إحدى روائع وقمم الشاعر ذيب المطرفي وصالح بن دخيل الله

لا يخفى على الجميع شاعرنا ذيب بن مطلق المطرفي وهذه قصيدة لها مناسبه
وقصه ان الشاعر صالح بن دخيل الله طلب من ذيب ان يذهب للطيور القرانيس وان تكون على اهب الاستعداد للمقناص ...
ذهب ذيب للطيور ورأى أحد الطيور قد ضاق به المكان ونزع برقعه وأخذ يحاول فك السبوق من رجليه فلما رآه ذيب هاضت قريحته وكأن هذا الطير ينتخي بذيب
يقول ذيب :
ويلي عن اللي من الحسره يجر الحرير ......... كبت البراقع معقب في عيونه غشاو
يبى الحياة الطليقه فالهوا والمطير ........ ممساه فالنايفه والصبح روس العداو
أخير من وكره اللي مثل خف البعير ...... والسبق والمربط اللي بين رجليه لاو
يامرحبا يالمثندا يالعريض الكبير ....... أزعل لربطك وأنا قلبي لخوتك ناو
مانيب زعلان من كلفك طويل القصير ..... وإن شان وجهك نحرت البيطري قلت داو
وأصدرك فالمجالس والمحل الصدير ......كنك عقيد لبست أغلى بشوت الحساو
أوعدك بكره لياشفنا الخيال الصفير ......وسالت دعوب المخامر والذيب عاو
يوم أم سالم على صوتها تستدير .......يطرب لها اللي لها عاشق ومغرم وهاو
في جو وادي يشوق بانقطاع النظير ....فيها الصعاليك ماقلد كبار الغناو
مع درب وسمي يهل الغيث وبله نذير ....يوم الكما والزبيدي عنه طار الغطاو
والصيد نفحات طيب لو قليله كثير .... والطير طيب وصامل في هداده وطاو
سجه تحطم جدار الاكتآب المرير ...... يسبح على موجها فتره لحاظر وراو
وكم واحد آخره قبله طريح السرير.....سارت بدمه وفارقها عليها شفاو

سمع الشا عر صالح بن دخيل الله القصيده ورد عليها إرتجالا في حينها ولكن لم استطيع حفظها كامله
يقول الشاعر صالح بن دخيل الله :

هيض عليه وهيضني وهاض الضمير .... قاف سمعته وجاوبته بقاف على آو
حرك هجوسي ودورها وراحت جرير ....وطق باب الظماير لين قالت اقراو
من شاعر وصف بيته غير والناس غير ....كنك تفرج على وصفه بشاشة قناو
أطرا علينا ليا جن السحايب عجير ..... وتزبرت فالفضا ماعاد فيها فضاو
وهلت وعلت وقام السيل يهدر هدير .....وقام يتطامم مع الرقه لزبده غثاو
الى ان قال :
وجا للنشاما على سرد المواتر مسير ... من فوق شهب الجيوب اللي تشق الغباو
مع محرزات العشاء لاشان وجه البشير ... هي المعازيب فالبيدا وهاك الحراو
سطوة حرار لها وسط الخضيرا عكير .....لا شهلت للهداد وصار فيها عصاو
وان عارضوا من زعاجيل الحباري شرير ...متزبنات المذاري في خشوم النزاو
تقلطوا من صواريم القرانيس طير ..... الاشقر اللي على الهده سريع النداو
الافدع الشامخ المتمشلح المستدير ....الازور المنكب اللي في كفوفه قساو
وعيون سود ملبا مثل عين النذير ....اللي سمع زهمة البندق وحس الحداو
وكن المناسر سيوف عاقبنه شطير ... من مقطع الكتف وحدر من الذنيبا وزاو
هجر كراعه مثل راس القلم مستدير ..... مرسول ضافي ريشه لحجله ضفاو
اليا فرد مخلبه حرف من الراء صغير ....واليا كمش مخلبه تقول بالعكس واو
الصارم الصاطي اللي في هداده خبير ... وان حقق الطلع يشعى الجول عطب الاهاو
ومن بعد طاح العشا ردو الراي الشوير ...قال المعشى نباه يم هاك النزاو

الى ان قال في ختامها :
وجات السوالف بين النشاما مسير ....في جلسة تنقش عن الكبد مر الشقاو
اليا انحرمها الغني كنه حساب الفقير ...والفقر قل العزيمه والوفا والسطاو

وسلامتكم ..
وارجوا من الاخوان البحث عن القصيدتين ونشرها كامله ...
وحرصت عليها لحبي لشعراء هذيل .

تعديل الكلمه
هجر كراعه مثل راس القلم مستدير ..... مسرول ضافي ريشه لحجله ضفاو

أولا بارك الله فيك

أخوي نواف المطرفي

ومن الواضح قربك من الأخوان الشاعرين صالح بن دخيل الله المطرفي

وذيب بن مطلق المطرفي

يا ليت ما تبخل علينا بإبداعتاهم الله يسلمك

لن أبخل ولكن هم بالحجاز وانا في الرياض تحديدا ..ونادرا مانتقابل في المناسبات الكبيره
ولكن شعراء هذيل عموما ندورهم ونبحث عنهم بالمنقاش

الله يعطيك العافية اخي نواف

وصح الله لسان الشاعرين

مشكوروماقصرت

شكرا لجميع من تفاعلوا وشاركو في الموضوع والله لايحرمنا تواصلكم