( دكتور المعنى ) محمد المسعودي وملفي المورقي " ماهمنـي شــوك الهشيـمـه والخـشـب "

السلام عليكم ورحمة الله وبركاته

محاورة جميلة جرت بين ( دكتور المعنى ) الشاعر محمد المسعودي و الشاعر ملفي المورقي

::
ملفي المورقي:




سلام تسليمٍ كما صرف الذهـب
اللي بـه العالـم تبيـع وتشتـري
فالليلـه اللـي غـايـبٍ شيطانـهـا
واللي عقد روس الحبال يحلهـا
نبغى نشب النار ونزيد الحطب
هذا الهذيلي عندنا وش نحتري
.......................
واللي عقد روس الحبال يحلهـا



محمد المسعودي:



يــا مرحـبـا بـالـلـي يـغـلـق فالـطـلـب
يـدري عــن القـصـه وكـنـه مــادري
ويـن البيـوت الـلـي بـنـت سيسانـهـا
والـلـي عـقـد روس الحـبـال يحـلـهـا
ماانته غضيب من اين جايلك الغضب
اقولـهـا وانـــا مـــن ذنـوبــك بـــري
كــــل الـطـيــور تـقـلّـهـا جـنـحـانـهـا
والـلـي عـقـد روس الحـبـال يحـلـهـا



ملفي:



من لارفـع يمنـاه مـاذاق الشبـب
خلـك سـواة القـوم عـزام جـري
راع اللـوازم مايصـيـر وزانـهـا
واللي عقد روس الحبـال يحلهـا
اليا شمر ثوبك ليـا فـرع الركـب
ماانته بشيخٍ ضربته تفري فري
شيـخ يعـن الخيـل فـي ميدانـهـا
واللي عقد روس الحبـال يحلهـا



محمد:



أحدٍ قرى يا صاحبي وأحد كتـب
ماانتـه بسـاري ليلـةٍ ماتنسـري
عان الذبيحه بعـد أكلـت لسانهـا
واللي عقد روس الحبال يحلهـا
لو ترتفع لحيتك وتنوش الشنب
الآمـر نافـذ نفّـذه يـا عسـكـري
واليا غويـت القـوم قلنـا عانهـا
واللي عقد روس الحبال يحلهـا



ملفي:



حنا عرب نمشي علـى سلـم العـرب
اسمـع عـلـوم قلتـهـا مــن خـاطـري
وهذيـل معهـا عـلـم عــن ضيفانـهـا
واللـي عـقـد روس الحـبـال يحلـهـا
عز الله إنك طحت في غصن النشب
وأنا احسب إنـك يـا محمـد عبقـري
اتــرك عتيـبـه لا تـعــرض شـانـهـا
واللـي عـقـد روس الحـبـال يحلـهـا



محمد:



المـوت حـق وكـل مــوت لــه سـبـب
ياالمـورقـي ياالعـازمـي يـــاالآزوري
شـرهــة رعيـتـهـا عـلــى رعيـانـهـا
والـلـي عـقـد روس الحـبـال يحـلـهـا
ماهمنـي شــوك الهشيـمـه والخـشـب
اللي مشى الطرقه على الطرقه ضري
والــــدار نـعـرفـهـا قــبــل سـكـانـهـا
والـلـي عـقـد روس الحـبـال يحـلـهـا



ملفي:



المـوت حـق وموتـك الليلـه وجـب
ياالشاعر اللي من يميني لاايسري
تـرى الـسـواري جـاهـز نيشانـهـا
واللـي عقـد روس الحبـال يحلـهـا

للأمانه منقول من منتديات الشاعر محمد المسعودي ( منتديات عذب القصيد الأدبيه )