محاورة عبيدالله العرابي مع الدكتور حمد العصيمي الداهيه!!!!!

عبيدالله العرابى

[poem=font="Simplified Arabic,5,,bold,normal" bkcolor="" bkimage="" border="none,1," type=2 line=0 align=center use=ex num="0,"]
ياالعصيمي سوقها والدرب مـع شبـه الجزيـزه=وإن دهمك النوم راس اللوم لايطـراك طـاري
مـر دار وزل دار وديــرةٍ تشـبـه لـديـره=والثقيـلـه بيـنـه والهيـنـه زاد الــذواري [/poem]

د.حمد العصيمى

[poem=font="Simplified Arabic,5,,bold,normal" bkcolor="" bkimage="" border="none,1," type=2 line=0 align=center use=ex num="0,"]
مـا ينـام الليـل سبـع الليـل والسكة خطيـره=وانت لا ناديتني تطري علـى البـال الطـواري
يـا عبيـد الله لقينـا الاوله مـثـل الاخـيـره=والثقيلـه بينـه والهينـه مـن حـظ غــاري [/poem]

عبيدالله العرابى

[poem=font="Simplified Arabic,5,,bold,normal" bkcolor="" bkimage="" border="none,1," type=2 line=0 align=center use=ex num="0,"]
الحساب اللـي مـن أول نتبعـه يابـن عميـره=إختلف مرزام شمسـه وآنـت حسّـابٍ قـراري
والحسودي لو كثر خيـره عيونـه عنـد غيـره=لونصحته بالقناعـه بالـردى والحسـد ضـاري [/poem]

د.حمدالعصيمى

[poem=font="Simplified Arabic,5,,bold,normal" bkcolor="" bkimage="" border="none,1," type=2 line=0 align=center use=ex num="0,"]
الشهـور تـدور ونجـوم الاهلـة مستـديـره=وانـت كاتبهـا وقاريهـا وانـا كاتـب وقـارى
يا عسى فا الامر خير وياعسى فا الامر خيـره=الحسد في وجه راع الحسد تبـدي لـه مـواري [/poem]

عبيدالله العرابى

[poem=font="Simplified Arabic,5,,bold,normal" bkcolor="" bkimage="" border="none,1," type=2 line=0 align=center use=ex num="0,"]
سامعٍ لي علـم رادي تـوّ ماوصـل الجزيـزه=القناه اللـي ليـا جاهـا خبـر قامـت تثـاري
قالوا الدكتور له شهريـن يشعـب فـي بعيـره==مرّ يطلع راس ضلع ومـرّ مع سهل البراري[/poem]

د.حمدالعصيمى

[poem=font="Simplified Arabic,5,,bold,normal" bkcolor="" bkimage="" border="none,1," type=2 line=0 align=center use=ex num="0,"]
الـروادي يـا العرابـي جابـت علـوم كثيـره=والاحاديث الصحيحـه بيـن مسلـم والبخـاري
العصيمي طول عمره من مغيـره فـي مغيـره=وانت تدري به وغيرك يا وسيـع العـرف داري [/poem]

عبيدالله العرابى

[poem=font="Simplified Arabic,5,,bold,normal" bkcolor="" bkimage="" border="none,1," type=2 line=0 align=center use=ex num="0,"]
خابر الدخان مايمـلا الفضـا مـن غيـر نيـره=والبضاعه جابهـا فـي سوقهـا بايـع وشـاري
يالعصيمـي كـل حبـه للـرحـاه المستـديـره=بعد مادرات رحاها مـن يجيـب لهـا مـواري [/poem]

د.حمدالعصيمى

[poem=font="Simplified Arabic,5,,bold,normal" bkcolor="" bkimage="" border="none,1," type=2 line=0 align=center use=ex num="0,"]
يا العرابي لا تسمـع كـل مـن دق لـك زيـره=شب نارك يـا عبيـد الله وانـا شبيـت نـاري
ماغدى لي فـا الرحـاه الدايـرة حبـة شعيـره=والمواري فا الحصون وفا الغصون وفا الشجاري [/poem]

