مجارات الشاعر الكبير / عبيدالله المجيريشي

ياجاهل الدنيا تعلم واجتهد والعلم نور=واللي يقول العلم يحي قوم ماتواماكذب
الطلقه اللي فاسده تطق فيها ماتثور=والطلقه الحيه لياطقيتها شبت لهب
ولا يحل الكايدات الا وسيعين الصدور=ولايضيع ورث ابوه يكود مشكوك النسب
ولا يغرك من يسوق المال في حب الظهور=يغنيك عن قنطارمن فضه وقيه من ذهب
من يجمع الواح الخشب ويحطها للبيت سور=لاوالله الامالقى من جمعها غير التعب
لوكان تنفع مارموها اهل المباني والقصور=ياكثرها عند الهنود اللي يلمون الخشب
ياغلطة الوزان يوم اخطى بميزان الامور=حط الذنب عنوه مكان الراس والراس الذنب
يمناه يقصرها وهي خطلاولافيها كسور=الأكل باليسرى ذميم وكسر بسلوم العرب
مادام شاف الفرق مابين الاناثي والذكور=بيض العمايم والعقل مافصلوها للركب
مافصلوها الا لروس ارجال يحمون الثغور=اللي بقدره يشهرون السيف عند اطلق شنب
والا الضعوف يحطهم عند التباسي والقدور=واحد يشب النار والثاني يجيب له الحطب
وانكان يبغاهم عماله لاقدوع ولا فطور=والله لاقول انه نقرك الطير يامشمش حلب
واكبر دليل السائبه عند البدو علة نحور=اشد مافيها سقم واقل مافيها جرب
مادام اهلها سيبوها للسباع وللطيور=مافيه ترك ابدون عيب ولاش موت ابلا سبب
والميته تلقى خبرها عند حفار القبور= والسيروالمخراز عند اللي يسون القرب
وانا على شان السبب طرقت بحر من البحور=واظهرت من قاع البحور اللي عن الناس انحجب
بغيت اسميهم وذكر الاسم شيء من الغرور=الشعر ادب وانا تركت الاسم من باب الادب
انا تعلمت الكثير من الزمن والعلم نور=واللي يقول العلم يحي قوم ماتواماكذب



هذه المجاره ...



العلـــــم نــــــور المســـلم اللي لا يلــــف ولا يـــــدور = يثمـــر مثل ماتثمـــر النخـــلة بحبـــــات الـــــــــرطب
والجيـــــده في الســــوق لوطـــول مداهـــــا ماتبــــور = في ســــوقها متميزه عن غــــــيرها عند الطـــــــلـب
والوقت هذا يكشــــف إعيال البطون من الظهور = واهل النسب والمذهب المعروف ماتصبح صـــلب
واللـــــــي بــــــلاه الله بمتكـــــبر ومختـــل الشعـــــــور = يصــــد من رفعة مقـــــــامه فـــــوق ودراية نشـــــب
واللـــــي يحــــط من الغشامة فالخــلا نقطة عبــــور = سوات من كب ارمضان وصام في جماد ورجب
هــذي مصيبـــه لو عنه يدرون ضبـاط المـــــــرور = يحـــــاكمـــونه في الشــــؤون العســــكريه للــــــــرتب
والطبخـــه اللـــي قدرهــا من صبح فواره يفــــــور = ماركبـــوها اهل الكرم والجود واصحــاب الشبب
ماركبوهـــا غــير نـــــاس اهـــل الظلاله والفجــــور = صمــــاط لاتسمــــــن ولاتغني ولا تطــرب طـــــرب
والسيـف مايعطى لغـــير الظفر واطوال الشبــــــور = تفـــــــرح نهـــار الفـــرح وتعاتبـــــك في يوم العـــــــتب
والشــور مايطرح بعصمة خبــل مايعرف يشـــــــور = شـــــوره خســـاره للجميـــع وحجته مع من غــلب
والمشـــلح الضافي يضف الشيخ قــدام الحضــــــور = والمشـــلح المشقـــوق مــــــاينســام لو كلــــــه قـصب
سبحان معطيك السعة في الضيق يالقلب الصبور = سبحــــــان معطيــك التحمـــل والثقة يوم الكـــــرب
والثعلب المــــكار بالحيـــله له اسنيـــــن وشهــــــور = عينه على غصـــن العنب لكن حامض ياعـــــنب
يامخبـــل البومــه وهي تنظر على وكر الصقـــــــــور = تبغى الصقر ينزل وهي تسكن مكانه في الحـــدب
والشعـــر ورثه للعــــــرب تبقى على مر العصـــــور = اعنـــــــايته منـــا وجوب ومبلغـــــه عنـــــا وجــــب
حجه على الظالم وسيفٍ يشبه السيف البتــــــور = يروح برســـــالة رخــــى ويـروح برســــالة غـــضب
(هـــذي رموز الشعر من جلـــد الذآبة والنمــــــور = جلبـــــــابةٌ في الـــــــبرد والجـــــو الأثــــــير المنقــلب)
( يامــــن تعلمت القرايــة والكتابــــة في السطــــــور = العــــــــلم نخـــــلٌ مثمـــر يثمـــر بحبــــات الرطـــب)