" الحرار ترف وسط السماء جنحانها " ( دكتور المعنى ) محمد المسعودي ومصلح بن عياد

السلام عليكم ورحمة الله وبركاته

في أول محاورة له بعد انقطاع طويل عن ساحات المحاورات التقى الشاعر العلم محمد بن حامد المسعودي مع الشاعر الكبير مصلح بن عياد وقد كانت محاورة رائعة بكل المقاييس/


محمد المسعودي:



مرحبا ترحيبة مايشق الها غبـار *** الوفا والصدق والمعرفه ميزانهـا

ودنـا بالعلـم فالليـل قـدام النـهـار *** الجزيره نصرها من نصر سكانها





مصلح بن عياد



البقا ياأهل الكرم والشهامه والوقـار *** حـلــة الآجـــواد ماتنـقـفـل بيـبـانـهـا

انت ودك تأكد الحجز والحجز انتظار *** والرسالـه مااتضحنـا علـى عنوانهـا





محمد:



فيـه عفـو ومغفـره فيـه جنـه فيـه نـار *** وانت في شانك وباق العرب في شانها

الحقيـقـه واضـحـه مايغطيـهـا الـغـبـار *** وإن جهلـتـوا سالفتـهـا نقـلـك عـانـهـا





مصلح:



يامحمد كان تبغـى الحقيقـه باختصـار *** اعـتـدل ميزانـهـا واصطـغـى ميزانـهـا

كان عينك يااحمر العين ماتقدح شرار *** ضاعـت الحبـه وغريـت مـن نيشانهـا






محمد:



الهـدف ماعنـه زلـه يميـن ولا يـسـار *** حـاضـر رحمانـهـا غـايـب شيطانـهـا

انت وش موقفك بين الجماهير الكبار *** سـاعـة نــار الفتـايـل قـبـس دخانـهـا





مصلح:



انت عندك موهبه مار قافيك اختبار *** لا تقـول الهرجـه الا علـى برهانهـا

الكبار من الدعـاوي نخليهـا صغـار *** ماعلينـا مـن لظاهـا ومــن ظيانـهـا




محمد:



انت ودك تعكس الوضع وتجيب اعتذار *** مـن كبـر حبـك لابوهـا تحـب اخوانـهـا

ادري انك حر تضـرب بمخـلاب الحـرار *** والحـرار تـرف وسـط السمـا جنحانهـا




مصلح:



انت ودك تلحق الصقر مير الصقر طار *** فــي جناحيـنـك ثقـالـه وحـظـك خانـهـا

قـدّم الدعـوه وانـا اعطيـك رد الإعتبـار *** واقصـر الدعـوه واريحـك مــن ديّانـهـا





محمد:



يمهَل المخلوق والموت قصّاف العمار *** كـم نفـس تنتـهـي لا وقــف شريانـهـا

احد يحذف بالحجر واحد يلعب بالقمار *** وانــت مــرات وراهــا ومــرّ اوزانـهـا




مصلح:



اعتـبـرهـا جـايــزه كـــان قلـنـالـك قـــرار *** السفـيـنـه جـتــك سـلــم عــلــى ربـانـهــا

العن الشيطان واحرص على رمي الجمار *** لا تــروح مـــع الـجـنـن يـزيــد اجنـانـهـا

للامانه منقول منتديات الشاعر محمد بن حامد المسعودي

( منتديات عذب القصيد الادبية )