عبيدالله العرابى

[poem=font="Simplified Arabic,5,,bold,normal" bkcolor="" bkimage="" border="none,1," type=2 line=0 align=center use=ex num="0,"]
ما أنت راع البنـدق اللـي لاحـزام ولاذخيـره=إقطع إلسان الملسـن وإكشـف الليـل الغـداري
خطوة الرجال في درب الشرف ماهـي بعيـره=وإن تعدى الحد لاجا الجد في حلوق الضـواري [/poem]

د.حمدالعصيمى

[poem=font="Simplified Arabic,5,,bold,normal" bkcolor="" bkimage="" border="none,1," type=2 line=0 align=center use=ex num="0,"]
الصغير ه يا بن هاشم في نظرعينـي صغيـره=لو تجيني من رشيـد ومـن شليويـح المطـاري
الضواري كيف رجعت ياالعرابي فـا الحظيـره=والسبايب يا العرابي من غليص ومـن مكـاري [/poem]

عبيدالله العرابى

[poem=font="Simplified Arabic,5,,bold,normal" bkcolor="" bkimage="" border="none,1," type=2 line=0 align=center use=ex num="0,"]
الصغيـره لالقـت مغـذا تبـي تصبـح كبيـره=العـرب فـي علـم ولاّ كلهـا حلـم وهـذارى
تحسب إنك صدت طير الجوّ وآنته فـي مطيـره=في يدينـك ريشتيـن ومالـي عيونـك غبـاري [/poem]

د.حمد العصيمى

[poem=font="Simplified Arabic,5,,bold,normal" bkcolor="" bkimage="" border="none,1," type=2 line=0 align=center use=ex num="0,"]
لو قريش الفاتحه سمعـت كـلام بـن المغيـره=كان ما احتاجت تسمع علـم ابـو ذر الغفـاري
طير ابن برمان ماهـو صيـده وسيرتـه سيـره=يا رياجيـل تعرفـون الصقـور مـن الحبـاري [/poem]

عبيدالله العرابى

[poem=font="Simplified Arabic,5,,bold,normal" bkcolor="" bkimage="" border="none,1," type=2 line=0 align=center use=ex num="0,"]
لاتجاوبنـي وراسـك ماسـك بـراس تعميـره=والجمل لاطاح مايرتـاح مـن كثـر الشبـاري
آنت مايعجبك من سهـل الـدروب ألا العسيـره=وإن لقيـت السيـل مايعجبـك بنـاّي الكبـاري [/poem]

د.حمدالعصيمى

[poem=font="Simplified Arabic,5,,bold,normal" bkcolor="" bkimage="" border="none,1," type=2 line=0 align=center use=ex num="0,"]
الجمل شقران فا الدرب الوعـر تسمـع هديـره=مار ابحول خطامه مـن يمينـي فـي يسـاري
السـدود تـرد سيـل العـرم وتوقـف مسيـره=كـل حالـه طاريـه قدامهـا بـاب الطـواري [/poem]

عبيدالله العرابى

[poem=font="Simplified Arabic,5,,bold,normal" bkcolor="" bkimage="" border="none,1," type=2 line=0 align=center use=ex num="0,"]
الجمـل شقـران لاهلحيـن ماجـانـا بشـيـره=ياحمد مالك ومال الخبط في غصون الشجـاري
العصيمي لـودرى ليـش الزلامـي فالسديـره=كان مايلحس لسانه موس وأعطى القوس بـاري [/poem]

د.حمدالعصيمى

[poem=font="Simplified Arabic,5,,bold,normal" bkcolor="" bkimage="" border="none,1," type=2 line=0 align=center use=ex num="0,"]
سر ابو زيد الهلالي عنك في قاصـي ضميـره=لـو نعلـم بـه عبيـد الله يعلـم بـه مشـاري
الزلامـي والنعـم لكـن والله مـا استشـيـره=شوري براسي وكم رجال يمشي تحـت شـاري [/poem]

