سلام الله على الهذلان

خالد العصيمي


سلام الله على الهذلان والهذلان نعم القـوم
وانا في خاطري شرهه على الهذلان جيراني
تقسمنا المراجل كل قيف وقسمه المقسـوم
انا ربي عطاني والحسود يمـوت معطانـي

فواز

هلا يامرحبا والليل مايطلع بغير نجوم=== هلا يامرحبا رحب الغلا من قلب ولساني

مادام هذيل من فوق البسيطه خلها مخدوم=== رسنها في يدين هذيل من ماضيت الازماني

خالد العصيمي

عليك الهون يافواز مانحتاج حب خشوم= دعاوينا الجديده لاتجي وتروح مجاني

تبا تسرق حلال الناس لكن البلد محكوم= يروح العلم ويعود لبو متعب وسلطاني

فواز الهذلي

توقّع لاتعوّد يم ربعك والظهر مصروم===تفكّر يالعتيبي وين مسكانك ومسكاني


عليك الله وكبر تحسبنّي مثلكم متهوم===تمنّى تارد الجمّه ودون العد هذلاني

خالد العصيمي

ترى بين الرجال سلوم يافواز صح النوم= تبا تذبح عتيبي مع هذيل اطوال الأيماني؟؟
لقيتك تصنع التاريخ وطب البحر وتعوم= تجيب الودع من قاع البحر وتقول مرجاني

فواز الهذلي

رضي الوجه ياخالد يميّز في صلاة وصوم=== وبيت العز يابوزيد يثبي فوق الاركاني


غريبه ياعتيبه وش حشركم في بحر مزحوم===ترى حنا على منزالنا والقوم حيتاني

خالد العصيمي

رضي الوجه مازاد الهموم الأ ولات هموم= ليا قالو تراك اخطيت قال اسف وغلطاني

انا ضلعٍ ينوش الغيم وصحابي جبل مزموم=ليا اسقاك اسحاب الغر مر الظلع وسقاني