اجرجره بالشوشة

يقول الاكلبي ما دام تمشي في سنعها مَشّ
يبى يشقى ويلقى ما لقي فرعون وجيوشه

معا بنت الهوى لونين لو ما شافها الاطمش
كحلنا عينها وتغطـرست والكف منقوشة

صحت السنتكم جميع

صحت أبدانكم يا فهد ويا مشعل

اظن الاكلبي طاحت سنونه صار عظمه هش
لكن فرعون في مصر العزيزة بادت عروشه


ترى حنا كماكم فوقها بالصارم المدهش
لكن انشد وتلقى اللي وقف في ساعة الهوشة



فهد ومشعل حياكم الله

ترى بعض الورق يا صاحبي مغشوش ومخشخش
وبه قبـرين مدفـونة وبه قبـرين منبـوشة

ليا منك هبطت السوق خلّ السوم في المشمش
عسى يعطيك راعي الورد من ورده ومن دوشه

الله الله

شباب وحماس

صحت الالسن والقلوب

متاابع للابداع ,,

صح بدنك يا بن مغبش

وترى نبغى نلعب انا وانته بس بكرة إن أمداك

مرحبا ياحماااس ياخي الاتصال عندي مااااش

شوفني اعيد المشاركات احسبها ماوصلت كل شوي يفصل

اتشرف والله بالعب معك في اي وقت ياغااالي ,,