مقامات

[حسآم]

لاوالله إلا قلبك اللي صار يشبه للجماد

ماهو مكلف بالخلايق كل ّ شي وله حدود

لالا تحاول من بعد ماقدّر الخالق بعاد

جاملتك وصدّقت نفسك والسبب هاك العهود

صحصح لعلمي والجواب امسطرّه دمعي مداد

بحروف لا من قلتها دكت جلاميد الحيود

طير ٍ ليا منه تعلى يطرح اصقور الهداد

واليا وقع ماكنه الا الرعب فكبود اليهود

وإن كان تبغى الصدق ملينا مراكيض الجياد

بالله قلي وش حصيل اللي تبيّح في السدود

ماجيت ألومك والنتايج مابها صدق وحياد

الخط ّ متقرّر وقسمك جاك من بين الوفود

وأنت تتّمم خدعة المسرح وتحسبها جهاد

ماكنك إلا قايد الجبهة وجمهورك جنود

منت َ كفو للبيرق وليتك تبيعه فالمزاد

والا عساه يكفن اضلوعك ليا زرت اللحود

عُمر المنافق ماضوى بالفوز خذ علم ٍ وكاد

ياما أخسر اللي باع دينه بالدراهم والنقود

وإلا عميلك عاقل ومسلم بمنهج واعتقاد

ماهمته دنيا الفنا ويصارع الظلم بصمود

والمرقب الله ماقصدت التزكية قبل الحصاد

الحكم حكم الله جعله مايشمّت بك حسود

لكن وداع وتوب للي يبعث أجساد العباد

اللي جميع الكون يخضع له ويُذعن فالسجود





5/12 /1429





لا إله إلا الله وحده لاشريك له

له الملك وله الحمد وهو على كل شيء ٍ قدير

ومالنصر والعزة إلا من عند الله العزيز الحكيم

وماتوفيقي إلا بالله العلي العظيم

عليه توكلت وإليه أنيب وعلى الله فليتوكل المتوكلون

والله ولي المؤمنين نعم المولى ونعم النصير

وعلى المشرف عماد العبيدي التثببيت وماعليه إلا البلاغ المبين .