اروع محاورة ,, للشاعرين عبدالله بن حامد المطرفي + حبيب العازمي

محاوره جرت بين الشاعر عبدالله المطرفي والشاعر حبيب العازمي وهي من اروع المحاورات
--------------------------------------------------------------------------------
حــبــيـــب الــعــازمـــي:

آخر الليـل نسمـع للحيايـا وشيـش=وشوشي ياحيايا وشوشـي وشوشـي
ليش بعض التصرف ياعرب ليش ليش=الهذيلي لقيتـه مـع قريـش اقرشـي

عبدالله المطرفي :

طير ياطير ياللي مابقي فيك ريـش=السما عاليـه والـدرب ماينمشـي
انت يحكم عليك القاضي ابن دهيش=قاضي العدل لاراشـي ولامرتشـي

حبيب العازمي :

صارت المعركه والنار في راس فيش=وآخر الليل لابـده يصيـر اخمشـي
خل حكمه على اللي يشربون الحشيش=لاتحرك سبب مدفـون ثـم تبلشـي

عبدالله المطرفي :

مابغينا لك اللي بعدها ماتعيـش=وان تعدلت لاتفرش ولا تفرشي
عان عزبتك خلاها جملنا طشيش=منقطع راسها وبطينها محتشـي

حبيب العازمي :

ناصبين الخيام اللـي ذراهـا عريـش=رشرشي ياسحابه فوقهـم رشرشـي
الجمل ملتو(ن) راسه وقلبـه خريـش=من دخل في الحبش لازم يصير احبشي

عبدالله المطرفي :

ياشبابه ترى راح العشا مع معيش=حششي ياشبابه بالفقـع حششـي
ناركم ياهل الفزعه حطبها قشيش=وازقلوا جوفها نظارة الاطمشـي

حبيب العازمي :

ياخنادف شبابه يعرفون الغشيـش=خيشي ياخنادف في الخلا خيشـي
نارنا بالحطب تمحش عليكم محيش=وان زعلتوا حشيناها عليكم حشي

عبدالله المطرفي :

الصفا مانت لاقي منه زاد ومشيش=عرمشي ياسنون العازمي عرمشي
ليت نارك تشب وليت قدرك يطيش=بعد سقنا ذنوبك صرت ماتختشـي

حبيب العازمي :

بعد دشيت حبك شيـل حبـك دشيـش=لاتعـود تقرمـش حـب ياقرمـشـي
ماش داعي نجيب سيوف ونجيب جيش=حربكم مايبا الا حذفـة اهـل العشـي


(منقول)
-----------------------------------------------------------------

محاورة رائعة بين علمين من أعلام الشعر

يعطيك العافية يالنباتي على هذا النقل الرائع

وشاعر بحجم عبدالله المطرفي يعد بعده عن ساحات المحاورة خسارة للساحة

تحياتي يالغالي

كفو والله...

مشكوووووووور على النقل...


ونتمنى عووودة الشاعر عبدالله..

السلام عليكم ورحمة الله وبركاته

لا أدري ماذا أقول ..
محاورة من الطراز النادر ..
صح لسان حبيب الشاعر المعروف والشاعر الجزل ..

وعبد الله المطرفي شاعر قل أن يجود الزمان بمثله ولكن أي هو الأن ..


الحمد لله رب العالمين .

ياسلاام ياسلااام


محااورة ممتعه جدا


وشعراء كبار الحقيقة

شكرا لك اخوي النباتي على النقل الموفق

الله أكبر

محاورة مضحكة ويتخللها بعض المعاني القوية

شكراً لك يالنباتي

	المشاركة الأصلية كتبت بواسطة سيف هذيل

	الله أكبر محاورة مضحكة ويتخللها بعض المعاني القوية شكراً لك يالنباتي

مشكور على المرور ياسيف

الله اكبر.........
المطرفي شاعر جزل

انا اسف يااخ كردي عربي

لكن هل تعرفه مثلما نعرفه

حنا فأررجو منك الاتحكم عليه وانت تجهل شاعريته

	المشاركة الأصلية كتبت بواسطة كردي عربي

	الله اكبر......... المطرفي شاعر جزل

اخي كردي العرب السلام عليك ورحمة الله وبركاته
س / هل سبق لك الآستماع أو الأضطلاع على محاورات الشاعر عبدالله بن حامد المطرفي؟

أرجوا منك أن تبين لنا سبب عدم قناعتك بهذا الشاعر
وهذه المحاورة التي نقلتها تبين قوته وخاصة انها كانت أمام شاعر كبير هو حبيب العازمي
ولك مني كل الشكر والتقدير

يعطيك العافية يالنباتي على هذا النقل الرائع

ونتمنى عودة الشاعر عبدالله المطرفي
.
.
.
..
حتى راس الكردي مع حبيب يطيش

تم تنزيلها صوتيا من مطرفي الدلم


مشكور أخوي النباتي

يعطيك العافية على النقل

بس ياعيال ابي اسالكم عن عبد الله المطرفي

هل هو عبدالله ولد حامد بن رويجح المطرفي والله ماعرفة لكن اسمع عن حامد بن رويجح انه شاعر جزل

الله يرحمه كما هو حال اخوه صالحبن رويجح

فهل عبدالله هذا ولده ولا لا