بيتين قوية بين فيصل الرياحي ورد أقوى من عبدالله المطرفي الهذلي ( نريد تكملتها)

[poem=font="Arial,5,,normal,normal" bkcolor="" bkimage="" border="none,1," type=2 line=0 align=center use=ex num="0,"]
عباد السفياني

الليله الليله مشينا والقدم عيّت تسير = ياليت عبدالله يوثّق حزمته ويشدّها
ياطير ابو جنحان لاجينا لعلك ماتطير = واللي بنى بنيه على طول الزمان يهدّها

عبدالله المطرفي

وش يروي الضميان يلقى له بحر ولا غدير = قال المثل رجل(ن) مضرّى بالعدود يعدّها
الليله انته ياعميل الخير في البيعه خشير = اطلب من الدكتور يصنع لك سنون وحدّها

عباد السفياني

اشرب من العد المجرب لين بطنك يستدير = الشربه اللي يوم تطلع في الحلوق تسدّها
العام ياعبدالله انته في البلد طيّب بخير = واليوم ماتقدر يمينك للرجال تمدّها

عبدالله المطرفي

لو المراجل بالمنى ماعاش في الدنيا فقير = لكن صبرك لين دمع العين يغسل خدّها
الفارس اللي مامعه بلجيك وحزامه ذخير = لاعاد ينزل في المعارك كان ماهو قدّها

عباد السفياني

لو الضحك مثل البكا ولا الرغا مثل الهدير = كان العلوم الناقصه طالت ووصلت حدّها[/poem]