مجالسي رائع للشاعر(عمران بن مخضر الكبكبي)رحمه الله

[poem=font="Arial,5,#000000,bold,normal" bkcolor="" bkimage="backgrounds/6.gif" border="double,4,#000000" type=2 line=1 align=center use=ex num="0,"]
مجالسي رائع لشاعر عمران قالها في ولده فهد حينما كان صغيراً وهو الان يعمل ممرضا في مركز صحي الكر بمكة المكرمة

من هاجس لي قال وابدى كلامه =يصحى الفتى لو كان في احلى منامه
وأنا عن الزله معفف مقامه =لانه يطاوعني على كيف مابغيه
الا يافهد بانصحك واسمع وصاتي=واسمع كلامي واحفظه ياغناتي
ترى عمود الدين فرض الصلاتي=والخايب اللي فرضها مايصليه
ثم انتبه تسمع كلام الموشين =اللي تشب النار ما بين الاثنين
واعرف مكانك زين بين المتاقين=اللي خوي الجنب ما تندرق فيه
وجُود عمود البيت وارفع في جاله=وعن سموم القيض جود ظلاله
طيب الولد يقولون من طيب خاله=هذا المثل قبلي السديري حكى فيه
واليا نصاك الضيف واجبك تنصاه=وتقلطه في الحله اللي لها جاه
وتناوله فنجان من راس مصفاه=وبعدها من افخر الضان عشيه
ثم انتبه تاخذ كلامه وتعجل =هو اللي يبادرك السوالف ويسال
وعيباه ان طول في مجلسك تزعل=الضيف لو يلقى تحية تجزيه
المال صونه لا توليه الأنذال=وارفع مقامك عن رديين الافعال
والجار لاتنساه دايم على البال=واللي كماك يعز جاره ويغليه
درب بلا مصلوح فيه العواجة=وحب بلا منفوع عيب وسماجة
والصاحب اللي صحبته وقت حاجة=هذا انتبه واحذر منه لا تخاويه
واخذ الوفا واعطه اذا جاك طلاب=ثم انتبه لي رحت في ديار الاجناب
تبدي لهم سنك ويبدون لك الناب=وترى غريب الدار محد يدانيه
دار ربت جدك تراها عذيه=وربعك ولو شنيوك فيهم حمية
رجل ترك ربعه علومه رديه=ولا عزب له دين ماهو مضويه
وشاور أكبر منك واصح يوهقك=وشاور اصغر منك وارجع لحكمتك
لاتشاور الحرمه تكبر مصيبتك=اشوارهن درب لابليس يمشيه
والسد لا تبديه خلك كتومي=واصحك تسمع في كلام الرخومي
ولاتترك الواجب في وقت اللزومي=خلك كما ضلع عسيره مباديه
وترى العلوم الطيبه مالها عد=واللي بليا ساس لابد ينهد
وانته كسبت الطيب جد بعد جد=واصحك تقلد من يغير مباديه
مالك ومال مغيرين المبادي=ياعزوتي ياغايتي يامرادي
يا شوف عيني يا مضنة فؤادي=لولاك ماغنيت شعري ولاابديه
احسب حسابك في جميع المواقيف =ولاتجلس الامع هل البن والكيف
وترى السوالف ردها بالسواليف=ولا بدالك علم حكم معانيه
وبواجب الاسلام من غير اوصيك=اللي قريته في كتابك يكفيك
ولا تخيب ظن محتاج ناصيك=من يقضي الحاجات رزقه يباريه
وختامها يالله تغفر خطانا =واجمع عددنا لا تسلط علانا
وصلاة ربي من بهديه هدانا=نبينا عدادفرض نصليه[/poem]

مجالسي جميل ننتظر المزيد من التميز

[المتغابي]

الـلـي قريـتـه فـــي كـتـابـك يكـفـيـك
ولا تخـيـب ظــن مـحـتـاج نـاصـيـك
مـن يقضـي الحاجـات رزقـه يباريـه
وخـتـامـهــا يالله تـغــفــر خـطــانــا
واجـمـع عـددنــا لا تـسـلـط عـلانــا
وصــلاة ربــي مــن بهـديـه هـدانــا
نـبـيــنــا عـــدادفـــرض نـصـلــيــه
اللهم صلي على نبينا محمد وعللى آله وصحبه وسلم شكرا اخوي على النصائح القيمه التي يحويها المجالسي ,

تقبل مروري

صح لسان شاعرنا عمران

مجالسيه رائعه فيها من الحكم الكثير

الله يبيض وجهك ياهذلي قديم

الأخوة الأعزاء /الفارس حزين الطلعة /الأخ المتغابي/الأخ ناصر الياسي
أشكركم على مروركم والى أن نلتقي في موضوع آخر

رحمة الله على الشاعر / عمران بن مخضر الكبكبي


وقصيدة رائعة


حكمة ونصيحة وتجربة


شكراً لك أخي


هذلي قديم