محاورة حامد القارحي الهذلي وتركي 2000 " حنا وسمنا شعيل يوم كل يرقب سنامه "

في ليلة من ليالي الإبداع وقوة الفتل والنقض تواجهوا مجموعة من نجوم المحاورة

في منطقة يبرين التي تبعد عن محافظة الخرج 400 كيلو في زواج أخ الشاعر

محمد بن الذيب فقد تواجهوا ولأول مرة وفي مقدمتهم الشاعر الكبير حامد الهذلي

والشاعر تركي الميزاني والشاعر محمد بن مشيط والشاعر سعيد بن رحمة

والشاعر متعب بن كروز والشاعر زيد المري وكان الإبداع من نصيبهم جميع وفي

مقدمتهم الشاعر الكبير حامد الهذلي الذي خرجنا منه بقوة النقض يوم أمس حيث

جميع الشعراء لعبوا معه لكن لم يتعبة العدد فقد كان يزداد توهج كلما ازداد العدد

فأليكم هذه المحاورة التي دارت بين الشاعر حامد الهذلي والشاعر تركي 2000


:::::::::::::::::::::::::::::::::::::::::::::::::: :::::::::::::::::::::::::::::


تركي 2000


الليل طال الليل هات الخبر ياشاعر هذيل ===والساحل الشرقي يكفيك عن ساحل تهامه

وجه السما بانت نجومة وباب الجدي وسهيل === والله وعلم وش بقى من علامات القيامه



حامد الهذلي


يابن عطالله جاك شاعر هذيل من أول الليل=== والدار واحد مانفرقك ياغربة وشامه

ماتقبلون الميل وحنا عرب مانقبل الميل ===ياللي تفكر في القيامة بقى منها علامه



تركي 2000


الخطوة اللي سقتها من بعد جتك المراسيل ===أحسب لها والوقت يعرف حلالة من حرامه

وراك ماخذت لك فنجال من بين الفناجيل === راع الشداد الله يسلمك مايرضى المسامه



حامد الهذلي


أنته توصيني وأنا مابجي في منحر السيل=== والراس ياتركي كما قيل تكسية العمامه

الرجل بياخذ نصيبة كما باق الرجاجيل=== لكن فالموضوع لفة عسى الدعوى السلامه


تركي 2000


ترى عيون الناس ياصاحبي مثل الدرابيل === خلك على منهاجك اللي رسمة أبو دلامه

لاصار فالموضوع لفة وجايتك التفاصيل === أكرب حزامك يوم كل رصاصة في حزامه


حامد الهذلي


لاراح جيلي يجيك في طرقته يالأجودي جيل===وحنا وسمنا شعيل يوم العرب ترقب سنامه .

تقبلوا تحياتي .


" منقول من منتديات عذب القصيد الأدبية "

هنا الفتل والنقض حاضر بقوة

الله يعطيك العافية يامطرفي الدلم وبيض الله و جهك

ننتظر المقاطع يالذيب ...

	ترى عيون الناس ياصاحبي مثل الدرابيل *** خلك على منهاجك اللي رسمة أبو دلامه

بيت قوي

	لاراح جيلي يجيك في طرقته يالأجودي جيل *** وحنا وسمنا شعيل يوم العرب ترقب سنامه

رد وافي وجميل

:::::::::::::::::::::::::::::::::::::::::::::::

شكرا اخي مطرفي الدلم

محاورة جميلة جداا

وشعراء كبار

أبشروا بالمقاطع بس أنا مشغول بحفلات حامد الهذلي في الرياض وتصويرها لكن

أبشروا بالمئة مقطع .

تحياتي .

مطرفي الدلم يعطيك العافية
محاورة قوية بين شاعرين
قمة في الابداع

أشكرك على مرورك العذب الذي أسعدني .


تحياتي .

بيض الله وجهك اخوي مطرفي الدلم

محاورة جميلة بين شاعرين كبار في معانيهم

أشكرك على مرورك العذب الذي أسعدني


تحياتي وتقديري .

,,
,,
با الفعل كانت محااوره قويه وجميله مع تركي الميزاني وابدع ابو صخر فيهاا
وبعد كانت محاورته مع ابن مشيط مجنووونه..
انتظروا المقاطع اللي بينزلها ولد العم مطرفي الدلم
واكيد بتعجبكم
تحياتي

بصراحه ابداع من شاعرنا ولا هنت على النقل يالمطرفي

بالفعل كانت محاورة قوية وجميلة والإبداع من طرف أبو صخر .


أشكرك على مروركم الكريم .

تحياتي .

مشكوور يالهذيلي على المحااوره عز الله انك كفوووووو

اعجبني هذا المقطع:

تركي 2000

الخطوة اللي سقتها من بعد جتك المراسيل *** أحسب لها والوقت يعرف حلالة من حرامه

وراك ماخذت لك فنجال من بين الفناجيل *** راع الشداد الله يسلمك مايرضى المسامه

حامد الهذلي

أنته توصيني وأنا مابجي في منحر السيل *** والراس ياتركي كما قيل تكسية العمامه

الرجل بياخذ نصيبة كما باق الرجاجيل *** لكن فالموضوع لفة عسى الدعوى السلامه

صاااااااااااادق ياحامد البرنامج فيه لعب حسبي الله عليهم

ألف شكر يا مطرفي الدلم

والله يقويك

	ماتقبلون الميل وحنا عرب مانقبل الميل *** ياللي تفكر في القيامة بقى منها علامه

ماشاء الله ياأبو صخر ....قوووة نقض غير طبيعية .

وبيض الله وجهك يامطرفي الدلم ونحن في انتظار المقاطع ولاتبطي علينا ياولد العم

مشكووووور ياعبدالعزيز

وبيض الله وجهك