هذه من روائع المحاورات بين الشاعر صياف الحربي والشاعر محمد المسعودي - ::{ مجالس قبيلة هذيل }:: موقع يهتم بتراث القبيلة ومفاخرها

07-19-2007, 07:12 PM

[align=center]

هذه من روائع المحاورات بين الشاعر صياف الحربي والشاعر محمد المسعودي

صــيـــاف الــحــربــي

رحبوا رحبوا بضيوفكـم ياهذيـل =البيـوت الكـرام تفـك بيبانـهـا
لا تقوم القيامه قبل وقـت ارحيـل =ليله نصوم ونصلي عـى شانهـا

مـحــمــد الـمـسـعــودي
:
نعرف اليوم يوم ونعرف اليل ليل =ماتقـوم البيـوت الا بعمدانـهـا
والله انك عميلي ماش غيرك عميل =راح حصنيها ويجيـك سرحانهـا

صــيـــاف الـحــربــي :

بعد بكره تبا تشتال حمـلٍ ثقيـل =أسمع السالفـه واجيـب برهانهـا
كيف اعاملك وانته ماترد الجميـل =وان ذبحت الذبيحه تاكـل لسانهـا

مـحــمــد الـمـسـعــودي :

الوكيل الله المعبـود منتـه وكيـل =ألزمك بالطلب واهل الطلب عانهـا
والفعل يذكرونه جيل من بعد جيل =والامانـه سليـم العقـل ماخانهـا

صــيـــاف الـحــربــي :

بايعين البضايـع ماعليهـم كفيـل =ياخذون الثمن وهيه فـي دكانهـا
وانت مريتنا طرقي وعابر سبيـل =وان بدا راسها ماشفـت كرعانهـا

مـحــمــد الـمـسـعــودي :

دلة الهيل تسبـق دلـة الزنجبيـل =نارهـا والعـه ماعـج دخانـهـا
وانت تدري وتعلم ماخلق المستحيل =نترك هزالهـا ونذكـي سمانهـا

صــيـــاف الـحــربــي :

جعل طيراً طلع راس الشفى مايميل =لين كل الطيور تكف جنحـا نهـا
وش بقى لك بعد ولعت راس الفتيل =مابقـى غيـر حبتهـا ونيشانهـا

مـحــمــد الـمـسـعــودي :

عزوتي يحتمون ويسلمون الدخيـل =معركه حاميـه وهذيـل فرسانهـا
ودي ان الرعد والبرق يقفاه سيـل =تشرب الشجره اللي يبست اغصانها

صــيـــاف الـحــربــي :

كان صادق على ماقلت هات الدليل =من يخاوي هذيل يغنـي الحانهـا
وانت مدري تبى شقران والا شعيل =كلهـا زمـل توعدنـي بنيبانهـا

مـحــمــد الـمـسـعــودي :

طول الله شليلك ياطويـل الشليـل =اخوة المسلميـن تسانـد اخوانهـا
نجمك الجدي وألا سعد وألا سهيـل =عيش في كٍونها واخضع لديوانهـا

&&&&&&&
انتهت المحاوره،،،،[/align]

07-19-2007, 10:08 PM

السلام عليكم ورحمة الله وبركاته.
الأخ الشاعر سامي.
إختيار رائع من شاعر رائع لشعراء رائعين بكل معنى الكلمة رحمك الله ياصياف وأطال بعمرك يامسعودي..

الله يبيض وجهك...

تحياتي وننتظر جديدك..

07-19-2007, 10:41 PM

الأخ سامي الهذلي

أشكرك على التحفة الفنية

ورحم الله صياف الحربي

وأمد الله في عمر شاعرنا محمد المسعودي

الحقيقة شعر المحاورة واحد من أجمل ألوان الشعر وأقواها

وللآسف نجد اليوم من يستغله في أمور عفا عليها الزمن

نسأل الله أن يعيد المتعقلون من شعراء هذا اللون البقية إلى صوابهم

لتعود المتعة من جديد إلى هذا الفن

تقبل تحياتي

07-20-2007, 01:29 PM

بيض الله وجهك يا سامي
محاورة عمالقة و اللي جابها عملاق
رحم الله صياف
و أمد الله عمر محمد بالصحة و العافية

07-20-2007, 02:00 PM

شكراً اخوي سامي

على هالمحاورة الرائعة

رحم الله صياف

واطال عمر محمد

اللي اعتبره من فطاحلة شعراء المحاورة

07-20-2007, 02:32 PM

محاورة رائعة و مشكور ياسامي على النقل الرائع
تقبل تحياتي ومروري وشكرا

07-20-2007, 03:35 PM

07-21-2007, 08:25 PM

[align=center]

اشكر الأعضاء و المشرفين وهــــم،،،

مشعل الهذلي هشام الهذلي سلطان الندوي

اللحياني الهذلي قناص الساحل ابو خالد الهذلي

قناص الساحل

على مرورهم الرائع والمميز

واشكرهم ايضا على اهتمامهم بفن المحاوره

واتمنى تواصلهم وانتظرو من المزيد أن شأالله

تحياتي سـامي الهذلي[/align]

07-21-2007, 10:09 PM

اخي الشاعر سامي الهذلي
السلام عليكم ورحمة الله وبركاته

تقبل جزيل شكري وتقديري على هذا النقل الرائع عن شعراء فطاحلة ومن فحول
الشعر بالجزيرة العربية رحم الله المتوفى وامد في عمر الحي
حقيقة محاورة رائعة وفيها تجسيد تام للنقض والفتل بين الشاعرين

تقبل تحياتي ،،،

اخوك
العقيد