اول مره ابدع في محل ربعي ,,,,,,,, مير وين الشعار

محمد

اببداء بالسـلام وخيـر مانبـدى بـه القيفـان===مـن اللـي حنـك الافكـار حاكمـهـا ومبديـهـا

ليا غاب النجم يحضر بديله لو تطول ازمان===ويوضي فالسماء يبهج بنوره ليـن يزهيهـا


فواز

وانا قول البداية والنهاية حزّة الرحمان=== هلا يامرحبا باللي ليا زانت يغنيها


تمنّى يا محمّد نقتسمها قسمة الاخوان===وانا لوتتجه يمّك ترى ماني بحاديها



محمد

لعل الك البقاء مني ولك منا وفـاء واحسـان===على وضح النقاء ماني من اللي دوم يلويها

ليا منَك نويت اقسم وخذ فاللي لها صفطـان===اخير من التي توخذ وعين اهل الحسد فيها


فواز

تبالك ثوب يا محمد مطرّز ضافي الالوان=== ولكن الرعيّه ماتتاحي دون راعيها


تصبّر يارفيقي لين حتى يرجح الميزان=== ونلبسك الثياب اللي عيونك طايره فيها


محمد
تقوله ياعميلي يوم انا شاعر مـن الهـذلان===اغني من بيوت الشعر لا حضرت طواريها

وانا ماني مقـرط فـي ثيابـاً طولهـا نقصـان===ثـيـابـاً مـالـهـا قـبــه ولازبـــزور يغـلـيـهـا



فواز


ملوك الشام مايهدون فروتهم على فقران=== تعبنا يامحمد بين قنّتها وواديها


اباك تناطح الفرسان لاترخي عن الفرسان=== ترى دون العدود جبال لابدّك تعدّيها





محمد

ابعطيـك الحقيقـه ياعميـلـي واسـمـع البـرهـان===تمـوت الشجـره اللـي مالـقـت رجــال يسقيـهـا


انا الشاعر وانا الفارس وانا اللي يحكم الميدان===وانـا اللـي لـي وسـوم فالخصـوم ودك علابيهـا




فواز



انا لو انّي اهديتك ثمار الخوخ والرمّان=== يقولون العرب فواز حاميها حراميها


ياماشالله ياذكر الله رفيقي محزمه مليان===ولكن الرعود اللي ترازم دوب نوحيها