الباديه والبدو

[poem=font="arail,5,#000000,bold,normal" bkcolor="" bkimage="backgrounds/8.gif" border="solid,1,#f2b7f0" type=1 line=0 align=center use=sp num="0,"]
عشقت الباديه والبدو أنا في حــبهم مفتون=أهــل بيت الشعـر والـنار والـبـارود والـــدله
تربينا في جــو الباديه وأنــالها مـمـنـــــون=وتجري فيّ مجرى الدم يمشي في الجسدكله
هل الشيمه هل النخوه هل العادات والقانون=هــل الخـيل الاصـــايل محتمين الدار والحــله
هل الحشمه هــل المذهب وطبع غالي مزيون=تكـرّم ضيفــها والجـار ماحـــد يقــــدر يـذلــه
شيوخ عــــارفه والعرف منحه من إله الكون=ولن جــا عــلم مايصـعــب تديــر الفكرو تـحله
وصاحين مع الصاحي مجانين مـــع المجنون=تعـدّي زلـة الجــاهــل ودرب الـغانم تـــــدله
صقورأحرار والأحــرار في الشينات مايمشون=مـعــزين النفــوس وسالـمين الـنقص والخــله
وأنساب عـــزيزه غاليه فيها الشرف مصيون=وخـوف الله طبيعتهم عـلى ديـن وعـــلى مله
بوقت المعركه تلقى الرجال اللي لها يوفون=رجــالا ماتــهــاب الـمــوت لــوبيّن لهم ظـــله
ومسكين معــاديهم تصب بكـــبده الطاعون=يقاسي الويل والأهــوال حــتى دمـعـه يـهــله
أبقعد في حمى بدو لهم في الطيبات فنون=يــمــر الــعـام بــعــد العام ماتسمـع ولا زلــه[/poem]