عبيدالله العرابى

[poem=font="Simplified Arabic,5,,bold,normal" bkcolor="" bkimage="" border="none,1," type=2 line=0 align=center use=ex num="0,"]
سر ابو زيـد الهلالـي سلـك ولّـع فالضفيـره=مير ليتك مـن حريقتهـا علـى نفسـك تـداري
يالعصيمي ويـش عـذرك للجماهيـر الغفيـره=وآنت يادكتور محتاج إلـك دكتـور إستشـاري [/poem]

د.حمدالعصيمى

[poem=font="Simplified Arabic,5,,bold,normal" bkcolor="" bkimage="" border="none,1," type=2 line=0 align=center use=ex num="0,"]
لا يظلي دربكـم واحـد تـرى الليلـة مطيـره=الدروب وساع والدعوه مطـر والليـل سـاري
يا العرابي لا تصير اعمى نظر واعمى بصيـره=اكثر الجمهور وش دراه عـن شـري وخـاري [/poem]

عبيدالله العرابى

[poem=font="Simplified Arabic,5,,bold,normal" bkcolor="" bkimage="" border="none,1," type=2 line=0 align=center use=ex num="0,"]
حـزّم إيدينـك ومرّضهـا وعرّضهـا الجبيـره=ليـن كـل عيـون خلـق الله يهلـن العـبـاري
ريحـة العجّـان بالمجّـان يـاراع الخمـيـره=جاهزه مانـي مفصلهـا علـى لابـس وعـاري [/poem]

د.حمدالعصيمى

[poem=font="Simplified Arabic,5,,bold,normal" bkcolor="" bkimage="" border="none,1," type=2 line=0 align=center use=ex num="0,"]
مـا يـدور للجبـار الا اللـي يدينـه كسـيـره=انت تبغاهـا رضـا والا تبـا الدعـوه جبـاري
الشواوي باع قـدر السمـن حشمـة للمضيـره=كيف يخضع لانظمة مكـة وحاكمهـا التجـاري[/poem]

الله الله

والله انت الداهيه يابو شرف والله شاعر من كبار الشعار

صح الله لسانك ولسان اللعصيمي

السلام عليكم ورحمة الله وبركاته

أشهد بالله أنها محاورة دهاة وفعلا العصيمي شاعر متمكن ولاعليك زود كلامك مثمن ...

الجمـل شقـران لاهلحيـن ماجانـا بشيـره
ياحمد مالك ومال الخبط في غصون الشجـاري
العصيمي لودرى ليـش الزلامـي فالسديـره
كان مايلحس لسانه موس وأعطى القوس باري

الشواوي باع قدر السمن حشمة للمضيره
كيف يخضع لانظمة مكة وحاكمها التجاري


بيض الله وجيهكم على هالمحاورة الحماسية الممتعة ...

ننتظر جديدك .

محاورة قوية


ومعاني جزله


للأمانة تفتقد الساحة لمثل هذا الوع من المحاورات


صح لسانك ولسان الشاعر العصيمي


ودمت شاعرنا عبيد الله العرابي على الخير

والله أن ذا العصيمي داهيه وأنت أدهى فحل .


تحياتي .

كلكم دهاة وشعار كبار
محاورة من النوع الثقيل جداً ، محاورة
لها طعم خاص وخاصة عندما يكون عبيدالله العرابي
أحد اطرافها ولايهون العصيمي الداهية .
لكن للأمانة إنها رائعة ومحاورة كبار .
صح الله لسانك يابو شرف وصح الله لسان العصيمي .
وبيض الله وجهك على تواصلك الدائم معنا .

محاورة رائعة

استمعت بقراءتها صراحة

الله يعطيك العافيه وبيض الله وجهك