مرحوم بإذن الله يا قطعة التوت ..

أنا متِمَيِّز بين الأصحاب بـ سكوت

يطرح معاني ما نطقها كلامي


يقرِّب اللي مبعده عنِّي الموت

وعيني تشوفه كنه جالس أمامي


وكاس الوداع اللي على الوصل مكتوت

حر الوصل خلاه شبه انعدامي


وإن كنت أعاني من الأمل يومه يموت

اليوم أودع ياس حطم عظامي


أظن أنا وَهْمِي معه صار تابوت

وأصبحت أسعد حين جمّع حطامي


مرحوم بإذن الله يا قطعة التوت

يا نايف اللي زرتني في منامي


يا نايف .. الجايع واذا ما لقى القوت

ياخذ من أحلامه لبطنه حزامي


لكن كرم الاحلام في حزة الفوت

يرضخ لشح الواقع الإنهزامي


أصحى على هجرة لقا صار مسلوت

من عالم الحيين سلت الغمامي


وأبكي جفاف الحظ وآعود مكبوت

وأحن لك وإن جيت أناديك ضامي


يذبل كلامي بعد ما ينبت الصوت

سِبّة دموعي اللي سقت لي كلامي



,

,

,



بقلمي


الشيناني