محاورة عبيدالله المجيريشي+جمعان المجيريشي منقوله

عبيدالله



يـاسلام الله سلاما مسـتديم=سنة الاسلام والناس الخيار



العظائم مالهـا غـير العظـيم=والكبار اتهون في عيون الكبار


جمعان
مرحبا اعداد ماهب النسيم = بالرجال اللي لها قدر ووقار
من يخاطب دوم بالعقل السليم = ماتغير من قراراته قرار



عبيدالله
انت لوشبيت نارك في الهشيم=شفت قدامك صخور اتشب نار
ليش تبهل ديس ريمه ياغشيم= يوم انا صررت ديس ام الحوار

جمعان
ضربتي لوجات تاقع في الصميم = ماتحول لايمين ولايسار
انت خبرك ياعبيدالله قديم = الزمن خلف على الماضي غبار



عبيدالله
كنت تصنع شيء في الليل البهيم= والعشيه جيت وانزاح الستار
الاراضي والسماء صارت جحيم=ماتعشيك البلاجيك القصار


جمعان
كان طعت ابشورك ابليس الرجيم = سقت روحك يم حبل الانتحار
الزعامه دوم تنسب للزعيم = لاتكابر ثم يشتد الحصار


عبيدالله
اليد اللي خفت منها يافهيم=ناشبه مابين حلقك والزرار
مثل نون ومثل سين ومثل جيم=كنها تمشي على سكة قطار



جمعان
الله الله قمت تنفخ يا شريم = لا يضيق الصدر ويصير انفجار
الحكم لو قالها الرجل الحكيم = ليت تاخذها بعين الاعتبار

عبيدالله
المهابه والوقاره للحليم=والكواكب كل كوكب له مدار
المسافر قال له واحد مقيم=لاتسافر غير في ضو النهار



جمعان
لاغرابه حزن في عين اليتيم = ضعف شخصيه وحيره وانكسار
ما يفيد الطب في القلب السقيم = وانت شايف فيه ساعات احتضار


عبيدالله
الشعوب اللي سماها فيه غيم=والنظام الاقتصادي في انهيار
بعد صاح الفقر بالكف العديم=ثم حاط بمعصمه مثل السوار


جمعان
يوم هديت المسمى بالصريم = الحباري جات بكفوف الحرار
عايشا من فضل ربي في نعيم = نبذه نوهت عنها باختصار


عبيدالله
الخضار احيا بساتين القصيم=والرمادي لابياض ولا سمار
لو تمشي في الطريق المستقيم=كنت جار وتحفظ احقوق الجوار



والختام عندك يا ابو رمزي



جمعان
الصداقه دوم للشخص الحميم = كيف ننسبها على ناس شرار
الكرم والجود من طبع الكريم = والبخيل الممحلات من الديار