لغز الاسبوع (موضـــــــــــــــــــــ� �ـــــــــــــــــــــوع متجدد) - ::{ مجالس قبيلة هذيل }:: موقع يهتم بتراث القبيلة ومفاخرها

08-23-2008, 06:26 PM

اللغز الاول :بن قاسي الهذلي

انشدك عن بنتٍ عن اخواتها غير::::::متمـيـزه مـيـر الـعـرب عذبـوهـا

كلٍ يبـى يرمـي بهـا داخـل البيـر::::::ماهـي وحدهـا باختـهـا لحقـوهـا

الحل:حبة الخمسين (الحمرا)في الكيرم

تم حل اللغز من قبل:فتى هذيل
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــ
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــ

اللغز الثاني:فواز الهذلي

ياهل المفاكر يارجال العرف والراي الحكيم::::::انا ليا قلت المثايل كلكم لدّو لها

وش بنت ياهل المعرفه لاهي ولود ولاعقيم::::::وعيالها اربع طعش متخفّية فحثولها

تسقي ضمى هاك الولد ماتخدم العود القديم :::::: واليا كشفنا سترها قالو بطل مفعولها

حل اللغز:بطاقة شحن الجوال

تم حل اللغز من قبل :اسد نعمان

ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــــ
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــــــ

اللغز الثالث:بن قاسي الهذلي

وش هو ولد يامر على ابوه ويطيع :::::::يقطع حديثه لا بغى في المجالس

رغم القرابه يختلف في التقاطيع::::::::والعارفه ما خطاه واقف وجالس

حل اللغز:الريموت

تم حل اللغز من قبل :ابو المثلم

ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـ
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـ

اللغز الرابع:ابو المثلم

ويش قبر ٍ يا هل التفكير مبني من قزاز:::::::::والجنايز نار شبابه تجيه بلا كفن

يمتلي ويغيض في ساعه ولا يبغى جهاز::::::::ما يشيله كل رجال ولو رخص الثمن

حل اللغز: طفاية السجاير

تم حل اللغز من قبل:ابو المثلم
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــ
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــــ

اللغز الخامس:هذلي والفخر لي

ابا انشد العراف وش هي بنت(ن) تشيل وتشالي
يشتالها الرجال بيدينه يمين(ن) مع شمـــــــــالي
وتشيل صاحبها وتحميه وتحطه فالظـــــــــلالــي
ويصير صاحبها لحكم الوقت قادر مستطيـــــــــع

حل اللغز:بطاقة الاحوال

تم حل اللغز من قبل:هذلي والفخر لي
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــ
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــ

اللغز السادس:بن قاسي الهذلي

والثانيه وش هو ولد تعتز به كل القبيله

اليا وقف ماعاد للشيخان في وقفته حيله

مايدرج الخطوه لحاله كود في ظهر الاصيله

والحل مايدركه غير اللي يحل المعضلات

حل اللغز:الشاعر

تم حل اللغز من قبل:فواز الهذلي

ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــ
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــ

اللغز السابع:او مطرف

الاولـه دايـم انسلـم علـى الاقـراب........أهـل الـوفـا والحمـيـه دوم نهـواهـا
والثانيه ويش بنـتٍ اتقـود الاشنـاب........دايــم تـزايـد ولاتـنـقـص مـزايـاهـا
ابواسطتها نحدد املاقـا الأصحـاب........واللـي هملهـا يضيـع فــي محيـاهـا
درزن لها امن البنات وكلهم أجناب........لاهـم علـى شكلهـا ولاهــم كمـاهـا

حل اللغز: الساعه

تم حل اللغز من قبل :رفيع الشان