بدعه

الشاعرميعاد هذيل

انـادور الشاعـر وحبـه وبــا ملـفـاه : :لكنـه تغيـب عــن ديـرنـا وجافـاهـا
عسي خاطره طيب ولاشي منا جاه : : نبـا نعطـي المعـدال ولزمـه تقفاهـا


الشاعر بن قاسي

الا مرحبا بالشاعر اللي كشف معناه:::::::::كتبها على بيض الورق ليته اخفاها

ليا كانت الدعوه بسيطه نبي نلفاه::::::::::::ونحكم له الليله واظنه بيرضاها


الشاعر ميعاد هذيل:


لعـل البقـا ولـي كمـاكـم تــرا مشـنـاه : : : :لـكـن الـدعـاوي يـاولـد شــي يقفـاهـا

عساكم تسدون العرب لاحضر طرياه : : : :تخلون البنـادق جاهـزه داخـل أخباهـا


الشاعر بن قاسي:

نبي نسمع الدعوه وكلٍ نقص خطاه:::::وحجتك حضرها وحنا بنقراها

ترى قاضي المجلس تولم معه شلفاه::::ويد الحرامي تنقطع لا ثبتناها


الشاعر ميعاد هذيل:


أبن قاسي اليله قعد للهدف وخطـاه : : : : علاقدمعنـايـه وهــو غــر معـنـاهـا

ومن غير الدعوه تـرا مانبـا نجـزاه : : : : ونا لي تجارب فالعرب دايم ارباها


الشاعر بن قاسي:


انا جيت اسد بصاحبي والخزى مابغاه:::::::::وهالحين اشوفك كن ودك تلقاها

اسايرك يالشايب وعدي غزيرٍ ماه:::::::::تبي تدحم الضلعان تحسبك ترزاها


الشاعر ميعاد هذيل:


خطر لاتنصا السيل تقعد علي مجرا ه : : : : يشيـل الزهـاب اللـي بـدربـه وتقفـاهـا

وزرعــن ذيـتـه يـاولـد مانـقـيـت ذراه : : : : علـي راسهـا لوغـبـرت زان مذكـاهـا


الشاعر بن قاسي:

خيالك صحاه ولايجي منه ابد مرزاه::::::::::مزون الخريف مجربه مانزل ماها

ذرانا نواميها على راسكم تغشاه:::::::::تبي تنكر الواقع على الله مشكاها


الشاعر ميعاد هذيل:

وبعضالعـرب ماينعـرف بيعـه ومـشـراه : :عطـيـنـا حـــلاوه مـيــر بـســم نـقـفـاهـا

نصحناك عن درب الخطر اتركو ممشاه : :كتبنـا نصيحـه والنصيحـه محـد يجفـاهـا


الشاعر بن قاسي:

انا تاجرٍ في السوق لي مركزٍ مع جاه::::اعرف الثمينه من قبل يُكشف غطاها

ودربي على وضح النقى دايمٍ مغواه:::: ولكن بعض الناس بانت نواياها

الشاعر ميعاد هذيل:

تـرا كـل عـدن لوغزبـرن يغلـق مــاه : : :وديـره رعينـاهـا بعـدنـا قـضـا مـاهـا

ولا واوجودي وجد من همل المحماه : : :حسافـه تحسـر بعـدمـا بـيـح احمـاهـا