قال أبو محمد(رائعة للشاعر عمران الكبكبي )رحمه الله

[poem=font="Arail,5,#4169e1,bold,normal" bkcolor="" bkimage="backgrounds/3.gif" border="double,1,#f2b7f0" type=0 line=0 align=center use=sp num="0,"]



قال أبو محمد تهيض ثم رد =يبدع القيفان واللحن الجميل
يامحمد بنصحك واسمع بجد=وانتبه تاخذ بدل قولي بديل
يامحمد وان نصحتك لاتصد=والنصيحة لك في ممشاها دليل
أوفي بالميعاد لا أعطيت الوعد=وانتبه واحذر تواعدلك هبيل
وإن مشيت في درب لا يخلفك أحد=وخذ سيفك معك في الدرب الطويل
ثم من ناداك باسمك واستند=لا توخر عنه لو دمك يسيل
كيف ماتفزع لمحروق الكبد=وان عزابك قال أنا جايك دخيل
وصدر المجلس ولايسبقك أحد=وانتبه تجلس في مجلاس هزيل
ثم لي صدرت سولف وانتشد=واحسن الكلمات عن قول وقيل
وان طرى في البال مزموم النهد=صافي الوجنات أبو الطرف الكحيل
لوكثر مهره تكلف واستعد=ثم عن زين الطبائع لاتحيل
وانته أخوانك يحلون العقد= واللي له أخوان ما يمشي ذليل
ماجد أكبر منك وأصغركم فهد=كلكم شجعان وان حل الرحيل
واكرم الضيفان يازبن السعد=وان عطا الله منك لا تعطي القليل
ثم صون الجار عن علم النقد=وادمح الزلات بالبال الطويل
وإن جفاك الدارشد من البلد=وإن جفاك الخل دور لك خليل
واحفظ القرآن (قل هوالله أحد)=وانتبه تقطع على الطيب سبيل
يوم ماينفعك مال ولاولد=واطلب الله وإن عطا ماهو بخيل
وصلاة ربي عد براق ورعد=على نبي الله أبو الوجه الجميل[/poem]