هنا ابو بسام وابو المثلم (( محاورة مبااشرة هذه الليلة))

ابوبسام


سلام يامن حضر والدرب قدام 000 وابليس ملعون والنيه مطيه

هذا السنه ياعرب ماهي كما العام 000 الخير موجود والناتج بليه



ابو المثلم


يـا مرحبـا قودهـا بزمـام وخطـام0000مـن راس عـروان ليـن القوبعيـة
هاك السنة روحَت مرواح صدام0000بغـداد جـابـت سـفـارات اجنبـيـة


ابوبسام


خابرك ياصاحبي فارس ومقدام 000 وشرايك تصير قايد للسريه

يا جعل من لامني يالربع ينلام 000 تغير الوضع في صبح وعشيه



ابو المثلم



الله يديـم النعـم ويعـز الاسـلام000الناس ترقد بامـن لـو فالحويـة
الشاص مكسور ما ينفعه لحّام000والموتر أصلي يبا سواق عيّة


ابو بسام

الدرب ماهو يمن ياصاحبي شام 000 وفلوسنا في يدين الصيرفيه

ماني بناشدك وش خطن الاقلام 000 في موتمر ربعنا هاك السنيه


ابو المثلم


الله يخليـك لـيـن تـشـوف بـسـام....طبيب يصـرف دوا فالصيدليـة
ماني بناشدك عن تفخيخ الالغام.....لـو هـو بكيفـي تزوجـت البنـيـة


ابوبسام

الله يخليك مع خالك والاعمــــــام 000 مع مر الايام تاخذ لك صبيـــــــــه

ترى السبب ياولد من حمر الاعلام 000 سوت من العلم يالصاحب قضيه


ابو المثلم

مجود الخال مـا تغويـه الاوهـام...ياخـذ نصيبـه ويعطـي بالسـويـة
الظرف فيه الغرا باقي له اختام....رسـالـه وجاتـكـم فـيـهـا هـديّــة


ابوبسام

مجود الخال جاهل كل الاحكام 000 ومفكر السالفه روحه وجيه

اللوحه اللي لها عشرين رسام 000 تجمعوا لاجل رسمة مزهريه