( دكتور المعنى ) محمد المسعودي وسلطان المنصوري " على مهلك وحنا اللي نعقد الحبل ونحله "

سلطان المنصوري:




هلا يامرحبـا فـي محفـل جمـع كبـار النـاس
على بن اليمـن والعـود الآزرق والوفـا كلـه
والا ياشاعر الهذلان قوم وطق راس براس
بعد جيت الطبيب اللـي يعـرف دواك والعلـه



محمد المسعودي:



يـدوم الـك البقـا ياوافـي الـمـده كــذا لابــاس
انــا ماجـيـت غـــار ادور الفـنـجـال والـدلــه
ترى الدنيا بخير ووضعها يا صاحبي حساس
علـى مهلـك وحنـا اللـي نعقـد الحبـل ونحـلـه



سلطان:



ثمان سنين واهل الشام مابين الرجا والياس
يبون التين مـار التيـن مـن دونـه عبـاد الله
سمعنا بالمطر وارسلت له من يمنـا عسـاس
واثـر ذاك المطـر دوبـه يـرش القـاع ويبلـه



محمد:



على مهلك يالين اشبك سلوك الكهربه والماس
ليـا مـنـا شبكـنـا الكهـربـه والـمـاس بـسـم الله
تحملـنـا ودسيـنـا وصــارت مـالـهـا مـدســاس
ولا عــاد انتحـمـل تلـحـق الـزلـه ورى الـزلـه



سلطان:



كثير من البنوك اليوم تشكي الفقر والافلاس
وكـل المشكلـه مـن وقــت لا ديــنٍ ولا مـلـه
تحملتوا وطحتـوا فـي بحـور كبـار ماتنقـاس
ولا باقـي عــلاك الا تـشـق الـثـوب وتشـلـه



محمد:



تبون المرجله عندي ذهب صافي بدون نحاس
وهاتـوا سلمكـم لـو ياقـف الـرجـال فــي ظـلـه
انا مومن ومتوكـل علـى الله مامعـي وسـواس
ليـا مـنـي نـويـت احـتـل دار اغـزيـه واحتـلـه



سلطان:



ترى ماعاد ينفعكم بدال اللباس لباس
ولا والله نلومك لو تلم الدمـع وتهلـه


للأمانه منقول من منتديات الشاعر محمد المسعودي

( شبكة عذب القصيد الأدبية )